ການແລກປ່ຽນວັດທະນະທຳສົ່ງເສີມການເຊື່ອມໂຍງເຂົ້າກັນລະຫວ່າງຈີນກັບອາຊຽນ
(GMT+08:00) 2012-09-19 17:59:04 cri
ຕາມຂ່າວສານຈີນ:ງານສຳມະນາກ່ຽວກັບການພັດທະນາອຸດສາຫະກຳວັດທະນະທຳຊົນເຜົ່າຂອງຈີນ-ອາຊຽນທີ່ຈັດຂຶ້ນເປັນເທື່ອທຳອິດໃນໄລຍະສັບປະດາແລກປ່ຽນດ້ານການສຶກສາຂອງຈີນ-ອາຊຽນໄດ້ໄຂຂຶ້ນຢູ່ເມືອງກຸ້ຍໂຈ່ວຂອງຈີນໃນວັນທີ18ກັນຍານີ້.ໃນເວລາໃຫ້ສຳພາດຕໍ່ນັກຂ່າວ,ຜູ່ຊ່ຽວຊານຂອງຈີນແລະຕ່າງປະເທດທີ່ມາເຂົ້າຮ່ວມງານກ່າວວ່າ,ຈີນແລະປະເທດອາຊຽນມີສາຍພູສາຍນ້ຳຕິດຈອດກັນ,ມີການໄປມາຫາສູ່ກັນໃນຫຼາຍຂົງເຂດ ຊຶ່ງຕົ້ນຕໍແມ່ນການໄປມາຫາສູ່ກັນແລກປ່ຽນກັນດ້ານວັດທະນະທຳມາຕັ້ງແຕ່ບູຮານນະການ,ປະຈຸບັນນີ້,ການແລກປ່ຽນດ້ານວັດທະນະທຳໄດ້ກາຍເປັນສິ່ງສົ່ງເສີມໃຫ້ຈີນກັບອາຊຽນເຊື່ອມໂຍງເຂົ້າກັນ.
ໃນປີ1991,ຈີນກາຍເປັນຄູ່ເຈລະຈາຂອງອາຊຽນ,ນັບມາຮອດປັດຈຸບັນເປັນເວລາ 21ປີແລ້ວ.ໃນໄລຍະ21ປີມານີ້,ສອງຝ່າຍໄດ້ສ້າງສາຍພົວພັນຄູ່ຮ່ວມມືຍຸດທະສາດແລະໄດ້ສ້າງຕັ້ງເຂດການຄ້າເສລີຢ່າງຮອບດ້ານ.ທ່ານຢາງຈ້ຽນ,ຮອງຫົວໜ້າກົມອາຊີຂອງກະຊວງການຕ່າງປະເທດຈີນໄດ້ບັນລະຍາຍເຖິງການພົວພັນລະຫວ່າງສອງຝ່າຍຈີນ-ອາຊຽນດ້ວຍສາມຄຳສັບ ຄື:"ບ້ານໃກ້ເຮືອນຄຽງທີ່ດີ","ໝູ່ເພື່ອນທີ່ດີ"ແລະ"ຄູ່ຮ່ວມມືທີ່ດີ".
ເມື່ອກ່າວເຖິງຈະເພີ່ມທະວີການແລກປ່ຽນແລະຮ່ວມມືລະຫວ່າງສອງຝ່າຍແນວໃດ, ນາງຈັນດາ ເຫມມະວັນຈາກກອງເລຂາຄະນະລັດຖະບານ,ຫ້ອງການນາຍົກລັດຖະມົນຕີ ລາວກ່າວໃນທີ່ປະຊຸມວ່າ,ການແລກປ່ຽນວັດທະນະທຳແມ່ນໜຶ່ງໃນບັນດາວິທີທີ່ດີ,ວັດທະນະທຳຊົນເຜົ່າມີຜົນດີຕໍ່ການຫຼຸດຜ່ອນຄວາມທຸກຍາກຂອງທ້ອງຖິ່ນ.ໃນເວລາໃຫ້ສຳພາດຕໍ່ນັກຂ່າວ,ທ່ານຈູ່ຊີ້ນຫາວ,ເຈົ້າໜ້າທີ່ຖະແຫຼງຂ່າວແລະປະຊາສຳພັນຂອງສູນຈີນ-ອາຊຽນກ່າວວ່າ: "ການແລກປ່ຽນດ້ານວັດທະນະທຳຊົນເຜົ່າຈະເພີ່ມທະວີຄວາມເຂົ້າໃຈລະຫວ່າງສອງຝ່າຍໃຫ້ດີກວ່າເກົ່າ,ແລະຊຸກຍູ້ການໄປມາຫາສູ່ກັນລະຫວ່າງປະຊາຊົນ."
