ຈີນ ລາວ ມຽນມາແລະໄທເລີ່ມດຳເນີນການລາດຕະເວນປະຕິບັດກົດໝາຍຮ່ວມຕາມລຳແມ່ນ້ຳຂອງຄັ້ງທີ 6
(GMT+08:00) 2012-09-21 15:16:47 cri
ຕາມຂ່າວສານຊີນຮວາ:ການລາດຕະເວນປະຕິບັດກົດໝາຍຮ່ວມຕາມລຳແມ່ນ້ຳຂອງຄັ້ງທີ 6 ລະຫວ່າງຈີນ,ລາວ,ມຽນມາແລະໄທໄດ້ເລີ່ມຕົ້ນດຳເນີນວຽກງານແຕ່ວັນທີ 21 ກັນຍານີ້ເປັນຕົ້ນໄປ.ຜູ້ຮັບຜິດຊອບທີ່ກ່ຽວຂ້ອງຂອງກອງປ້ອງກັນຊາຍແດນພະແນກປ້ອງກັນຄວາມສະຫງົບແຂວງຢຸນນານຈີນແຈ້ງໃຫ້ຮູ້ວ່າ:ໃນການລາດຕະເວນປະຕິບັດກົດໝາຍຮ່ວມເທື່ອນີ້,ເຮືອປະຕິບັດກົດໝາຍຂອງຈີນແລະລາວຈະຮ່ວມກັນດຳເນີນການກວດກາຕໍ່ເຮືອຂົນສົ່ງສິນຄ້າທີ່ໄປມາຢູ່ບໍລິເວນເກາະດອນແຕ່ເມືອງເມິງຫາເມືອງສິງ,ຕຳຫຼວດຈີນແລະລາວຍັງຈະຮ່ວມກັນດຳເນີນການກວດກາຢູ່ເຂດສຳຄັນທາງບົກແຄມແມ່ນ້ຳຂອງຟາກລາວ,ເພື່ອຊຸກຍູ້ການລາດຕະເວນປະຕິບັດກົດໝາຍຮ່ວມໃຫ້ລົງເລິກໄປສູ່ການຕ້ານທັບມ້າງອາຊະຍາກຳຂ້າມຊາດຮ່ວມກັນ,ການກວດກາລາດຕະເວນປະຕິບັດກົດໝາຍຮ່ວມຄັ້ງນີ້ຈະດຳເນີນໄປເປັນເວລາ 6 ວັນ.
ຕາມການແຈ້ງໃຫ້ຮູ້ວ່າ,ຈີນຈະຍົກລະດັບສິ່ງກໍ່ສ້າງລະບົບສື່ສານຢູ່ສະຖານີຕິດຕໍ່ພົວພັນປະຈຳເມືອງເມິງຂອງລາວ,ພະຍາຍາມເຮັດໃຫ້ກຳລັງປະຕິບັດກົດໝາຍຕາມລຳແມ່ນ້ຳຂອງຂອງຈີນ,ລາວແລະໄທພ້ອມດ້ວຍເຮືອຂົນສົ່ງສິນຄ້າຂອງປະຊາຊົນຈີນແລະລາວທີ່ເດີນທາງຕາມລຳແມ່ນ້ຳຂອງຕິດຕໍ່ສື່ສານກັນໄດ້ໂດຍງ່າຍແລະສະດວກຂຶ້ນກວ່າເກົ່າ.
ຕາມການແຈ້ງໃຫ້ຮູ້ວ່າ,ຈີນຈະຍົກລະດັບສິ່ງກໍ່ສ້າງລະບົບສື່ສານຢູ່ສະຖານີຕິດຕໍ່ພົວພັນປະຈຳເມືອງເມິງຂອງລາວ,ພະຍາຍາມເຮັດໃຫ້ກຳລັງປະຕິບັດກົດໝາຍຕາມລຳແມ່ນ້ຳຂອງຂອງຈີນ,ລາວແລະໄທພ້ອມດ້ວຍເຮືອຂົນສົ່ງສິນຄ້າຂອງປະຊາຊົນຈີນແລະລາວທີ່ເດີນທາງຕາມລຳແມ່ນ້ຳຂອງຕິດຕໍ່ສື່ສານກັນໄດ້ໂດຍງ່າຍແລະສະດວກຂຶ້ນກວ່າເກົ່າ.
