ໂຄສົກກະຊວງການຕ່າງປະເທດຈີນຊີ້ອອກວ່າ,ຍີ່ປຸ່ນຈະປະຕິບັດຕໍ່ຈຸດຢືນຂອງຈີນຢ່າງຖືກຕ້ອງຫຼືບໍ່ນັ້ນຈະພົວພັນເຖິງທິດຂະຫຍາຍຕົວຂອງສະພາວະການ
(GMT+08:00) 2012-09-17 18:27:00 cri
ວັນທີ17ກັນຍານີ້,ໃນກອງປະຊຸມຂ່າວຕາມປົກກະຕິຂອງກະຊວງການຕ່າງປະເທດຈີນ,ໂດຍແນໃສ່ເລື່ອງທີ່ທ່ານໂຢຊີຮີໂກ ໂນດະ,ນາຍົກລັດຖະມົນຕີຍີ່ປຸ່ນກ່າວໃນວັນທີ16ກັນຍານີ້ວ່າ,ລັດຖະບານຍີ່ປຸ່ນຮູ້ສຶກຜິດຫວັງຫຼາຍທີ່ເກີດມີການເຄື່ອນໄຫວປະທ້ວງຍີ່ປຸ່ນຢູ່ຈີນຢ່າງຕໍ່ເນື່ອງ,ແລະຮຽກຮ້ອງໃຫ້ລັດຖະບານຈີນໃຊ້ມາດຕະການເພື່ອສະກັດກັ້ນການໃຊ້ຄວາມຮຸນແຮງຕໍ່ເຈົ້າໜ້າທີ່ພະນັກງານແລະອົງການຈັດຕັ້ງຂອງຍີ່ປຸ່ນປະຈຳຈີນ,ທ່ານຮົງເຫຼີຍ,ໂຄສົກກະຊວງການຕ່າງປະເທດຈີນຊີ້ອອກວ່າ,ຍີ່ປຸ່ນບໍ່ຄວນໃຊ້ທ່າທີຫຼົບຫຼີກ ຫຼືປິດບັງຄວາມຮັບຜິດຊອບຂອງຕົນ,ປະຊາຊົນຈີນທົ່ວປະເທດເປັນເອກະສັນກັນເດັດດ່ຽວຄັດຄ້ານລັດຖະບານຍີ່ປຸ່ນຊື້ເກາະຕ້ຽວອີຢ່າງຜິດກົດໝາຍ.
ທ່ານຮົງເຫຼີຍກ່າວຢ້ຳວ່າ: "ລັດຖະບານຈີນໄດ້ສະແດງຫຼັກໝັ້ນແລະຈຸດຢືນຂອງຕົນຕໍ່ຍີ່ປຸ່ນດ້ວຍຫຼາຍຮູບການ,ປະຊາຊົນຈີນກໍໄດ້ສະແດງອອກເຖິງຄວາມຄຽດແຄ້ນຂອງຕົນ,ສ່ວນຍີ່ປຸ່ນຈະປະຕິບັດຕໍ່ຫຼັກໝັ້ນອັນເຄັ່ງຂຶມຂອງລັດຖະບານຈີນຢ່າງຖືກຕ້ອງຫຼືບໍ່,ຈະປະຕິບັດຕໍ່ສຽງຮຽກຮ້ອງທີ່ເປັນທຳຂອງປະຊາຊົນຈີນ ຢ່າງຖືກຕ້ອງຫຼືບໍ່,ຈະໃຊ້ທ່າທີແລະການກະທຳທີ່ຖືກຕ້ອງຫຼືບໍ່,ທັງໝົດເຫຼົ່ານີ້ຈະພົວພັນເຖິງການຂະຫຍາຍຕົວຂອງສະພາວະການ."
ຕາມຂ່າວແຈ້ງວ່າ,ໃນວັນທີ16ກັນຍານີ້,ຢູ່ເມືອງກວາງໂຈ່ວໄດ້ມີເຫດການທີ່ຜູ່ເຂົ້າຮ່ວມການເດີນຂະບວນເພື່ອຄັດຄ້ານຍີ່ປຸ່ນຊື້ເກາະຕ້ຽວອີຈຳນວນໜຶ່ງໄດ້ທັບແລະພິກຂວ້ຳລົດຍົນຂອງສະຖານກົງສູນອີຕາລີປະຈຳກວາງໂຈ່ວ.
