ພາກສ່ວນທີ່ກ່ຽວຂ້ອງຂອງຈີນຈັບໂຕຜູ່ກໍ່ເຫດດຶງທຸງຊາດຍີ່ປຸ່ນຢູ່ໜ້າລົດຂອງສະຖານທູດຍີ່ປຸ່ນປະຈຳຈີນໄດ້ແລ້ວແລະໄດ້ລົງໂທດຕາມກົດໝາຍ
(GMT+08:00) 2012-09-05 18:02:19 cri
ວັນທີ5ກັນຍານີ້,ໃນກອງປະຊຸມຂ່າວຕາມປົກກະຕິ,ທ່ານຮົງເຫຼີຍ,ໂຄສົກກະຊວງການຕ່າງ ປະເທດຈີນກ່າວວ່າ,ກ່ຽວກັບເຫດການທີ່ທຸງຊາດຍີ່ປຸ່ນຢູ່ໜ້າລົດຂອງສະຖານທູດຍີ່ປຸ່ນປະຈຳຈີນຖືກດຶງເອົາໄປນັ້ນ,ພາກສ່ວນທີ່ກ່ຽວຂ້ອງຂອງຈີນສາມາດຈັບຜູ່ກໍ່ເຫດໄດ້ແລ້ວແລະລົງໂທດຜູ່ກ່ຽວທັງສອງຕາມກົດໝາຍ.
ວັນທີ27ສິງຫາຜ່ານມານີ້,ເມື່ອລົດຂອງທ່ານເອກອັກຄະລັດຖະທູດຍີ່ປຸ່ນປະຈຳຈີນແລ່ນໄປຮອດທາງຮອບ4ທິດຕາເວັນອອກສຽງເໜືອຂອງນະຄອນຫຼວງປັກກິ່ງ,ຖືກລົດສອງຄັນຂັບມາຂວາງໜ້າໄວ້,ແລ້ວດຶງເອົາທຸງຊາດຍີ່ປຸ່ນຢູ່ໜ້າລົດນັ້ນໄປ.ວັນທີ4ກັນຍານີ້,ເຈົ້າໜ້າທີ່ຕຳຫຼວດຂອງປັກກິ່ງໄດ້ແຈ້ງສະພາບການສືບສວນແລະຊຳລະແກ້ໄຂເຫດການນີ້ໃຫ້ມວນຊົນທົ່ວໄປຊາບ.ອີງຕາມຂໍ້ກຳນົດທີ່ກ່ຽວຂ້ອງໃນ"ກົດໝາຍວ່າດ້ວຍການລົງໂທດແລະປັບໄໝໃນການປ້ອງກັນຄວາມສະຫງົບຂອງສປຈີນ",ໄດ້ກັກຕົວແລະລົງໂທດຜູ່ກ່ຽວສອງຄົນແລ້ວ.
ທ່ານຫົງເຫຼີຍກ່າວຢ້ຳວ່າ,ລັດຖະບານຈີນຕັ້ງໜ້າປະຕິບັດຕາມ"ສົນທິສັນຍາວຽນກ່ຽວກັບການພົວພັນທາງການທູດ"ແລະກົດໝາຍຂອງຈີນມາໂດຍຕະຫຼອດ,ພະຍາຍາມຮັບປະກັນຄວາມປອດໄພຂອງອົງການການທູດແລະເຈົ້າໜ້າທີ່ການທູດຂອງຕ່າງປະເທດປະຈຳຈີນ.
ວັນທີ27ສິງຫາຜ່ານມານີ້,ເມື່ອລົດຂອງທ່ານເອກອັກຄະລັດຖະທູດຍີ່ປຸ່ນປະຈຳຈີນແລ່ນໄປຮອດທາງຮອບ4ທິດຕາເວັນອອກສຽງເໜືອຂອງນະຄອນຫຼວງປັກກິ່ງ,ຖືກລົດສອງຄັນຂັບມາຂວາງໜ້າໄວ້,ແລ້ວດຶງເອົາທຸງຊາດຍີ່ປຸ່ນຢູ່ໜ້າລົດນັ້ນໄປ.ວັນທີ4ກັນຍານີ້,ເຈົ້າໜ້າທີ່ຕຳຫຼວດຂອງປັກກິ່ງໄດ້ແຈ້ງສະພາບການສືບສວນແລະຊຳລະແກ້ໄຂເຫດການນີ້ໃຫ້ມວນຊົນທົ່ວໄປຊາບ.ອີງຕາມຂໍ້ກຳນົດທີ່ກ່ຽວຂ້ອງໃນ"ກົດໝາຍວ່າດ້ວຍການລົງໂທດແລະປັບໄໝໃນການປ້ອງກັນຄວາມສະຫງົບຂອງສປຈີນ",ໄດ້ກັກຕົວແລະລົງໂທດຜູ່ກ່ຽວສອງຄົນແລ້ວ.
ທ່ານຫົງເຫຼີຍກ່າວຢ້ຳວ່າ,ລັດຖະບານຈີນຕັ້ງໜ້າປະຕິບັດຕາມ"ສົນທິສັນຍາວຽນກ່ຽວກັບການພົວພັນທາງການທູດ"ແລະກົດໝາຍຂອງຈີນມາໂດຍຕະຫຼອດ,ພະຍາຍາມຮັບປະກັນຄວາມປອດໄພຂອງອົງການການທູດແລະເຈົ້າໜ້າທີ່ການທູດຂອງຕ່າງປະເທດປະຈຳຈີນ.
