ເຜີຍແຜ່ຄວາມພ້ອມການເຂົ້າເປັນສະມາຊິກອົງການການຄ້າໂລກຂອງສປປລາວ
(GMT+08:00) 2012-09-04 14:55:27 cri
ກອງປະຊຸມເຜີຍແຜ່ໃຫ້ສາທາລະນະຊົນກ່ຽວກັບການເຂົ້າເປັນສະມາຊິກອົງການການຄ້າໂລກ(WTO)ຂອງສປປລາວໄດ້ມີຂຶ້ນວັນທີ30ສິງຫາ2012ຢູ່ສູນຮ່ວມມືສາກົນແລະການເຟິກອົບຮົມ,ໂດຍເປັນປະທານຮ່ວມຂອງທ່ານນາງເຂັມມະນີ ພົນເສນາ,ລັດຖະມົນຕີຊ່ວຍວ່າການກະຊວງອຸດສາຫະກຳແລະການຄ້າແລະທ່ານນາງເຄເຣັນ ສະຈອດຈ໌,ເອກອັກຄະລັດຖະທູດສ.ອາເມລິກາປະຈຳສປປລາວ,ໂດຍມີພະນັກງານກ່ຽວຂ້ອງຈາກພາກສ່ວນຕ່າງໆເຂົ້າຮ່ວມ.
ທ່ານນາງເຂັມມະນີ ພົນເສນາໄດ້ກ່າວວ່າ:ຈຸດປະສົງຂອງກອງປະຊຸມຄັ້ງນີ້,ເພື່ອເຜີຍແຜ່ຂໍ້ ມູນກ່ຽວກັບການກະກຽມເຂົ້າເປັນສະມາຊິກຂອງອົງການການຄ້າໂລກໃຫ້ສາທາລະນະຊົນຮັບຊາບແລະໃຫ້ມີຄວາມເຂົ້າໃຈຫຼາຍຂຶ້ນຕື່ມກ່ຽວກັບອົງການດັ່ງກ່າວ,ລວມທັງຜົນປະໂຫຍດແລະສິ່ງທ້າທາຍຕ່າງໆຈາກການເປັນສະມາຊິກ.ນອກນີ້,ຍັງເປັນເວທີແລກປ່ຽນ,ປຶກສາຫາລືແລະຮັບຟັງຄຳຄິດຄຳເຫັນຈາກສາທາລະນະຊົນ,ເຊິ່ງລວມມີພະນັກງານຈາກ ອົງການຈັດຕັ້ງທີ່ບໍ່ຂຶ້ນກັບລັດຖະບານ,ບໍລິສັດເອກະຊົນ,ນັກສຶກສາແລະມວນຊົນທົ່ວໄປທີ່ສົນໃຈ.
ສປປລາວໄດ້ຍື່ນໃບສະໝັກເຂົ້າເປັນສະມາຊິກຂອງອົງການການຄ້າໂລກພາຍຫຼັງເຂົ້າເປັນສະມາຊິກອາຊຽນປີ1997ແລະຮັບຮອງເປັນປະເທດສັງເກດການໃນປີ1998ເປັນຕົ້ນມາ,ການເຈລະຈາເຂົ້າເປັນສະມາຊິກຂອງສປປລາວຄາດວ່າຈະສຳເລັດໃນທ້າຍປີ2012, ໂດຍນັບແຕ່ມື້ຍື່ນຄຳຮ້ອງມາເຖິງປັດຈະບັນ,ສປປກໍມີຄວາມກຽມພ້ອມຫຼາຍດ້ານ,ເປັນຕົ້ນ: ໄດ້ສຳເລັດການປັບປຸງນິຕິກຳໃຫ້ສອດຄ່ອງເປີດຕະຫຼາດ,ຜ່ານການເຈລະຈາສອງຝ່າຍເພື່ອກຳນົດເພດານອັດຕາພາສີແລະເປີດຂະແໜງບໍລິການ,ໃນນີ້,ສປປລາວໄດ້ທົບທວນ ສ້າງກົດໝາຍທີ່ຈຳເປັນ35ສະບັບ,ພ້ອມທັງດຳລັດແລະລະບຽບການອື່ນໆຫຼາຍກວ່າ50ສະບັບ.
ທ່ານນາງເຂັມມະນີ ພົນເສນາໄດ້ກ່າວວ່າ:ຈຸດປະສົງຂອງກອງປະຊຸມຄັ້ງນີ້,ເພື່ອເຜີຍແຜ່ຂໍ້ ມູນກ່ຽວກັບການກະກຽມເຂົ້າເປັນສະມາຊິກຂອງອົງການການຄ້າໂລກໃຫ້ສາທາລະນະຊົນຮັບຊາບແລະໃຫ້ມີຄວາມເຂົ້າໃຈຫຼາຍຂຶ້ນຕື່ມກ່ຽວກັບອົງການດັ່ງກ່າວ,ລວມທັງຜົນປະໂຫຍດແລະສິ່ງທ້າທາຍຕ່າງໆຈາກການເປັນສະມາຊິກ.ນອກນີ້,ຍັງເປັນເວທີແລກປ່ຽນ,ປຶກສາຫາລືແລະຮັບຟັງຄຳຄິດຄຳເຫັນຈາກສາທາລະນະຊົນ,ເຊິ່ງລວມມີພະນັກງານຈາກ ອົງການຈັດຕັ້ງທີ່ບໍ່ຂຶ້ນກັບລັດຖະບານ,ບໍລິສັດເອກະຊົນ,ນັກສຶກສາແລະມວນຊົນທົ່ວໄປທີ່ສົນໃຈ.
ສປປລາວໄດ້ຍື່ນໃບສະໝັກເຂົ້າເປັນສະມາຊິກຂອງອົງການການຄ້າໂລກພາຍຫຼັງເຂົ້າເປັນສະມາຊິກອາຊຽນປີ1997ແລະຮັບຮອງເປັນປະເທດສັງເກດການໃນປີ1998ເປັນຕົ້ນມາ,ການເຈລະຈາເຂົ້າເປັນສະມາຊິກຂອງສປປລາວຄາດວ່າຈະສຳເລັດໃນທ້າຍປີ2012, ໂດຍນັບແຕ່ມື້ຍື່ນຄຳຮ້ອງມາເຖິງປັດຈະບັນ,ສປປກໍມີຄວາມກຽມພ້ອມຫຼາຍດ້ານ,ເປັນຕົ້ນ: ໄດ້ສຳເລັດການປັບປຸງນິຕິກຳໃຫ້ສອດຄ່ອງເປີດຕະຫຼາດ,ຜ່ານການເຈລະຈາສອງຝ່າຍເພື່ອກຳນົດເພດານອັດຕາພາສີແລະເປີດຂະແໜງບໍລິການ,ໃນນີ້,ສປປລາວໄດ້ທົບທວນ ສ້າງກົດໝາຍທີ່ຈຳເປັນ35ສະບັບ,ພ້ອມທັງດຳລັດແລະລະບຽບການອື່ນໆຫຼາຍກວ່າ50ສະບັບ.
