ນັກປະພັນລາວ5ທ່ານ, ໄດ້ຮັບລາງວັນວັນນະກໍາລຸ່ມແມ່ນໍ້າຂອງຄັ້ງທີ 4
(GMT+08:00) 2012-09-24 14:00:11 cri
ຕາມຂ່າວຖະແຫຼງວ່າ: ພິທີມອບ-ຮັບລາງວັນນັກປະພັນລາວ,ຫວຽດນາມ ແລະກໍາປູເຈຍຄັ້ງທີ 4 ໄດ້ໄຂຂື້ນ ແລະດໍາເນີນເປັນເວລາ5ວັນທີ່ນະຄອນດານັງ ສ.ສຫວຽດນາມ,ມີນັກປະພັນ100ກວ່າຄົນຈາກ 5 ປະເທດເຂົ້າຮ່ວມ.ໃນນັ້ນລາວໄດ້ສົ່ງນັກປະພັນລາວ10ທ່ານເຂົ້າຮ່ວມການປະກວດມີ 5 ທ່ານໄດ້ຮັບລາງວັນຄື:ໄດ້ລາງວັນບົດເລື່ອງສັ້ນທ່ານ ບຸນເສີນ ແສງມະນີ ຊື່ເລື່ອງ: " ສາຍເລືອດສອງແຜ່ນດິນ" ແລະ ທ່ານພອນສະຫວັນ ຊື່ເລື່ອງ:" ສາຍຮັກສາຍຜູກພັນ ",ບົດເລື່ອງຍາວທ່ານ ພິລາໜໍ່ຄໍາ ດາລາສັກ ຊື່ເລື່ອງ:" ຄວາມຫຼັງຍັງຝັງໄວ້ທີ່ກໍາປູເຈຍ " ແລະບົດກາວີທ່ານ ສຸບັນ ຫຼວງລາດ ຊື່ເລື່ອງ:" ສາຍຂອງສາຍໄຈ ສາຍໄຍມິດຕະພາບ " ແລະທ່ານ ສຸຂີ ນໍລະສິນ ຊື່ເລື່ອງ "ມົນສະເໜ່ສຽງດ່ານເບົາ " .
ການມອບ-ຮັບລາງວັນນັກປະພັນລຸ່ມແມ່ນໍ້າຂອງຄັ້ງທໍາອິດໄດ້ຈັດຂື້ນໃນປີ 2006 ເຊິ່ງປະເທດສະມາຊິກພັດປ່ຽນກັນເປັນເຈົ້າພາບ ແລະ2ປີຈັດຂື້ນເທື່ອໜື່ງ.ສໍາລັບພິທີມອບ-ຮັບລາງວັນຄັ້ງທີ5ປີ2014ນີ້ແມ່ນຈະຈັດຢູ່ປະເທດກໍາປູເຈຍ.
