ທ່ານເມິ້ງຈ້ຽນຈູ້ພົບປະກັບລັດຖະມົນຕີວ່າການກະຊວງປ້ອງກັນຄວາມສະຫງົບລາວ
(GMT+08:00) 2012-09-06 13:34:50 cri
ຕາມຂ່າວສານຊີນຮວາ:ວັນທີ 5 ກັນຍານີ້,ຢູ່ທີ່ປັກກິ່ງ,ທ່ານເມິ້ງຈ້ຽນຈູ້,ທີ່ປຶກສາແຫ່ງລັດທັງເປັນລັດຖະມົນຕີວ່າການກະຊວງປ້ອງກັນຄວາມສະຫງົບຈີນໄດ້ພົບປະເຈລະຈາກັບທ່ານທອງບັນ ແສງອາພອນ,ລັດຖະມົນຕີວ່າການກະຊວງປ້ອງກັນຄວາມສະຫງົບລາວ.
ທ່ານເມິ້ງຈ້ຽນຈູ້ກ່າວວ່າ,ໃນເດືອນກໍລະກົດປີນີ້,ຂ້າພະເຈົ້າໄດ້ໄປຢ້ຽມຢາມລາວ,ແລະໄດ້ເຫັນທ່າອຽງພັດທະນາທີ່ດີໃນປະເທດລາວ,ສັງຄົມມີສະຖຽນລະພາບ,ປະຊາຊົນມີຄວາມສຸກ.ຈີນຍິນດີພະຍາຍາມຮ່ວມກັນກັບລາວ,ປັບປຸງແລະຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນແລະລາວ,ເຮັດໃຫ້ຈີນກັບລາວເປັນເພື່ອນບ້ານທີ່ດີ,ເພື່ອນມິດທີ່ດີ,ສະຫາຍທີ່ດີແລະຄູ່ຮ່ວມມືທີ່ດີຕະຫຼອດໄປ.
ທ່ານເມິ້ງຈ້ຽນຈູ້ໄດ້ສະແດງຄວາມຂອບໃຈຢ່າງຈິງໃຈຕໍ່ລາວທີ່ໄດ້ໃຫ້ການສະໜັບສະໜູນອັນແຂງແຮງແກ່ຈີນໃນວຽກງານສືບສວນຄະດີ"5 ຕຸລາ"ຢູ່ເຂດແມ່ນ້ຳຂອງ.ທ່ານຊີ້ອອກວ່າ,ໃນໄລຍະທີ່ຜ່ານມາ,ກະຊວງປ້ອງກັນຄວາມສະຫງົບຂອງຈີນແລະລາວໄດ້ສະໜັບສະໜູນເຊິ່ງກັນແລະກັນ,ປະຕິບັດຕໍ່ກັນຢ່າງກົງໄປກົງມາແລະຈິງໃຈ,ໄດ້ສ້າງການພົວພັນຮ່ວມມືທີ່ຮອບດ້ານ ມີຫຼາຍລະດັບແລະມີຫຼາຍຂົງເຂດ.ຫວັງວ່າ,ສອງຝ່າຍຈະສືບຕໍ່ອອກແຮງຊຸກຍູ້ການຮ່ວມມືໃນການປະຕິບັດກົດໝາຍຮ່ວມເພື່ອປ້ອງກັນຄວາມປອດໄພຢູ່ຕາມລຳແມ່ນ້ຳຂອງ,ເພື່ອສ້າງສະພາບແວດລ້ອມທີ່ມີສະຖຽນລະພາບແລະຄວາມສະຫງົບໃຫ້ແກ່ການພັດທະນາເສດຖະກິດໃນພາກພື້ນແລະຊີວິດການເປັນຢູ່ຂອງປະຊາຊົນ.
ທ່ານທອງບັນກ່າວວ່າ,ພັກແລະລັດຖະບານລາວເອົາໃຈໃສ່ທີ່ສຸດນຳການພົວພັນມິດຕະພາບກັບຈີນ,ລາວຍິນດີສືບຕໍ່ໃຫ້ການສະໜັບສະໜູນອັນແຂງແຮງແກ່ຈີນໃນຂົງເຂດຕ່າງໆເຊັ່ນ ການຮ່ວມມືໃນການປະຕິບັດກົດໝາຍຮ່ວມເພື່ອປ້ອງກັນຄວາມປອດໄພຢູ່ຕາມລຳແມ່ນ້ຳຂອງ,ການປາບປາມອາຊະຍາກຳຂ້າມຊາດແລະອື່ນໆ,ເພີ່ມທະວີການຮ່ວມມືຕົວຈິງລະຫວ່າງສອງຝ່າຍ,ຊຸກຍູ້ການຮ່ວມມືໃນການປະຕິບັດກົດໝາຍຮ່ວມກ້າວຂຶ້ນສູ່ລະດັບໃໝ່.
