ລາວແລະໄທຈະສົ່ງຜູ້ເຫັນເຫດການມາຈີນເພື່ອເປັນພິຍານໃຫ້ສານໃນຄະດີທ້າວໜໍ່ຄຳ
ຂ່າວສານຊິນຮວາລາຍງານວ່າ:ໂດຍຕອບສະໜອງຕາມຄວາມຮ້ອງຂໍຊ່ວຍເຫຼືອທາງຕຸລາການແລະຕຳຫຼວດຂອງຈີນ,ລາວແລະໄທຈະສົ່ງຜູ້ເຫັນເຫດການມາຈີນເພື່ອເປັນພິຍານໃຫ້ສານໃນຄະດີທ້າວໜໍ່ຄຳທີ່ສານປະຊາຊົນຂັ້ນກາງນະຄອນຄຸນມິງແຂວງຢຸນນານຈະໄຕ່ສວນໃນວັນທີ20ກັນຍານີ້ຊຶ່ງເປັນການສະໜັບສະໜູນຈີນໃນການໄຕ່ສວນຕັດສິນຄະດີທ້າວໜໍ່ຄຳແລະ ຜູ່ຕ້ອງຫາທີ່ກໍ່ອາຍະຊາກຳຄົນອື່ນໆ.
ຕາມເຈົ້າໜ້າທີ່ຮັບຜິດຊອບທີ່ກ່ຽວຂ້ອງຂອງອົງການປ້ອງກັນຄວາມສະຫງົບຈີນແຈ້ງໃຫ້ຮູ້ວ່າ,ເຖິງແມ່ນວ່າຄະດີທ້າວໜໍ່ຄຳເກີດຂຶ້ນຢູ່ຕ່າງປະເທດແລະຜູ່ຕ້ອງຫາທີ່ກໍ່ອາຊະຍາກຳລ້ວນແຕ່ແມ່ນຄົນຕ່າງປະເທດກໍ່ຕາມ,ແຕ່ຄະດີເກີດຂຶ້ນຢູ່ເທິງເຮືອຂອງຈີນ,ແລະຜູ່ຖືກເຄາະຮ້າຍແມ່ນພົນລະເມືອງຈີນໝົດ,ສະນັ້ນ,ຈີນມີສິດຄຸ້ມຄອງຕາມກົດໝາຍ.
ເຈົ້າໜ້າທີ່ທ່ານນີ້ກ່າວວ່າ:ຈີນກັບລາວ,ມຽນມາແລະໄທໄດ້ດຳເນີນການແລກປ່ຽນແລະປະສານງານກັນຢ່າງຫຼວງຫຼາຍໃນການສືບສວນຄະດີ,ຊຶ່ງໄດ້ຮັບປະກັນຢ່າງເຕັມທີ່ວ່າຈະສາມາດເພື່ອມ້າງຄະດີນີ້ໃຫ້ສຳເລັດຜົນ.
