ທີ່ປຶກສາແຫ່ງລັດຈີນຊົມການແຂ່ງຂັນຍິງປືນຂອງງານໂອລິມປຶກແລະພົບປະກັບປະທານຄະນະກຳມະການໂອລິມປິກສາກົນ
(GMT+08:00) 2012-07-29 15:54:14 cri
ວັນທີ28ກໍລະກົດນີ້, ທ່ານໄຕ້ປິງກົວ, ທີ່ປຶກສາແຫ່ງລັດທັງເປັນຜູ້ຕາງໜ້າລັດຖະບານຈີນໄດ້ໄປຊົມການແຂ່ງຂັນຍິງປືນລົມນ້ອຍຍາວເພດຍິງ10ແມັດຂອງງານກິລາໂມລິມປິກ. ນາງອີ້ຊື່ລີງ, ນັກກິລາຈີນໄດ້ຫຼຽນຄຳຫຼຽນທຳອິດຂອງງານກິລາໂອລິມປິກລອນດອນຄັ້ງນີ້ດ້ວຍຜົນງານທີ່ດີເດັ່ນ. ທ່ານໄຕ້ປິງກົວໄດ້ສະແດງຄວາມຊົມເຊີຍຢ່າງສຸດອົກສຸດໃຈຕໍ່ນັກກິລາຈີນ, ແລະໃຫ້ກຳລັງໃຈແກ່ເຂົາເຈົ້າ, ສືບຕໍ່ພະຍາຍາມເຮັດສຸດຄວາມສາມາດເພື່ອປະກອບສ່ວນໃຫ້ປະເທດຊາດ.
ໃນໄລຍະຊົມການແຂ່ງຂັນ, ທ່ານໄຕ້ປິງກົວຍັງໄດ້ພົບປະກັບທ່ານຈັກຄິວສ໌ ໂຣເກີ, ປະທານຄະນະກຳມະການໂອລິມປິກສາກົນ. ທ່ານໄຕ້ປິງກົວກ່າວວ່າ, ຈີນສະໜັບສິໜູນພາລະກິດໂອລິມປິກ, ຍິນດີເພີ່ມທະວີການຮ່ວມມືກັບຄະນະກຳມະການໂອ ລິມປິກສາກົນຕື່ມອີກ, ເພື່ອປະກອບສ່ວນຫຼາຍກວ່າເກົ່າເຂົ້າໃນການເສີມຂະຫຍາຍນ້ຳໃຈໂອລິມປິກ, ສົ່ງເສີມມິດຕະພາບລະຫວ່າງປະຊາຊົນປະເທດຕ່າງໆໃນທົ່ວໂລກ, ຊຸກຍູ້ສັນຕິພາບແລະການພັດທະນາຂອງໂລກ.
ທ່ານໂຣເກີຂອບໃຈນຳຈີນທີ່ໄດ້ສະໜັບສະໜູນແລະເຂົ້າຮ່ວມພາລະກິດໂອລິມປິກຢ່າງຕັ້ງໜ້າ, ແລະອວຍພອນໃຫ້ນັກກິລາຈີນສ້າງຜົນງານທີ່ດີເລີດໃນງານກິລາໂອລິມປິກລອນດອນຕື່ມອີກ3.