ວັດທະນະທຳຈີນໄດ້ຄ່ອຍໆຮັບການເຫັນດີເຫັນພ້ອມໃນບັນດາປະເທດອາຊຽນ,ນັກສຶກສາລາວທີ່ມີຊື່ພາສາຈີນວ່າ ຊຸ່ນໂປຊູ່ທີ່ຮຽນຢູ່ມະຫາວິທະຍາໄລກຸ້ຍໂຈ່ວຂອງຈີນໃຫ້ສຳພາດຕໍ່ນັກຂ່າວວ່າ: "ມີປະລິນຍາຂອງຈີນຈະຫາວຽກເຮັດງານທຳຢູ່ລາວໄດ້ງ່າຍຂຶ້ນ,ພໍ່ແມ່ຮູ້ສຶກພາກພູມໃຈທີ່ລູກສາມາດມາຮຽນຢູ່ຈີນ."
ນັບມາຮອດທ້າຍປີ2011,ນັກຮຽນມາຈາກບັນດາປະເທດອາຊຽນທີ່ຮຽນຢູ່ຈີນມີເຖິງ5ໝື່ນ4ພັນ8ຮ້ອຍກວ່າຄົນ,ສ່ວນນັກຮຽນຈີນທີ່ໄປຮຽນຢູ່ບັນດາປະເທດອາຊຽນມີເຖິງ1ແສນ 1ພັນກວ່າຄົນແລ້ວ.ຢູ່ຈີນ,ມີມະຫາວິທະຍາໄລຫຼາຍສິບແຫ່ງໄດ້ຕັ້ງວິຊາພາສາຂອງບັນດາປະເທດອາຊຽນ,ມີນັກຮຽນຈີນຮ່ຳຮຽນພາສາຂອງບັນດາປະເທດອາຊຽນນັບມື້ນັບຫຼາຍຂຶ້ນ.ໃນຫຼາຍປີມານີ້,ຈີນໄດ້ສົ່ງຄູສອນພາສາຈີນແລະອາສາສະໝັກສອນພາສາຈີນ5ພັນກວ່າຄົນໄປບັນດາປະເທດອາຊຽນ,ແລະໄດ້ສ້າງຕັ້ງສະຖາບັນຂົງຈື້26ແຫ່ງແລະຫ້ອງຮຽນຂົງຈື້14ແຫ່ງ,ຊຶ່ງມີນັກຮຽນຫຼາຍກວ່າ7ໝື່ນຄົນແລ້ວ.
ໃນປີ1991,ຈີນກາຍເປັນຄູ່ເຈລະຈາຂອງອາຊຽນ,ນັບມາຮອດປັດຈຸບັນເປັນເວລາ 21ປີແລ້ວ.ໃນໄລຍະ21ປີມານີ້,ສອງຝ່າຍໄດ້ສ້າງສາຍພົວພັນຄູ່ຮ່ວມມືຍຸດທະສາດແລະໄດ້ສ້າງຕັ້ງເຂດການຄ້າເສລີຢ່າງຮອບດ້ານ.ທ່ານຢາງຈ້ຽນ,ຮອງຫົວໜ້າກົມອາຊີຂອງກະຊວງການຕ່າງປະເທດຈີນໄດ້ບັນລະຍາຍເຖິງການພົວພັນລະຫວ່າງສອງຝ່າຍຈີນ-ອາຊຽນດ້ວຍສາມຄຳສັບ ຄື:"ບ້ານໃກ້ເຮືອນຄຽງທີ່ດີ","ໝູ່ເພື່ອນທີ່ດີ"ແລະ"ຄູ່ຮ່ວມມືທີ່ດີ".
