ປະຊາຊົນຟິລິບປິນລົງພິມບົດຄວາມກ່າວວ່າເກາະຮວງອຽນຂຶ້ນກັບຈີນແລະຕຳນິລັດຖະບານຟິລິບປິນບິດເບືອນຄວາມຈິງ
(GMT+08:00) 2012-05-04 16:58:06 cri
ຟິລິບປິນໄດ້ປະເຊີນໜ້າກັບຈີນຢູ່ເຂດທະເລເກາະຮວງອຽນເປັນເວລາ20ກວ່າມື້ແລ້ວ. ໃນໄລຍະນີ້, ທາງຝ່າຍຟິລິບປິນບໍ່ໄດ້ເອົາຫົວຊາຕໍ່ປະຫວັດສາດແລະການຕໍ່ວ່າທັກທ້ວງຂອງຝ່າຍຈີນ, ແລະໄດ້ປະກາດຫຼາຍເທື່ອວ່າເກາະຮວງອຽນຢູ່ໃນດິນແດນຂອງຟິລິບປິນ. ມີໜັງສືພິມວິເຄາະວ່າ, ການກະທຳຂອງຟິລິບປິນຄືແນວນີ້ແມ່ນມີຈຸດປະສົງເພື່ອຍາດແຍ່ງຊັບພະຍາກອນຢູ່ທະເລຈີນໃຕ້. ແຕ່ວ່າ, ຫວ່າງມໍ່ໆມານີ້, ມີປະຊາຊົນຟິລິບປິນຜູ້ໜຶ່ງໄດ້ຂຽນບົດຄວາມລົງພິມໃນໜັງສືພິມສຳຄັນຂອງຟິລິບປິນ, ບົດຄວາມຊີ້ອອກວ່າ, ປະຫວັດສາດຢັ້ງຢືນວ່າ, ເກາະຮວງອຽນເປັນດິນແດນຂອງຈີນມາແຕ່ບູຮານນະການ.
ປະຊາຊົນຟິລິບປິນຜູ້ນີ້ຊື່ວ່າວິກໂຕ ອາຊິສ, ມາຈາກນະຄອນຫຼວງມານີລາຂອງຟິລິບປິນ. ທ່ານເຄີຍເປັນນັກລົງທຶນ, ນັກທະນາຄານການຄ້າ, ນາຍບັນຊີທີ່ຂຶ້ນທະບຽນ, ທັງເປັນນັກເສດຖະສາດ, ທ່ານວິກໂຕ ອາຊິສໄດ້ລົງພິມບົດຄວາມໃນໜັງສືພິມ Manila Standard Todayຂອງຟິລິບປິນສະບັບວັນທີ28ເມສາແລ້ວນີ້, ໂດຍມີເນື້ອໃນຫຍໍ້ວ່າ: ເກາະຮວງອຽນແມ່ນຂຶ້ນກັບຈີນ, ໃນປີ1279, ລາຊະວົງຢວນຂອງຈີນໄດ້ຄົ້ນພົບເກາະຮວງອຽນແລະຈັດເຂົ້າໃນແຜ່ນດິນຂອງຕົນ. ຊາວປະມົງຂອງຈີນ, ບໍ່ວ່າຈາກແຜ່ນດິນໃຫຍ່ຫຼືໄຕ້ຫວັນຈີນ, ໄດ້ນຳໃຊ້ເຂດທະເລນີ້ຕັ້ງແຕ່ເວລານັ້ນເປັນຕົ້ນມາ.
ເມື່ອທຽບກັບປະຫວັດສາດນີ້ແລ້ວ, ກະຊວງການຕ່າງປະເທດຟິລິບປິນອ້າງວ່າມີສິດອະທິປະໄຕເໜືອດິນແດນຕອນນີ້ແມ່ນອີງຕາມແຜນທີ່ເກົ່າຂອງຟິລິບປິນທີ່ສ້າງຂຶ້ນໃນປີ1820ນັ້ນ, ແມ່ນຊ້າກວ່າແຜນທີ່ຂອງຈີນ541ປີ.
ຄັນຊັ້ນ, ໃນປີ1946, ຟິລິບປິນປະກາດເປັນເອກະລາດຈາກການເປັນຫົວເມືອງຂຶ້ນຂອງອາມເລິກາ, ຜືນແຜ່ນດິນອັນແທ້ຈິງຂອງຟິລິບປິນຄວນເປັນແນວໃດ?ເປັນຫຍັງລັດຖະທຳມະນູນຂອງຟິລິບປິນໃນປີ1899, ປີ1935, ປີ1943, ປີ1973, ປີ1986ແລະປີ1987, ກໍ່ບໍ່ໄດ້ກຳນົດວ່າເກາະຮວງອຽນຢູ່ໃນແຜນທີ່ຂອງຟິລິບປິນ, ແລະລັດຖະທຳມະນູນຫຼາຍສະບັບນີ້ກໍ່ລ້ວນແຕ່ບໍ່ໄດ້ກ່າວເຖິງໝູ່ເກາະນານຊ່າແມ່ນດິນແດນຂອງຟິລິບປິນຈັກເທື່ອ. ຟິລິບປິນໄດ້ຮັບສິດຕໍ່ເກາະດອນເຫຼົ່ານີ້ຢ່າງກະທັນຫັນຈາກບ່ອນໃດຫຼືຜູ້ໃດ?
