ຈີນຕໍ່ວ່າທັກທ້ວງຢ່າງຈິງຈັງທີ່ສະຖານກົງສຸນຈີນປະຈຳຟູຄູໂອຄາຂອງຍີ່ປຸ່ນຖືກໂຈມຕີ
(GMT+08:00) 2012-09-18 17:45:37 cri
ໃນງານຖະແຫຼງຂ່າວທີ່ຈັດຂຶ້ນຕາມປົກກະຕິຢູ່ນະຄອນຫຼວງປັກກິ່ງໃນວັນທີ18ກັນຍານີ້,ທ່ານຫົງເຫຼີຍ ໂຄສົກກະຊວງການຕ່າງປະເທດຈີນກ່າວວ່າ,ລັດຖະບານຈີນໄດ້ຕໍ່ວ່າທັກທ້ວງຢ່າງຈິງຈັງແລະກ່າວປະນາມຢ່າງຮຸນແຮງໃນທັນທີພາຍຫຼັງຍີ່ປຸ່ນຊື້ເກາະຕ້ຽວອີຢ່າງຜິດກົດໝາຍ,ກະຊວງການຕ່າງປະເທດຈີນໄດ້ອອກຖະແຫຼງການອະທິບາຍຈຸດຢືນຂອງຈີນຢ່າງຮອບດ້ານ.ຈີນຍັງໄດ້ປະກາດຈຸດພິກັດແລະເສັ້ນພື້ນຖານຂີດແບ່ງຊາຍແດນທາງທະເລຂອງເກາະຕ້ຽວອີແລະຍື່ນເອກະສານທີ່ກ່ຽວຂ້ອງໃຫ້ອົງການສະຫະປະຊາຊາດເພື່ອນຳໄປເກັບຮັກສາໄວ້,ຈີນຍັງປະກາດຈະຍື່ນແຜນການຂີດແບ່ງໄຫຼ່ທະວີບນອກທະເລຈີນຕາເວັນອອກໃຫ້ຄະນະກຳມະການຂີດແບ່ງໄຫຼ່ທະວີບ,ສົ່ງກອງກ່ຳປັ່ນຕິດຕາມຄຸ້ມຄອງທາງທະເລໄປລາດຕະເວນເພື່ອປະຕິບັດກົດໝາຍຢູ່ເຂດທະເລເກາະຕ້ຽວອີ,ການນຳໃຊ້ມາດຕະການທີ່ເຂັ້ມແຂງໄດ້ຊ່ວຍຈຳກັດຜົນກະທົບທີ່ບໍ່ດີທາງດ້ານກົດໝາຍທີ່ເກີດຂຶ້ນຍ້ອນລັດຖະບານຍີ່ປຸ່ນຊື້ເກາະຕ້ຽວອີຢ່າງຜິດກົດໝາຍ.ຈີນທວງໃຫ້ຍີ່ປຸ່ນປະຕິບັດຕໍ່ຈຸດຢືນອັນເຄັ່ງຂຶມຂອງຈີນຢ່າງຖືກຕ້ອງ,ປະຕິບັດຕໍ່ສຽງຮຽກຮ້ອງອັນເປັນທຳຂອງປະຊາຊົນຈີນ,ຢ່າເຮັດຕາມລຳພັງໃຈໂດຍບໍ່ສຳນຶກເຖິງຄວາມຜິດຂອງຕົນ.
ນອກນີ້,ຕາມຂ່າວແຈ້ງວ່າ,ວັນທີ17ກັນຍານີ້,ພວກຝ່າຍຂວາຂອງຍີ່ປຸ່ນໄດ້ແກວ່ງລະເບີດຄວັນສອງໜ່ວຍໃສ່ສະຖານກົງສຸນຈີນປະຈຳຟູຄູໂອຄາຂອງຍີ່ປຸ່ນ.ກ່ຽວກັບເລື່ອງນີ້,ທ່ານຫົງເຫຼີຍ,ໂຄສົກກະຊວງການຕ່າງປະເທດຈີນກ່າວວ່າ:ຈີນໄດ້ຕໍ່ວ່າທັກທ້ວງຢ່າງຈິງຈັງແລ້ວໂດຍຮຽກຮ້ອງໃຫ້ລັດຖະບານຍີ່ປຸ່ນສືບສວນແລະລົງໂທດຜູ່ກໍ່ເຫດຕາມກົດໝາຍ.
ນອກນີ້,ຕາມຂ່າວແຈ້ງວ່າ,ວັນທີ17ກັນຍານີ້,ພວກຝ່າຍຂວາຂອງຍີ່ປຸ່ນໄດ້ແກວ່ງລະເບີດຄວັນສອງໜ່ວຍໃສ່ສະຖານກົງສຸນຈີນປະຈຳຟູຄູໂອຄາຂອງຍີ່ປຸ່ນ.ກ່ຽວກັບເລື່ອງນີ້,ທ່ານຫົງເຫຼີຍ,ໂຄສົກກະຊວງການຕ່າງປະເທດຈີນກ່າວວ່າ:ຈີນໄດ້ຕໍ່ວ່າທັກທ້ວງຢ່າງຈິງຈັງແລ້ວໂດຍຮຽກຮ້ອງໃຫ້ລັດຖະບານຍີ່ປຸ່ນສືບສວນແລະລົງໂທດຜູ່ກໍ່ເຫດຕາມກົດໝາຍ.
