ຈີນຍື່ນຕາຕະລາງຈຸດພິກັດກ່ຽວກັບເສັ້ນພື້ນຖານຂີດແບ່ງນ່ານນ້ຳທະເລເກາະຕ້ຽວອີພ້ອມດ້ວຍແຜ່ນທີ່ທະເລທີ່ກ່ຽວຂ້ອງໃຫ້ອົງການສະຫະປະຊາຊາດເພື່ອນຳໄປເກັບຮັກສາໄວ້
(GMT+08:00) 2012-09-14 13:17:22 cri
ຕາມຂ່າວCRIລາຍງານວ່າ:ຕອນບ່າຍວັນທີ13ກັນຍານີ້,ທ່ານລີປາວຕົ່ງ ເອກອັກຄະລັດຖະທູດຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດໂດຍຜ່ານທ່ານບັນກີມູນ ເລຂາທິການໃຫຍ່ອົງການສະຫະປະຊາຊາດໄດ້ຍື່ນຖະແຫຼງການຂອງຈີນກ່ຽວກັບເສັ້ນພື້ນຖານຂີດແບ່ງນ່ານນ້ຳທະເລເກາະຕ້ຽວອີພ້ອມດ້ວຍເກາະດອນຕ່າງໆທີ່ຢູ່ບໍລິເວນໃກ້ຄຽງແລະແຜນທີ່ທາງທະເລຂອງເກາະຕ້ຽວອີໃຫ້ອົງການສະຫະປະຊາຊາດເພື່ອນຳໄປເກັບຮັກສາໄວ້.ນີ້ແມ່ນການເຄື່ອນໄຫວຂອງລັດຖະບານຈີນເພື່ອປະກາດຕໍ່ປະຊາຄົມໂລກກ່ຽວກັບສິດອຳນາດອະທິປະໄຕເໜືອເກາະຕ້ຽວອີພາຍຫຼັງທີ່ຈີນໄດ້ປະກາດໃນວັນທີ10ກັນຍານີ້ກ່ຽວກັບເສັ້ນພື້ນຖານຂີດແບ່ງນ່ານນ້ຳທະເລເກາະຕ້ຽວອີພ້ອມດ້ຍຍເກາະດອນຕ່າງໆທີ່ຢູ່ບໍລິເວນໃກ້ຄຽງ.ມາຮອດເວລານີ້,ຈີນໄດ້ປະຕິບັດຕາມພັນທະທີ່ກຳນົດໄວ້ໃນສົນທິສັນຍາກົດໝາຍທາງທະເລຂອງອົງການສະຫະປະຊາຊາດ,ແລະໄດ້ສຳເລັດຂັ້ນຕອນລະບຽບການທັງໝົດຕາມກົດໝາຍໃນການປະກາດຈຸດພິກັດແລະເສັ້ນພື້ນຖານຂີດແບ່ງນ່ານນ້ຳທະເລເກາະຕ້ຽວອີພ້ອມດ້ວຍເກາະດອນຕ່າງໆທີ່ຢູ່ບໍລິເວນໃກ້ຄຽງ,ເອກະສານສະບັບນີ້ຈະເປັນບ່ອນອີງໃຫ້ແກ່ຈີນໃນການໄປປົກປ້ອງສິດແລະຜົນປະໂຫຍດທາງທະເລຢູ່ເກາະຕ້ຽວອີພ້ອມດ້ວຍເຂດທະເລບໍລິເວນໃກ້ຄຽງໃນຕໍ່ໜ້າກໍ່ຈະໄດ້ຮັບການສະໜັບສະໜູນດ້ານສິນທຳຈາກກົດໝາຍສາກົນ.
ໃນເວລາໃຫ້ສຳພາດຕໍ່ນັກຂ່າວ,ທ່ານລີປາວຕົ່ງກ່າວເນັ້ນວ່າ,ເກາະຕ້ຽວອີແມ່ນດິນແດນຂອງຈີນມາຕັ້ງແຕ່ບູຮານນະການ,ປະຊາຊົນແລະລັດຖະບານຈີນມີຄວາມຕັດສິນໃຈແລະກໍ່ມີຄວາມສາມາດເຕັມສ່ວນໃນການປົກປ້ອງສິດອຳນາດອະທິປະໄຕທາງດ້ານດິນແດນຂອງປະເທດຕົນ,ປົກປັກຮັກສາແລະປົກປ້ອງຜືນແຜ່ນດິນອັນຄົບຖ້ວນຂອງຊາດ.
ໃນເວລາໃຫ້ສຳພາດຕໍ່ນັກຂ່າວ,ທ່ານລີປາວຕົ່ງກ່າວເນັ້ນວ່າ,ເກາະຕ້ຽວອີແມ່ນດິນແດນຂອງຈີນມາຕັ້ງແຕ່ບູຮານນະການ,ປະຊາຊົນແລະລັດຖະບານຈີນມີຄວາມຕັດສິນໃຈແລະກໍ່ມີຄວາມສາມາດເຕັມສ່ວນໃນການປົກປ້ອງສິດອຳນາດອະທິປະໄຕທາງດ້ານດິນແດນຂອງປະເທດຕົນ,ປົກປັກຮັກສາແລະປົກປ້ອງຜືນແຜ່ນດິນອັນຄົບຖ້ວນຂອງຊາດ.
