ເວລາ20ໂມງ12ນາທີຂອງວັນທີ27ກໍລະກົດປີ2012ຕາມເວລາລອນດອນ,ກົງກັບເວລາ3ໂມງ12ນາທີວັນທີ28ກໍລະກົດນີ້ຕາມເວລາວຽງຈັນ,ງານກິລາໂອລິມປີກລະດູຮ້ອນຄັ້ງທີ30ທີ່ຊາວໂລກໃຫ້ຄວາມສົນໃຈຈະຈັດຂຶ້ນຢ່າງຄຶກຄຶ້ນໃນລອນດອນໂບຫລືຖ້ວຍລອນດອນເຊິ່ງເປັນສະໜາມກິລາທີ່ມີຊື່ສຽງຂອງລອນດອນແຫ່ງອັງກິດ.ເນື່ອງຈາກວ່າລອນດອນເຄີຍຈັດງານກິລາໂອລິມປິກມາແລ້ວເຖິງສອງເທື່ອຄືໃນປີ1908ແລະປີ1948,ສະນັ້ນ,ລອນດອນຈະກາຍເປັນຕົວເມືອງທີ່ຈັດງານກິລາໂອລິມປິກລະດູຮ້ອນຫລາຍທີ່ສຸດນັບມາຮອດປະຈຸບັນ.
ລາຍຈ່າຍຂອງພິທີໄຂງານເທື່ອນີ້ຈະມີເຖິງ27ລ້ານປອນ,ຈະກາຍເປັນພິທີໄຂງານກິລາໂອລິມປິກທີ່ມີການໃຊ້ຈ່າຍຟຸມເຟືອຍທີ່ສຸດທີ່ລອນດອນເປັນຜູ້ຈັດ.ເວົ້າກັນວ່າ,ພິທີໄຂງານເທື່ອນີ້ຈະດຳເນີນໄປເປັນເວລາເກືອບ3ຊົ່ວໂມງ,ພະລາຊີນີອິລິຊາເບດ ຣາຊະການທີສອງແຫ່ງອັງກິດພ້ອມກັບປະມຸກລັດ100ກວ່າທ່ານຈາກປະເທດຕ່າງໆຈະເຂົ້າຮ່ວມພິທີໄຂງານ,ຜູ້ຊົມການຖ່າຍທອດສົດທາງໂທລະພາບຈະບັນລຸ1ຕື້ຄົນ.
ໃນຖານະເປັນສະມາຊິກຄອບຄົວໂອລິມປິກສາກົນແລະເຈົ້າພາບງານກິລາໂອລິມປິກຄັ້ງທີ່ຜ່ານມາ,ຈີນໄດ້ສົ່ງຄຳອວຍພອນໄປຍັງລອນດອນດ້ວຍຄວາມຮັກແພງເປັນພິເສດ:ຫວັງວ່າງານກິລາໂອລິມປິກລອນດອນຈະສາມາດສ້າງຄວາມຕື່ນຕາຕື່ນໃຈດ້ານກິລາໃຫ້ຫລາຍກວ່າເກົ່າ,ສາມາດບັນລະຍາຍຈິດໃຈໂອລິມປິກໃຫ້ເລິກເຊິ່ງກວ່າເກົ່າ,ສາມາດທຳຄວາມພະຍາຍາມໃຫມ່ເຂົ້າໃນການແລກປ່ຽນລະຫວ່າງວັດທະນະທຳທີ່ຕ່າງກັນ,ການໄປມາຫາສູ່ກັນແລະຄວາມເຂົ້າໃຈກັນລະຫວ່າງປະຊາຊົນປະເທດຕ່າງໆ.
© China Radio International.CRI. All Rights Reserved. 16A Shijingshan Road, Beijing, China. 100040 |