ຫຼັງຈາກການພົບປະ,ສອງຝ່າຍໄດ້ລົງນາມໃນສັນຍາຮ່ວມມືທີ່ກ່ຽວຂ້ອງ.
ທ່ານເມິ້ງຈ້ຽນຈູ້ກ່າວວ່າ,ໃນເດືອນກໍລະກົດປີນີ້,ຂ້າພະເຈົ້າໄດ້ໄປຢ້ຽມຢາມລາວ,ແລະໄດ້ເຫັນທ່າອຽງພັດທະນາທີ່ດີໃນປະເທດລາວ,ສັງຄົມມີສະຖຽນລະພາບ,ປະຊາຊົນມີຄວາມສຸກ.ຈີນຍິນດີພະຍາຍາມຮ່ວມກັນກັບລາວ,ປັບປຸງແລະຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນແລະລາວ,ເຮັດໃຫ້ຈີນກັບລາວເປັນເພື່ອນບ້ານທີ່ດີ,ເພື່ອນມິດທີ່ດີ,ສະຫາຍທີ່ດີແລະຄູ່ຮ່ວມມືທີ່ດີຕະຫຼອດໄປ.
ທ່ານເມິ້ງຈ້ຽນຈູ້ໄດ້ສະແດງຄວາມຂອບໃຈຢ່າງຈິງໃຈຕໍ່ລາວທີ່ໄດ້ໃຫ້ການສະໜັບສະໜູນອັນແຂງແຮງແກ່ຈີນໃນວຽກງານສືບສວນຄະດີ"5 ຕຸລາ"ຢູ່ເຂດແມ່ນ້ຳຂອງ.ທ່ານຊີ້ອອກວ່າ,ໃນໄລຍະທີ່ຜ່ານມາ,ກະຊວງປ້ອງກັນຄວາມສະຫງົບຂອງຈີນແລະລາວໄດ້ສະໜັບສະໜູນເຊິ່ງກັນແລະກັນ,ປະຕິບັດຕໍ່ກັນຢ່າງກົງໄປກົງມາແລະຈິງໃຈ,ໄດ້ສ້າງການພົວພັນຮ່ວມມືທີ່ຮອບດ້ານ ມີຫຼາຍລະດັບແລະມີຫຼາຍຂົງເຂດ.ຫວັງວ່າ,ສອງຝ່າຍຈະສືບຕໍ່ອອກແຮງຊຸກຍູ້ການຮ່ວມມືໃນການປະຕິບັດກົດໝາຍຮ່ວມເພື່ອປ້ອງກັນຄວາມປອດໄພຢູ່ຕາມລຳແມ່ນ້ຳຂອງ,ເພື່ອສ້າງສະພາບແວດລ້ອມທີ່ມີສະຖຽນລະພາບແລະຄວາມສະຫງົບໃຫ້ແກ່ການພັດທະນາເສດຖະກິດໃນພາກພື້ນແລະຊີວິດການເປັນຢູ່ຂອງປະຊາຊົນ.
ທ່ານທອງບັນກ່າວວ່າ,ພັກແລະລັດຖະບານລາວເອົາໃຈໃສ່ທີ່ສຸດນຳການພົວພັນມິດຕະພາບກັບຈີນ,ລາວຍິນດີສືບຕໍ່ໃຫ້ການສະໜັບສະໜູນອັນແຂງແຮງແກ່ຈີນໃນຂົງເຂດຕ່າງໆເຊັ່ນ ການຮ່ວມມືໃນການປະຕິບັດກົດໝາຍຮ່ວມເພື່ອປ້ອງກັນຄວາມປອດໄພຢູ່ຕາມລຳແມ່ນ້ຳຂອງ,ການປາບປາມອາຊະຍາກຳຂ້າມຊາດແລະອື່ນໆ,ເພີ່ມທະວີການຮ່ວມມືຕົວຈິງລະຫວ່າງສອງຝ່າຍ,ຊຸກຍູ້ການຮ່ວມມືໃນການປະຕິບັດກົດໝາຍຮ່ວມກ້າວຂຶ້ນສູ່ລະດັບໃໝ່.
ຫຼັງຈາກການພົບປະ,ສອງຝ່າຍໄດ້ລົງນາມໃນສັນຍາຮ່ວມມືທີ່ກ່ຽວຂ້ອງ.
