ລັດຖະມົນຕີວ່າການກະຊວງປ້ອງກັນປະເທດອາເມລິກາກ່າວວ່າ,ອາເມລິກາຈະບໍ່ເຂົ້າຂ້າງຝ່າຍໃດໃນຄວາມຂັດແຍ່ງທາງດ້ານສິດອະທິປະໄຕເໜືອຜືນແຜ່ນດິນລະຫວ່າງຈີນກັບຍີ່ປຸ່ນ
(GMT+08:00) 2012-09-19 17:06:03 cri
ທ່ານປາເນັດຕາກ່າວປາຖະກະຖາ
ໃນເວລາຕອບຄຳຖາມຂອງນັກສຶກສາກ່ຽວກັບຄວາມຂັດແຍ່ງກັນທາງດ້ານສິດອະທິປະໄຕເໜືອຜືນແຜ່ນດິນລະຫວ່າງຈີນກັບຍີ່ປຸ່ນ,ທ່ານປາເນັດຕາກ່າວວ່າ,ອາເມລິກາຈະບໍ່ເຂົ້າຂ້າງຝ່າຍໃດຝ່າຍໜຶ່ງໃນຄວາມຂັດແຍ່ງກັນດ້ານຜືນແຜ່ນດິນ,ຫວັງວ່າປະເທດທີ່ກ່ຽວຂ້ອງຈະຮ່ວມກັນທຳຄວາມພະຍາຍາມເພື່ອຊອກຫາວິທີແກ້ໄຂ,ແລະຮັກສາຄວາມຈະເລີນຮຸ່ງເຮືອງແລະຄວາມໝັ້ນຄົງຂອງພາກພື້ນອາຊີປາຊິຟິກ.
ນັກສຶກສາທະຫານລົດຫຸ້ມເກາະຖາມຄຳຖາມທ່ານປາເນັດຕາ
ກ່ຽວກັບການພົວພັນລະຫວ່າງສອງກອງທັບຈີນອາເມລິກາ,ທ່ານປາເນັດຕາກ່າວວ່າ, ໃນໄລຍະ1ປີທີ່ທ່ານດຳລົງຕຳແໜ່ງລັດຖະມົນຕີວ່າການກະຊວງປ້ອງກັນປະເທດອາເມລິກາ,ສອງກອງທັບອາເມລິກາຈີນໄດ້ຮັກສາການພົວພັນໃຫ້ເຕີບໃຫຍ່ຂະຫຍາຍຕົວເປັນຢ່າງດີ.ລັດຖະມົນຕີວ່າການກະຊວງປ້ອງກັນປະເທດຂອງສອງປະເທດໄດ້ຢ້ຽມຢາມເຊິ່ງກັນແລະກັນ.ກຳປັ່ນຮົບຂອງອາເມລິກາແລະຈີນໄດ້ດຳເນີນການຊ້ອມຮົບຮ່ວມດ້ານການຕ້ານໂຈນສະຫຼັດຢູ່ອ່າວອາເດນ.
ທ່ານກ່າວວ່າ: "ເປົ້າໝາຍຂອງພວກຂ້າພະເຈົ້າແມ່ນສ້າງການພົວພັນລະຫວ່າງສອງກອງທັບທີ່ປອດໄສ,ໝັ້ນທ່ຽງ,ເຊື່ອໃຈໄດ້,ຕໍ່ເນື່ອງແລະໂປ່ງໃສ.ຄວາມປາຖະໜາຂອງພວກຂ້າພະເຈົ້າແມ່ນສ້າງການພົວພັນຢ່າງຕໍ່ເນື່ອງທີ່ມີຄວາມໄວ້ເນື້ອເຊື່ອໃຈກັນໂດຍຜ່ານການຮ່ວມມື,ຊຶ່ງລວມ ທັງຂົງເຂດທີ່ມີຄວາມສົນໃຈຮ່ວມ,ສ້າງຊ່ອງທາງແລກປ່ຽນຄວາມເຫັນຈຳນວນໜຶ່ງ,ເພື່ອແກ້ໄຂຄວາມຂັດແຍ່ງກັນຢ່າງບັງເກີດຜົນ,ແລະຫຼຸດຄວາມເຂົ້າໃຈຜິດກັນໃຫ້ໜ້ອຍລົງ.ມາດຕະຖານຂອງທຸກໆຍຸດທະສາດລ້ວນແຕ່ແມ່ນເພື່ອຄວາມໝັ້ນຄົງແລະຄວາມຈະເລີນຮຸ່ງເຮືງຂອງພາກພື້ນອາຊີປາຊິຟິກ,ແລະຈະເຮັດໃຫ້ການພົວພັນອາເມລິກາຈີນສາມາດມີການຂະຫຍາຍຕົວຢ່າງຕໍ່ເນື່ອງໄດ້ຫຼືບໍ່."
ທ່ານປາເນັດຕາຮ່ວມກິນເຂົ້ານຳນັກສຶກສາທະຫານລົດຫຸ້ມເກາະ
