ຈັດເວທີປຶກສາຫາລືການຄ້າການລົງທຶນຈີນລາວ
(GMT+08:00) 2012-09-24 16:24:50 cri
ລັດຖະບານລາວບໍ່ພຽງແຕ່ໄດ້ລົງມືສ້າງຕັ້ງນະໂຍບາຍສົ່ງເສີມການລົງທຶນແລະກົດຫມາຍທີ່ກ່ຽວຂ້ອງທໍ່ນັ້ນ, ໃນຫລາຍປີມໍ່ໆມານີ້, ຍັງໄດ້ເພີ່ມທະວີການກໍ່ສ້າງເຂດເສດຖະກິດພິເສດແລະເຂດເສດຖະກິດສະເພາະ.ນາງບູທາ ຄັດຕິຍາ, ເລຂາຄະນະກຳມະການຄຸ້ມຄອງເຂດເສດຖະກິດພິເສດແຫ່ງຊາດລາວ,ທີ່ມາຮ່ວມເວທີປຶກສາຫາລືເທື່ອນີ້ກ່າວວ່າ:
ນິຕິກຳດັ່ງກ່າວນັ້ນໄດ້ຮັບຮອງຈາກລັດຖະບານແລະສະພາແຫ່ງຊາດຢ່າງຖືກຕ້ອງຕາມກົດຫມາຍ,ແລ້ວກໍ່ໄດ້ສ້າງຕັ້ງຄະນະກຳມະການແຫ່ງຊາດລາວເພື່ອຄຸ້ມຄອງແລະຄົ້ນຄວ້ານະໂຍບາຍກ່ຽວກັບການພັດທະນາເສດຖະກິດພິເສດຢູ່ລາວດ້ວຍການເປັນປະທານຂອງທ່ານຮອງນາຍົກລັດຖະມົນຕີ,ຜູ່ຊີ້ນຳວຽກງານເສດຖະກິດແລະມີບັນດາທ່ານລັດຖະມົນຕີ,ລັດຖະມົນຕີຊ່ວຍວ່າການກະຊວງທີ່ກ່ຽວຂ້ອງ,ເຈົ້າແຂວງ,ເຈົ້າຄອງນະຄອນຫລວງທີ່ເຮັດເຂດເສດຖະກິດພິເສດຕັ້ງຢູ່ນັ້ນເປັນກຳມະການນຳ,ເປັນຫຍັງຈິ່ງມີຫລາຍທ່ານເຂົ້າຮ່ວມກ່ຽວກັບວຽກງານດັ່ງກ່າວກໍ່ແມ່ນຍ້ອນວ່າເລື່ອງໃຫມ່ພວກເຮົາຕ້ອງການໃຫ້ມີການພັດທະນາໄວ,ດັ່ງນັ້ນຈິ່ງມີການປະກອບຢ່າງມີຫລາຍພາກສ່ວນ.
ປັດຈຸບັນ, ປະເທດລາວມີເຂດເສດຖະກິດພິເສດແລະເຂດເສດຖະກິດສະເພາະ 10 ແຫ່ງ, ໃນນັ້ນ, ເຂດເສດຖະກິດພິເສດ 2 ແຫ່ງແລະເຂດເສດຖະກິດສະເພາະ 8 ແຫ່ງ.ແຂວງຄຳມ່ວນເທື່ອນີ້ໄດ້ຖືກປະເທດລາວເລືອກເປັນ"ເມືອງສະເຫນ່"ເພື່ອໂຄສະນາເປັນພິເສດ, ແຂວງຄຳມ່ວນມີເຂດເສດຖະກິດພິສເດສອງແຫ່ງ, ທ່ານສົມໃຈ ເພັດສີນວນ,ຮອງເຈົ້າແຂວງແຂວງຄຳມ່ວນໃຫ້ຮູ້ວ່າ:
ຕໍ່ການລົງທຶນຂອງນັກລົງທຶນພາຍໃນແລະຕ່າງປະເທດຢູ່ໃນແຂວງຄຳມ່ວນ, ພວກຂ້າພະເຈົ້າຖືວ່າມາຮອດໄລຍະນີ້,ກໍ່ໄດ້ມີນັກລົງທຶນຂອງຫລາຍປະເທດເຂົ້າມາລົງທຶນ,ມີທັງໄທ,ຫວຽດນາມມີທັງຈີນ,ໂດຍສະເພາະລາຍໃຫຍ່ກວ່າຫມູ່ກໍ່ແມ່ນນັກລົງທຶນຈີນເປັນສ່ວນໃຫຍ່ທີ່ຢູ່ໃນທ່າຂະຫຍາຍໂຕດີພໍສົມຄວນ, ມັນເປັນສິ່ງຫນຶ່ງທີ່ອຳນວນຄວາມສະດວກໃຫ້ແກ່ຫລາຍດ້ານ, ໂດຍສະເພາະກໍ່ແມ່ນການພັດທະນາພື້ນຖານໂຄງລ່າງ,ພັດທະນາເສດຖະກິດ,ທາງສັງຄົມແລະແກ້ໄຂຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
