ລົດໄຟສາຍສາກົນຈີນຫວຽດນາມໃຫ້ບໍລິການແກ່ຜູ້ໂດຍສານ8ໝື່ນກວ່າຄົນພາຍໃນເວລາ3ປີ
(GMT+08:00) 2012-05-08 16:08:04 cri
ຫວ່າງກ່ອນນີ້ບໍ່ດົນ, ພະແນກທາງລົດໄຟນານນີງແຈ້ງໃຫ້ຊາບວ່າ, ນັບແຕ່ລົດໄຟສາກົນຈີນຫວຽດນາມເປີດບໍລິການເປັນຕົ້ນມາ, ໄດ້ມີຜູ້ໂດຍສານ8ໝື່ນກວ່າຄົນໄດ້ໃຊ້ບໍລິການລົດໄຟຂະບວນນີ້ເດີນທາງໄປມາລະຫວ່າງຈີນກັບອາຊຽນ, ລົດໄຟຂະບວນນີ້ໄດ້ກາຍເປັນເສັ້ນທາງສີຂຽວທີ່ສະດວກສະບາຍໃນການໄປມາຫາສູ່ກັນລະຫວ່າງຈີນກັບອາຊຽນ.
ວັນທີ1ມັງກອນ2009ຜ່ານມາ, ລົດໄຟໂດຍສານT8701/2ທີ່ມີໄລຍະທາງແຕ່ນະຄອນນານນີງເຂດກວາງຊີຈີນຫານະຄອນຫຼວງຮ່າໂນ້ຍຫວຽດນາມໄດ້ເປີດບໍລິການຢ່າງເປັນທາງການ, ຜູ້ໂດຍສານພາຍໃນແລະຕ່າງປະເທດສາມາດເດີນທາງດ້ວຍລົດໄຟຂະບວນນີ້ຈາກນານນີງໄປຮອດຮ່າໂນ້ຍຫຼືຈາກຮ່າໂນ້ຍໄປຮອດນານນີງພາຍໃນ1ວັນ. ໃນວັນພັກບຸນກຸດຈີນ, ບຸນຊີ່ງມິນແລະວັນກຳມະກອນສາກົນ, ລົດໄຟຂະບວນນີ້ເຕັມໄປດ້ວຍຜູ້ໂດຍສານຕະຫຼອດ. ແຕ່ເດືອນມັງກອນຮອດເດືອນເມສາປີນີ້, ລົດໄຟສາຍສາກົນຂະບວນນີ້ໄດ້ໃຫ້ບໍລິການແກ່ຜູ້ໂດຍສານເພີ່ມຂຶ້ນ31,2%ເມື່ອທຽບກັບໄລຍະດຽວກັນຂອງປີກາຍ.
ອີງຕາມຈຳນວນຜູ້ໂດຍສານແລະຄວາມຕ້ອງການ, ພະແນກທາງລົດໄຟນານນີງໄດ້ຂະຫຍາຍເສັ້ນທາງລົດໄຟຂະບວນນີ້ໃຫ້ໄປຮອດເມືອງກຸ້ຍລິນຂອງຈີນອີກ, ໃນໄລຍະບຸນກຸດຈີນປີ2010ແລະປີ2011, ຍັງໄດ້ຂະຫຍາຍເສັ້ນທາງແລ່ນລົດໄປເຖິງເມືອງມ້າວມີງແຂວງກວາງຕຸ້ງຈີນ. ນອກນີ້, ເພື່ອສະໜອງການບໍລິການໃຫ້ແກ່ຜູ້ໂດຍສານຈາກອາຊຽນເປັນຢ່າງດີ, ນັບແຕ່ເດືອນສິງຫາປີ2009ເປັນຕົ້ນມາ, ໄດ້ຫຼຸດລາຄາປີ້ລົດໄຟ, ປະຈຸບັນ, ຊື້ປີ້ຈ່າຍພຽງແຕ່45%ເທົ່ານັ້ນ, ຄື, ປີ້ບ່ອນນອນອ່ອນ248ຢວນ, ປີ້ບ່ອນນອນແຂງ160ຢວນ.