ເມື່ອກ່າວເຖິງຈະເພີ່ມທະວີການແລກປ່ຽນແລະຮ່ວມມືລະຫວ່າງສອງຝ່າຍແນວໃດ, ນາງຈັນດາ ເຫມມະວັນຈາກກອງເລຂາຄະນະລັດຖະບານ,ຫ້ອງການນາຍົກລັດຖະມົນຕີ ລາວກ່າວໃນທີ່ປະຊຸມວ່າ,ການແລກປ່ຽນວັດທະນະທຳແມ່ນໜຶ່ງໃນບັນດາວິທີທີ່ດີ,ວັດທະນະທຳຊົນເຜົ່າມີຜົນດີຕໍ່ການຫຼຸດຜ່ອນຄວາມທຸກຍາກຂອງທ້ອງຖິ່ນ.ໃນເວລາໃຫ້ສຳພາດຕໍ່ນັກຂ່າວ,ທ່ານຈູ່ຊີ້ນຫາວ,ເຈົ້າໜ້າທີ່ຖະແຫຼງຂ່າວແລະປະຊາສຳພັນຂອງສູນຈີນ-ອາຊຽນກ່າວວ່າ: "ການແລກປ່ຽນດ້ານວັດທະນະທຳຊົນເຜົ່າຈະເພີ່ມທະວີຄວາມເຂົ້າໃຈລະຫວ່າງສອງຝ່າຍໃຫ້ດີກວ່າເກົ່າ,ແລະຊຸກຍູ້ການໄປມາຫາສູ່ກັນລະຫວ່າງປະຊາຊົນ."
ວັດທະນະທຳຈີນໄດ້ຄ່ອຍໆຮັບການເຫັນດີເຫັນພ້ອມໃນບັນດາປະເທດອາຊຽນ,ນັກສຶກສາລາວທີ່ມີຊື່ພາສາຈີນວ່າ ຊຸ່ນໂປຊູ່ທີ່ຮຽນຢູ່ມະຫາວິທະຍາໄລກຸ້ຍໂຈ່ວຂອງຈີນໃຫ້ສຳພາດຕໍ່ນັກຂ່າວວ່າ: "ມີປະລິນຍາຂອງຈີນຈະຫາວຽກເຮັດງານທຳຢູ່ລາວໄດ້ງ່າຍຂຶ້ນ,ພໍ່ແມ່ຮູ້ສຶກພາກພູມໃຈທີ່ລູກສາມາດມາຮຽນຢູ່ຈີນ."
ນັບມາຮອດທ້າຍປີ2011,ນັກຮຽນມາຈາກບັນດາປະເທດອາຊຽນທີ່ຮຽນຢູ່ຈີນມີເຖິງ5ໝື່ນ4ພັນ8ຮ້ອຍກວ່າຄົນ,ສ່ວນນັກຮຽນຈີນທີ່ໄປຮຽນຢູ່ບັນດາປະເທດອາຊຽນມີເຖິງ1ແສນ 1ພັນກວ່າຄົນແລ້ວ.ຢູ່ຈີນ,ມີມະຫາວິທະຍາໄລຫຼາຍສິບແຫ່ງໄດ້ຕັ້ງວິຊາພາສາຂອງບັນດາປະເທດອາຊຽນ,ມີນັກຮຽນຈີນຮ່ຳຮຽນພາສາຂອງບັນດາປະເທດອາຊຽນນັບມື້ນັບຫຼາຍຂຶ້ນ.ໃນຫຼາຍປີມານີ້,ຈີນໄດ້ສົ່ງຄູສອນພາສາຈີນແລະອາສາສະໝັກສອນພາສາຈີນ5ພັນກວ່າຄົນໄປບັນດາປະເທດອາຊຽນ,ແລະໄດ້ສ້າງຕັ້ງສະຖາບັນຂົງຈື້26ແຫ່ງແລະຫ້ອງຮຽນຂົງຈື້14ແຫ່ງ,ຊຶ່ງມີນັກຮຽນຫຼາຍກວ່າ7ໝື່ນຄົນແລ້ວ.