ໃນອີກດ້ານໜຶ່ງ, ຟິລິບປິນຮຽກຮ້ອງມິສິດອະທິປະໄຕເໜືອເກາະດອນເຫຼົ່ານີ້ແມ່ນພຽງແຕ່ອີງຕາມ"ສັນຍາກົດໝາຍວ່າດ້ວຍທະເລຂອງສະຫະປະຊາຊາດ"ສະບັບປີ1982. ຕາມຂ້າພະເຈົ້າເອງຮູ້ວ່າ, ນີ້ພຽງແຕ່ເປັນສັນຍາເທົ່ານັ້ນ, ບໍ່ສາມາດໂຄ່ນລົ້ມຫຼືເຂົ້າແທນສົນທິສັນຍາຫຼືສັນຍາທີ່ພວກລ່າເມືອງຂຶ້ນເຊັນກັນຫຼືຕົກລົງກັນ. ສະນັ້ນ, ຟິລິບປິນແມ່ນຢາກຫຼອກລວງໃຜແທ້?
ປະຊາຊົນຟິລິບປິນຜູ້ນີ້ຊື່ວ່າວິກໂຕ ອາຊິສ, ມາຈາກນະຄອນຫຼວງມານີລາຂອງຟິລິບປິນ. ທ່ານເຄີຍເປັນນັກລົງທຶນ, ນັກທະນາຄານການຄ້າ, ນາຍບັນຊີທີ່ຂຶ້ນທະບຽນ, ທັງເປັນນັກເສດຖະສາດ, ທ່ານວິກໂຕ ອາຊິສໄດ້ລົງພິມບົດຄວາມໃນໜັງສືພິມ Manila Standard Todayຂອງຟິລິບປິນສະບັບວັນທີ28ເມສາແລ້ວນີ້, ໂດຍມີເນື້ອໃນຫຍໍ້ວ່າ: ເກາະຮວງອຽນແມ່ນຂຶ້ນກັບຈີນ, ໃນປີ1279, ລາຊະວົງຢວນຂອງຈີນໄດ້ຄົ້ນພົບເກາະຮວງອຽນແລະຈັດເຂົ້າໃນແຜ່ນດິນຂອງຕົນ. ຊາວປະມົງຂອງຈີນ, ບໍ່ວ່າຈາກແຜ່ນດິນໃຫຍ່ຫຼືໄຕ້ຫວັນຈີນ, ໄດ້ນຳໃຊ້ເຂດທະເລນີ້ຕັ້ງແຕ່ເວລານັ້ນເປັນຕົ້ນມາ.
ເມື່ອທຽບກັບປະຫວັດສາດນີ້ແລ້ວ, ກະຊວງການຕ່າງປະເທດຟິລິບປິນອ້າງວ່າມີສິດອະທິປະໄຕເໜືອດິນແດນຕອນນີ້ແມ່ນອີງຕາມແຜນທີ່ເກົ່າຂອງຟິລິບປິນທີ່ສ້າງຂຶ້ນໃນປີ1820ນັ້ນ, ແມ່ນຊ້າກວ່າແຜນທີ່ຂອງຈີນ541ປີ.
ຄັນຊັ້ນ, ໃນປີ1946, ຟິລິບປິນປະກາດເປັນເອກະລາດຈາກການເປັນຫົວເມືອງຂຶ້ນຂອງອາມເລິກາ, ຜືນແຜ່ນດິນອັນແທ້ຈິງຂອງຟິລິບປິນຄວນເປັນແນວໃດ?ເປັນຫຍັງລັດຖະທຳມະນູນຂອງຟິລິບປິນໃນປີ1899, ປີ1935, ປີ1943, ປີ1973, ປີ1986ແລະປີ1987, ກໍ່ບໍ່ໄດ້ກຳນົດວ່າເກາະຮວງອຽນຢູ່ໃນແຜນທີ່ຂອງຟິລິບປິນ, ແລະລັດຖະທຳມະນູນຫຼາຍສະບັບນີ້ກໍ່ລ້ວນແຕ່ບໍ່ໄດ້ກ່າວເຖິງໝູ່ເກາະນານຊ່າແມ່ນດິນແດນຂອງຟິລິບປິນຈັກເທື່ອ. ຟິລິບປິນໄດ້ຮັບສິດຕໍ່ເກາະດອນເຫຼົ່ານີ້ຢ່າງກະທັນຫັນຈາກບ່ອນໃດຫຼືຜູ້ໃດ?
ໃນອີກດ້ານໜຶ່ງ, ຟິລິບປິນຮຽກຮ້ອງມິສິດອະທິປະໄຕເໜືອເກາະດອນເຫຼົ່ານີ້ແມ່ນພຽງແຕ່ອີງຕາມ"ສັນຍາກົດໝາຍວ່າດ້ວຍທະເລຂອງສະຫະປະຊາຊາດ"ສະບັບປີ1982. ຕາມຂ້າພະເຈົ້າເອງຮູ້ວ່າ, ນີ້ພຽງແຕ່ເປັນສັນຍາເທົ່ານັ້ນ, ບໍ່ສາມາດໂຄ່ນລົ້ມຫຼືເຂົ້າແທນສົນທິສັນຍາຫຼືສັນຍາທີ່ພວກລ່າເມືອງຂຶ້ນເຊັນກັນຫຼືຕົກລົງກັນ. ສະນັ້ນ, ຟິລິບປິນແມ່ນຢາກຫຼອກລວງໃຜແທ້?
