ທ່ານຢາງເຈຍສືພົບປະທ່ານທອງລຸນ ສີສຸລິດ
(GMT+08:00) 2012-09-25 14:12:44 cri
ຕາມຂ່າວຈາກເວັບໄຊກະຊວງການຕ່າງປະເທດຈີນ:ວັນທີ 24 ກັນຍານີ້,ຢູ່ນີວຢອກຂອງອາເມລິກາ,ທ່ານຢາງເຈຍສື,ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະທ່ານທອງລຸນ ສີສຸລິດ,ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດລາວ.
ທ່ານຢາງເຈຍສືກ່າວວ່າ,ປະຈຸບັນ,ການຂະຫຍາຍຕົວຂອງການພົວພັນລະຫວ່າງຈີນກັບລາວມີທ່າອຽງທີ່ດີ,ຜູ້ນຳສອງປະເທດໄດ້ມີຄວາມຮັບຮູ້ຄືກັນຢ່າງກວ້າງຂວາງໃນການພົວພັນລະຫວ່າງສອງຝ່າຍແລະບັນຫາພາກພື້ນກໍ່ຄືສາກົນທີ່ສົນໃຈຮ່ວມກັນ,ໄດ້ຊຸກຍູ້ການຂະຫຍາຍຕົວຂອງການພົວພັນລະຫວ່າງສອງປະເທດຢ່າງແຂງແຮງ.ຈີນຍິນດີທຳຄວາມພະຍາຍາມຮ່ວມກັບລາວ,ປະຕິບັດຜົນສຳເລັດຂອງການພົບປະລະຫວ່າງຜູ້ນຳສອງປະເທດ,ເລັ່ງລັດການວາງແລະປະຕິບັດແຜນການດຳເນີນງານການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນກັບລາວ,ເລັ່ງລັດຊຸກຍູ້ການຮ່ວມມືໃນໂຄງການທີ່ກ່ຽວຂ້ອງ,ຂະຫຍາຍການແລກປ່ຽນດ້ານວັດທະນະທຳ,ສ້າງຄວາມຜາສຸກໃຫ້ແກ່ປະຊາຊົນສອງຊາດ.ຈີນຍິນດີສືບຕໍ່ຕັ້ງໜ້າຊ່ວຍເຫຼືອປະເທດລາວໃນການເປັນເຈົ້າພາບຈັດກອງປະຊຸມສຸດຍອດອາຊີເອີຣົບຄັ້ງທີ 9 ໃຫ້ສຳເລັດຜົນດ້ວຍດີ.
ທ່ານທອງລຸນ ສີສຸລິດກ່າວວ່າ:ການພົວພັນລະຫວ່າງສອງປະເທດກຳລັງຢູ່ໃນໄລຍະດີທີ່ສຸດໃນປະຫວັດສາດ,ການຂະຫຍາຍການພົວພັນມິດຕະພາບແລະການຮ່ວມມືລະຫວ່າງສອງຝ່າຍຕື່ມອີກນັ້ນແມ່ນມີຄວາມໝາຍດ້ານຍຸດທະສາດ.ທ່ານທອງລຸນຍັງໄດ້ກ່າວຂອບໃຈນຳຈີນທີ່ໄດ້ໃຫ້ຄວາມຊ່ວຍເຫຼືອແລະການສະໜັບສະໜູນແກ່ລາວໃນການກະກຽມກອງປະຊຸມສຸດຍອດອາຊີເອີຣົບ,ແລະກ່າວວ່າ,ຍິນດີທຳຄວາມພະຍາຍາມຮ່ວມກັບຝ່າຍຕ່າງໆທີ່ກ່ຽວຂ້ອງ,ຮັບປະກັນໃຫ້ການຈັດກອງປະຊຸມເທື່ອນີ້ມີຜົນສຳເລັດຢ່າງຈົບງາມ,ເພີ່ມທະວີຄວາມເຂົ້າໃຈກັນແລະການຮ່ວມມືກັນລະຫວ່າງບັນດາປະເທດອາຊີເອີຣົບ.
