ທະນາຄານການຄ້າຕ່າງປະເທດລາວມະຫາຊົນໄດ້ຮັບລາງວັນດີເດັ່ນຂອງອາຊີ
(GMT+08:00) 2012-09-06 16:26:35 cri
ທະນາຄານການຄ້າແຫ່ງປະເທດລາວມະຫາຊົນ (ທຄຕລ)ໄດ້ຖະແຫຼງວ່າ: ເມື່ອບໍ່ດົນມານີ້, ທະນາຄານຂອງຕົນໄດ້ລາງວັນດີເດັ່ນກ່ຽວກັບການພັດທະນາທະລະບົບການບໍລິການຂອງທະນາຄານແລະລາງວັນດີເດັ່ນກ່ຽວກັບທະນາຄານທີ່ນຳໜ້າໃນການພັດທະນາລະບົບ cor banking ຈາກວາລະສານ The Asian Banking and Finance Magazine (ABF) ເຊິ່ງການຖະແຫຼງຂ່າວດັ່ງກ່າວໄດ້ມີຂຶ້ນໃນວັນທີ5ກັນຍານີ້ ຢູ່ນະຄອນຫຼວງວຽງຈັນ, ໂດຍທ່ານວັນຄຳ ວໍລະວົງ, ຜູ້ອຳນວຍ ການໃຫຍ່ຂອງທະນາຄານແຫ່ງນີ້ ແລະທ່ານໃຫ້ຮູ້ວ່າ: ວາລະສານ ABF ແມ່ນເປັນວາລະສານການເງິນ-ການທະນາຄານທີ່ມີຊື່ສຽງຢູ່ໃນລະດັບພາກພື້ນອາຊີ ໂດຍມີສຳນັກງານຢູ່ປະເທດສິງກະໂປ ແລະໄດ້ຂຽນຂ່າວກ່ຽວກັບການເງິນ-ການທະນາ ຄານແລະການລົງທຶນໃນບັນດາປະເທດອາຊີ.