ໃນ3ປີຜ່ານມາ, ເຂດກວາງຊີແລະພະແນກທາງລົດໄຟນານນີງໄດ້ໃຊ້ໂອກາດນີ້, ຈັດກິດຈະກຳ"ງານສັງສັນຊາວໜຸ່ມຈີນຫວຽດນາມ", ເປີດລົດໄຟຂະບວນພິເສດທີ່ມີຊື່ວ່າ"ຊາວໜຸ່ມຜູ້ສ້າງທຸລະກິດ", "ແລກປ່ຽນວັດທະນະທຳ"ເປັນຕົ້ນ, ໄດ້ສ້າງຂົວເຊື່ອມຕໍ່ມິດຕະພາບລະຫວ່າງຈີນກັບອາຊຽນ.
ວັນທີ1ມັງກອນ2009ຜ່ານມາ, ລົດໄຟໂດຍສານT8701/2ທີ່ມີໄລຍະທາງແຕ່ນະຄອນນານນີງເຂດກວາງຊີຈີນຫານະຄອນຫຼວງຮ່າໂນ້ຍຫວຽດນາມໄດ້ເປີດບໍລິການຢ່າງເປັນທາງການ, ຜູ້ໂດຍສານພາຍໃນແລະຕ່າງປະເທດສາມາດເດີນທາງດ້ວຍລົດໄຟຂະບວນນີ້ຈາກນານນີງໄປຮອດຮ່າໂນ້ຍຫຼືຈາກຮ່າໂນ້ຍໄປຮອດນານນີງພາຍໃນ1ວັນ. ໃນວັນພັກບຸນກຸດຈີນ, ບຸນຊີ່ງມິນແລະວັນກຳມະກອນສາກົນ, ລົດໄຟຂະບວນນີ້ເຕັມໄປດ້ວຍຜູ້ໂດຍສານຕະຫຼອດ. ແຕ່ເດືອນມັງກອນຮອດເດືອນເມສາປີນີ້, ລົດໄຟສາຍສາກົນຂະບວນນີ້ໄດ້ໃຫ້ບໍລິການແກ່ຜູ້ໂດຍສານເພີ່ມຂຶ້ນ31,2%ເມື່ອທຽບກັບໄລຍະດຽວກັນຂອງປີກາຍ.
ອີງຕາມຈຳນວນຜູ້ໂດຍສານແລະຄວາມຕ້ອງການ, ພະແນກທາງລົດໄຟນານນີງໄດ້ຂະຫຍາຍເສັ້ນທາງລົດໄຟຂະບວນນີ້ໃຫ້ໄປຮອດເມືອງກຸ້ຍລິນຂອງຈີນອີກ, ໃນໄລຍະບຸນກຸດຈີນປີ2010ແລະປີ2011, ຍັງໄດ້ຂະຫຍາຍເສັ້ນທາງແລ່ນລົດໄປເຖິງເມືອງມ້າວມີງແຂວງກວາງຕຸ້ງຈີນ. ນອກນີ້, ເພື່ອສະໜອງການບໍລິການໃຫ້ແກ່ຜູ້ໂດຍສານຈາກອາຊຽນເປັນຢ່າງດີ, ນັບແຕ່ເດືອນສິງຫາປີ2009ເປັນຕົ້ນມາ, ໄດ້ຫຼຸດລາຄາປີ້ລົດໄຟ, ປະຈຸບັນ, ຊື້ປີ້ຈ່າຍພຽງແຕ່45%ເທົ່ານັ້ນ, ຄື, ປີ້ບ່ອນນອນອ່ອນ248ຢວນ, ປີ້ບ່ອນນອນແຂງ160ຢວນ.
ໃນ3ປີຜ່ານມາ, ເຂດກວາງຊີແລະພະແນກທາງລົດໄຟນານນີງໄດ້ໃຊ້ໂອກາດນີ້, ຈັດກິດຈະກຳ"ງານສັງສັນຊາວໜຸ່ມຈີນຫວຽດນາມ", ເປີດລົດໄຟຂະບວນພິເສດທີ່ມີຊື່ວ່າ"ຊາວໜຸ່ມຜູ້ສ້າງທຸລະກິດ", "ແລກປ່ຽນວັດທະນະທຳ"ເປັນຕົ້ນ, ໄດ້ສ້າງຂົວເຊື່ອມຕໍ່ມິດຕະພາບລະຫວ່າງຈີນກັບອາຊຽນ.
