ຕາມຂ່າວCRI: ວັນທີ 10 ສິງຫານີ້ຕາມເວລາທ້ອງຖິ່ນ, ງານກິລາໂອລິມປິກລອນດອນໄດ້ດຳເນີນການແຂ່ງຂັນເປັນມື້ທີ 14 ແລ້ວ, ໃນມື້ນີ້ມີການຊິງໄຊທັງໝົດ 17 ຫຼຽນຄຳ.
ໃນຕອບບ່າຍວັນທີ 10 ສິງຫານີ້, ທິມກິລາລະບຳໃນນ້ຳເພດຍິງຈີນໄດ້ສ້າງສະຖິຕິໃໝ່ໃນປະຫວັດສາດ, ໄດ້ຫຼຽນເງິນໃນການແຂ່ງຂັນໝູ່ຄະນະຂອງງານກິລາໂອລິມປິກລອນດອນດ້ວຍ 194,01 ຄະແນນ, ທິມຣັດເຊຍໄດ້ປ້ອງກັນຫຼຽນຄຳໄວ້ໄດ້ແລະທິມແອັສປາຍໄດ້ຫຼຽນທອງ.
ໃນດ້ານຕາຕະລາງສະຫຼຸບຫຼຽນ, ຄະນະນັກກິລາອາເມລິກາໄດ້ຫຼຽນຄຳ 2 ຫຼຽນ, ສືບຕໍ່ຢູ່ອັນດັບທີໜຶ່ງໃນຕາຕະລາງສະຫຼຸບຫຼຽນດ້ວຍຫຼຽນຄຳ 41 ຫຼຽນ, ຫຼຽນເງິນ 26 ຫຼຽນແລະຫຼຽນທອງ 27 ຫຼຽນ. ສ່ວນຄະນະນັກກິລາຈີນຢູ່ອັນດັບທີສອງດ້ວຍຫຼຽນຄຳ 37 ຫຼຽນ, ຫຼຽນເງິນ 25 ຫຼຽນແລະຫຼຽນທອງ 19 ຫຼຽນ. ຄະນະນັກກິລາອັງກິດເຊິ່ງເປັນເຈົ້າພາບຢູ່ອັນດັບທີ 3, ຣັດເຊຍເປັນອັນດັບທີ 4 ແລະສ.ເກົາຫຼີເປັນອັນອັບທີ 5.