ລາວນຳເອົາສິນຄ້າຫຼາກຫຼາຍຊະນິດມາວາງສະແດງໃນງານວາງສະແດງສິນຄ້າຈີນ-ອາຊຽນຄັ້ງທີ9
ຫ້ອງວາງສະແດງຂອງລາວ
ງານວາງສະແດງສິນຄ້າຈີນ-ອາຊຽນຄັ້ງທີ9ແລະກອງປະຊຸມສຸດຍອດການຄ້າແລະການລົງທຶນຈີນ-ອາຊຽນໄດ້ໄຂຂຶ້ນຢູ່ສູນປະຊຸມແລະວາງສະແດງສາກົນນານນິງເຂດປົກຄອງຕົນເອງເຜົ່າຈວ້າງກວາງຊີຈີນໃນຕອນເຊົ້າວັນທີ21ກັນຍານີ້.ຫ້ອງວາງສະແດງແລະຂາຍສິນຄ້າຂອງປະເທດຕ່າງໆກໍ່ເລີ່ມເປີດປະຕູຕໍ່ພາຍນອກ.
ແຜ່ນແພທີ່ລາວນຳມາວາງສະແດງແລະຂາຍໃນງານ
ໃນຮ້ານວາງສະແດງຂອງປະເທດລາວມີສິນຄ້າທີ່ມີສີສັນພິເສດຂອງລາວຫຼາກຫຼາຍຊະນິດເຊັ່ນວ່າໄມ້ຄວັດ,ແຜ່ນແພ,ກາເຟເຫຼົ່ານີ້ເປັນຕົ້ນ.ໃນນັ້ນ,ເຄື່ອງເຟນີເຈີປະເພດຕ່າງໆທີ່ເຮັດດ້ວຍໄມ້ລາວແລະອອກແບບຕາມເອກະລັກດັ້ງເດີມຂອງຈີນເປັນຈຸດເດັ່ນອັນໜຶ່ງຂອງສິ່ງຕ່າງໆທີ່ລາວນຳມາວາງສະແດງ.ນອກນັ້ນ,ຝ່າຍລາວຍັງໄດ້ຈັດຕັ້ງແທ່ນວາງສະແດງສະເພາະເພື່ອໂຄສະນາເຂດເສດ ຖະກິດພິເສດປອດພາສີຂອງພະແນກອຸດສາຫະກຳການຄ້ານະຄອນຫຼວງວຽງຈັນ.