ກ່ຽວກັບເລື່ອງນີ້,ທ່ານຮົງເຫຼີຍກ່າວວ່າ: "ພາກສ່ວນທີ່ກ່ຽວຂ້ອງຂອງຈີນພວມສອບສວນສືບສວນເຫດການນີ້ຕາມກົດໝາຍ.ຈີນແມ່ນປະເທດທີ່ປົກຄອງດ້ວຍກົດໝາຍ,ການປ້ອງກັນຄວາມປອດໄພຂອງພົນລະເມືອງຕ່າງປະເທດແລະອົງການຈັດຕັ້ງຕ່າງປະເທດປະຈຳຈີນແມ່ນປະຕິບັດຕາມພັນທະທີ່ຈີນໄດ້ໃຫ້ໄວ້ໃນສົນທິສັນຍາສາກົນທີ່ກ່ຽວຂ້ອງ,ພວກຂ້າພະເຈົ້າກໍຮຽກຮ້ອງໃຫ້ພົນລະເມືອງຈີນສະແດງຄວາມຮຽກຮ້ອງຕ້ອງການຂອງຕົນຕາມກົດໝາຍຢ່າງມີລະບຽບແບບແຜນແລະສົມເຫດສົມຜົນ."
ທ່ານຮົງເຫຼີຍກ່າວຢ້ຳວ່າ: "ລັດຖະບານຈີນໄດ້ສະແດງຫຼັກໝັ້ນແລະຈຸດຢືນຂອງຕົນຕໍ່ຍີ່ປຸ່ນດ້ວຍຫຼາຍຮູບການ,ປະຊາຊົນຈີນກໍໄດ້ສະແດງອອກເຖິງຄວາມຄຽດແຄ້ນຂອງຕົນ,ສ່ວນຍີ່ປຸ່ນຈະປະຕິບັດຕໍ່ຫຼັກໝັ້ນອັນເຄັ່ງຂຶມຂອງລັດຖະບານຈີນຢ່າງຖືກຕ້ອງຫຼືບໍ່,ຈະປະຕິບັດຕໍ່ສຽງຮຽກຮ້ອງທີ່ເປັນທຳຂອງປະຊາຊົນຈີນ ຢ່າງຖືກຕ້ອງຫຼືບໍ່,ຈະໃຊ້ທ່າທີແລະການກະທຳທີ່ຖືກຕ້ອງຫຼືບໍ່,ທັງໝົດເຫຼົ່ານີ້ຈະພົວພັນເຖິງການຂະຫຍາຍຕົວຂອງສະພາວະການ."
ຕາມຂ່າວແຈ້ງວ່າ,ໃນວັນທີ16ກັນຍານີ້,ຢູ່ເມືອງກວາງໂຈ່ວໄດ້ມີເຫດການທີ່ຜູ່ເຂົ້າຮ່ວມການເດີນຂະບວນເພື່ອຄັດຄ້ານຍີ່ປຸ່ນຊື້ເກາະຕ້ຽວອີຈຳນວນໜຶ່ງໄດ້ທັບແລະພິກຂວ້ຳລົດຍົນຂອງສະຖານກົງສູນອີຕາລີປະຈຳກວາງໂຈ່ວ.
ກ່ຽວກັບເລື່ອງນີ້,ທ່ານຮົງເຫຼີຍກ່າວວ່າ: "ພາກສ່ວນທີ່ກ່ຽວຂ້ອງຂອງຈີນພວມສອບສວນສືບສວນເຫດການນີ້ຕາມກົດໝາຍ.ຈີນແມ່ນປະເທດທີ່ປົກຄອງດ້ວຍກົດໝາຍ,ການປ້ອງກັນຄວາມປອດໄພຂອງພົນລະເມືອງຕ່າງປະເທດແລະອົງການຈັດຕັ້ງຕ່າງປະເທດປະຈຳຈີນແມ່ນປະຕິບັດຕາມພັນທະທີ່ຈີນໄດ້ໃຫ້ໄວ້ໃນສົນທິສັນຍາສາກົນທີ່ກ່ຽວຂ້ອງ,ພວກຂ້າພະເຈົ້າກໍຮຽກຮ້ອງໃຫ້ພົນລະເມືອງຈີນສະແດງຄວາມຮຽກຮ້ອງຕ້ອງການຂອງຕົນຕາມກົດໝາຍຢ່າງມີລະບຽບແບບແຜນແລະສົມເຫດສົມຜົນ."
