ລັດຖະມົນຕີກະຊວງປ້ອງກັນປະເທດຈີນຕີລາຄາຢ່າງສູງຕໍ່ການພົວພັນລະຫວ່າງຈີນລາວ
(GMT+08:00) 2012-09-08 13:18:27 cri
ວັນທີ 7 ກັນຍານີ້, ຢູ່ທີ່ນະຄອນຫລວງວຽງຈັນຂອງປະເທດລາວ, ທ່ານຈູມມະລີ ໄຊຍະສອນ, ເລຂາທິການໃຫຍ່ພັກປະຊາຊົນປະຕິວັດລາວ ປະທານປະເທດສປປລາວໄດ້ຕ້ອນຮັບການເຂົ້າຢ້ຽມຄຳນັບຂອງພົນເອກລຽງກ່ຽງເລ້ຍ, ທີ່ປຶກສາແຫ່ງລັດຈີນ ທັງເປັນລັດຖະມົນຕີວ່າການກະຊວງປ້ອງກັນປະເທດຈີນພ້ອມດ້ວຍຄະນະທີ່ໄປຢ້ຽມຢາມສັນຖະວະໄມຕີລາວຢ່າງເປັນທາງການ.ພາຍຫລັງການພົບປະສິ້ນສຸດລົງແລ້ວ, ພົນເອກລຽງກ່ວງເລ້ຍຫລຽງກ່ວງເລ້ໄດ້ໃຫ້ສຳພາດຕໍ່ນັກຂ່າວ,ໂດຍໄດ້ຕີລາຄາສູງຕໍ່ການພົວພັນລະຫວ່າງສອປະເທດຈີນລາວກໍ່ຄືການພົວພັນລະຫວ່າງກອງທັບສອງປະເທດ,ແລະເຫັນວ່າການພົວພັນມິດຕະພາບລະຫວ່າງຈີນກັບລາວຖືເປັນແບບຢ່າງຂອງການພົວພັນມິດຕະພາບກັບບັນດາປະເທດ.
ໃນເວລາກ່າວເຖິງຈຸດປສະສົງຂອງການຢ້ຽມຢາມປະເທດລາວເທື່ອນີ້, ພົນເອກລຽງກ່ວງເລ້ຍກ່າວວ່າ:
ຈຸດປະສົງຂອງການຢ້ຽມຢາມເທື່ອນີ້ແມ່ນເພື່ອຜັນຂະຫຍາຍຄວາມຮັບຮູ້ຄືກັນລະຫວ່າງຜູ່ນຳທັງສອງປະເທດກ່ຽວກັບການຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານຕື່ມອີກ, ສ້າງມິດຕະພາບອັນເປັນມູນເຊື້ອລະຫວ່າງສອງຝ່າຍໃຫ້ຫມັ້ນຄົງກວ່າເກົ່າ, ເພີ່ມທະວີການຮ່ວມມືຢ່າງມີໄມຕີຈິດມິດຕະພາບລະຫວ່າງກະຊວງປ້ອງກັນປະເທດແລະກອງທັບຂອງສອງປະເທດ,ຊຸກຍູ້ການພົວພັນລະຫວ່າງສອງກອງທັບພັດທະນາໃຫ້ລົງສູ່ລວງເລິກໃນຂົງເຂດກວ້າງຂວາງກວ່າເກົ່າແລະລະດັບສູງກວ່າເກົ່າ.
ພົນເອກລຽງກ່ວງເລ້ຍກ່າວວ່າ, ຈີນເອົາໃຈໃສ່ຢ່າງໃກ້ຊິດທີ່ສຸດຕໍ່ການພົວພັນລະຫວ່າງກອງທັບຈີນແລະລາວ.ທ່ານເວົ້າວ່າ:
ໃຕ້ສະພາບການທີ່ສະຖານະການສາກົນແລະພາກພື້ນມີການປ່ຽນແປງຢ່າງສັບສົນໃນປັດຈຸບັນນີ້, ການທີ່ເພີ່ມທະວີມິດຕະພາບແລະການຮ່ວມມືລະຫວ່າງກອງທັບຈີນລາວແມ່ນສຳຄັນທີ່ສຸດ,ນີ້ບໍ່ພຽງແຕ່ແມ່ນສອດຄ່ອງກັບຜົນປະໂຫຍດ ອັນເປັນພື້ນຖານຂອງປະຊາຊົນສອງຊາດທໍ່ນັ້ນ, ກໍ່ມີຜົນດີຕໍ່ສັນຕພິາບ, ສະຖຽນລະພາບ, ການພັດທະນາແລະຄວາມຈະເລີນຮຸ່ງເຮືອງຂອງພາກພື້ນນີ້ອີກດ້ວຍ.
ໃນເວລາກ່າວເຖິງຜົນງານທີ່ໄດ້ຮັບໃນການຢ້ຽມຢາມເທື່ອນີ້, ພົນເອກລຽງກ່ວງເລ້ຍກ່າວວ່າ, ສອງຝ່າຍໄດ້ລົງເລິກແລກປ່ຽນຄວາມເຫັນທີ່ມີຕໍ່ສະຖານະການຄວາມຫມັ້ນຄົງໃນພາກພື້ນແລະສາກົນ, ແລະໄດ້ປຶກສາຫາລືກັນກ່ຽວກັບການຂະຫຍາຍການພົວພັນມິດຕະພາບແລະການຮ່ວມມືຢ່າງແທ້ຈ້ງລະຫວ່າງສອງກອງທັບ,ທັງໄດ້ມີຄວາມຮັບຮູ້ຄືກັນທີ່ສຳຄັນໃນຫລາຍດ້ານ.
