ການສົນທະນາແຊງກຼີລາຄັ້ງທີ11ຈັດຂຶ້ນຢູ່ສິງກະໂປ
(GMT+08:00) 2012-06-01 14:01:06 cri
CRIລາຍງານວ່າ: ການສົນທະນາແຊງກຼີລາຄັ້ງທີ11ຈັດຂຶ້ນຢູ່ໂຮງແຮມແຊງກິຼລາຂອງສິງກະໂປແຕ່ວັນທີ1ຫາວັນທີ3ມິຖຸນານີ້.ລັດຖະມົນຕີວ່າການກະຊວງປ້ອງກັນປະເທດແລະເຈົ້າໜ້າທີ່ອາວຸໂສຂອງ27ປະເທດເຊັ່ນອາເມລິກາ,ຈີນ,ເຢຍລະມັນ,ອັງກິດ,ອົສຕຼາລີ,ຍີ່ປຸ່ນ,ການາດາ,ອິນເດຍ,ອິນໂດເນເຊຍແລະປະເທດອາຊີປາຊີຟິກອື່ນໆເຂົ້າຮ່ວມການສົນທະນາຄັ້ງນີ້.
"ການສົນທະນາແຊງກຼີລາ"ລິ່ເລີ່ມໂດຍສະຖາບັນຄົ້ນຄວ້າຍຸດທະສາດສາກົນອັງກິດ,ເລີ່ມຈັດຂຶ້ນມາແຕ່ປີ2002ພາຍໃຕ້ການສະໜັບສະໜູນຂອງລັດຖະບານສິງກະໂປ,ຍ້ອນວ່າກອງປະຊຸມຄັ້ງທຳອິດຈັດຂຶ້ນຢູ່ໂຮງແຮມແຊງກຼີລາສິງກະໂປ,ຈິ່ງໄດ້ຊື່ວ່າ"ການສົນທະນາແຊງກຼີລາ".ຊຶ່ງຖືກພາຍນອກເຫັນວ່າເປັນເວທີປຶກສາຫາລືຄວາມໝັ້ນຄົງທີ່ສຳຄັນໃນພາກພື້ນທີ່ຈັດຂຶ້ນເປັນປະຈຳໃນທຸກທຸກປີ.
ກອງປະຊຸມຄັ້ງນີ້ຈະມີຫົວຂໍ້ປຶກສາຫາລື5ຂໍ້ຄືນະໂຍບາຍວຽກງານປ້ອງກັນຊາດຂອງອາເມລິກາໃນຍຸກສະໄໝເງິນຕາຮັດກຸມ,ປົກປັກຮັກສາການເດີນເຮືອທາງທະເລຢ່າງເສລີ,ການຂົ່ມຂູ່ກັບຄວາມໝັ້ນຄົງໃນພາກພື້ນ,ຮູບແບບໃໝ່ຂອງສົງຄາມ:ເຄືອຂ່າຍອິນເຕີເນັດ,ເຮືອບິນທີ່ບໍ່ມີຄົນຂັບແລະໄພຂົ່ມຂ່ແບບູໃໝ່,ຄວາມໝັ້ນຄົງຂອງໂລກແລະພາກພື້ນອາຊີປາຊີຟິກປະກົດມີຄວາມສ່ຽງໃໝ່.ພ້ອມກັນນັ້ນ,ໃນໄລຍະດຳເນີນກອງປະຊຸມຄັ້ງນີ້ຍັງຈະມີກອງປະຊຸມພາຍໃນພິເສດ5ເທື່ອຄືເຮັດແນວໃດເພື່ອຫຼີກລ້ຽງບໍ່ໃຫ້ເກີດຄວາມຂັດແຍ່ງຢູ່ທະເລຈີນໃຕ້,ກຳລັງອາວຸດກັບເຫດການສຸກເສີນພາຍໃນປະເທດ,ໄພອັນຕະລາຍແລະໂອກາດທີ່ມີຢູ່ໃນອາຊີຕາເວັນອອກສຽງເໜືອ,ກ່ຳປັ່ນດຳນ້ຳກັບຄວາມໝັ້ນຄົງໃນພາກພື້ນ,ຄວາມອັນຕະລາຍທີ່ພວມເພີ່ມຫຼາຍຂຶ້ນຕໍ່ຄວາມໝັ້ນຄົງໃນອາຊີໃຕ້.
ພົນໂທເຢິນໄຫສວນ ຮອງຫົວໜ້າສະຖາບັນວິທະຍາສາດການທະຫານກອງທັບປົດປ່ອຍປະຊາຊົນຈີນຈະນຳພາຄະນະເຂົ້າຮ່ວມກອງປະຊຸມຄັ້ງນີ້.ເຈົ້າໜ້າທີ່ຂອງກະຊວງການຕ່າງປະເທດ,ກະຊວງປ້ອງກັນປະເທດຈີນພ້ອມດ້ວຍນັກວິຊາການຈຳນວນໜຶ່ງຂອງຈີນກໍ່ຈະເຂົ້າຮ່ວມກອງປະຊຸມ.
ທ່ານລີອັອນ ປາເນຕາລັດຖະມົນຕີວ່າການກະຊວງປ້ອງກັນປະເທດອາເມລິກາແລະທ່ານຊາມູເອວ ລັອກເຄ ມອນເຕຼຍ ຜູ່ບັນຊາການກອງບັນຊາການມະຫາສະໝຸດປາຊີຟິກກອງທັບອາເມລິກາກໍ່ຈະເຂົ້າຮ່ວມກອງປະຊຸມຄັ້ງນີ້ເຊັ່ນກັນ.ແຕ່ວ່າເວົ້າສຳລັບທ່ານປາເນຕາແລ້ວ,ການເດີນທາງໄປສິງກະໂປພຽງແຕ່ແມ່ນປະເທດໜຶ່ງໃນການຢ້ຽມຢາມປະເທດອາຊີປາຊີຟິກເປັນເວລາ1ອາທິດເທົ່ານັ້ນ.ນອກນີ້,ທ່ານຍັງຈະໄປຢ້ຽມຢາມກອງບັນຊາການມະຫາສະໝຸດປາຊີຟິກກອງທັບອາເມລິກາທີ່ຢູ່ຮາວາຍແລະອີກສອງປະເທດຄືຫວຽດນາມແລະອິນເດຍ.