ມື້ດຽວກັນ,ທ່ານຢາງເຈຍສືຍັງໄດ້ພົບປະກັບທ່ານມາຕີ ນາຕາເລກາວາ,ລັດຖະມົນຕີວ່າການກະຊວງການຕ່າງປະເທດອິນໂດເນເຊຍແລະທ່ານວຸນນາມ໋ອງ,ລັດຖະມົນຕີວ່າການກະຊວງການຕ່າງປະເທດມຽນມາ.ທ່ານຢາງເຈຍສືໄດ້ນຳພາຄະນະຜູ້ແທນຈີນໄປເຂົ້າຮ່ວມການອະພິບາຍທົ່ວໄປຂອງສະມັດຊາໃຫຍ່ສະຫະປະຊາຊາດສະໄໝທີ 67 ທີ່ຈະຈັດຂຶ້ນໃນວັນທີ 25 ກັນຍານີ້.
ທ່ານຢາງເຈຍສືກ່າວວ່າ,ປະຈຸບັນ,ການຂະຫຍາຍຕົວຂອງການພົວພັນລະຫວ່າງຈີນກັບລາວມີທ່າອຽງທີ່ດີ,ຜູ້ນຳສອງປະເທດໄດ້ມີຄວາມຮັບຮູ້ຄືກັນຢ່າງກວ້າງຂວາງໃນການພົວພັນລະຫວ່າງສອງຝ່າຍແລະບັນຫາພາກພື້ນກໍ່ຄືສາກົນທີ່ສົນໃຈຮ່ວມກັນ,ໄດ້ຊຸກຍູ້ການຂະຫຍາຍຕົວຂອງການພົວພັນລະຫວ່າງສອງປະເທດຢ່າງແຂງແຮງ.ຈີນຍິນດີທຳຄວາມພະຍາຍາມຮ່ວມກັບລາວ,ປະຕິບັດຜົນສຳເລັດຂອງການພົບປະລະຫວ່າງຜູ້ນຳສອງປະເທດ,ເລັ່ງລັດການວາງແລະປະຕິບັດແຜນການດຳເນີນງານການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນກັບລາວ,ເລັ່ງລັດຊຸກຍູ້ການຮ່ວມມືໃນໂຄງການທີ່ກ່ຽວຂ້ອງ,ຂະຫຍາຍການແລກປ່ຽນດ້ານວັດທະນະທຳ,ສ້າງຄວາມຜາສຸກໃຫ້ແກ່ປະຊາຊົນສອງຊາດ.ຈີນຍິນດີສືບຕໍ່ຕັ້ງໜ້າຊ່ວຍເຫຼືອປະເທດລາວໃນການເປັນເຈົ້າພາບຈັດກອງປະຊຸມສຸດຍອດອາຊີເອີຣົບຄັ້ງທີ 9 ໃຫ້ສຳເລັດຜົນດ້ວຍດີ.
ທ່ານທອງລຸນ ສີສຸລິດກ່າວວ່າ:ການພົວພັນລະຫວ່າງສອງປະເທດກຳລັງຢູ່ໃນໄລຍະດີທີ່ສຸດໃນປະຫວັດສາດ,ການຂະຫຍາຍການພົວພັນມິດຕະພາບແລະການຮ່ວມມືລະຫວ່າງສອງຝ່າຍຕື່ມອີກນັ້ນແມ່ນມີຄວາມໝາຍດ້ານຍຸດທະສາດ.ທ່ານທອງລຸນຍັງໄດ້ກ່າວຂອບໃຈນຳຈີນທີ່ໄດ້ໃຫ້ຄວາມຊ່ວຍເຫຼືອແລະການສະໜັບສະໜູນແກ່ລາວໃນການກະກຽມກອງປະຊຸມສຸດຍອດອາຊີເອີຣົບ,ແລະກ່າວວ່າ,ຍິນດີທຳຄວາມພະຍາຍາມຮ່ວມກັບຝ່າຍຕ່າງໆທີ່ກ່ຽວຂ້ອງ,ຮັບປະກັນໃຫ້ການຈັດກອງປະຊຸມເທື່ອນີ້ມີຜົນສຳເລັດຢ່າງຈົບງາມ,ເພີ່ມທະວີຄວາມເຂົ້າໃຈກັນແລະການຮ່ວມມືກັນລະຫວ່າງບັນດາປະເທດອາຊີເອີຣົບ.
ມື້ດຽວກັນ,ທ່ານຢາງເຈຍສືຍັງໄດ້ພົບປະກັບທ່ານມາຕີ ນາຕາເລກາວາ,ລັດຖະມົນຕີວ່າການກະຊວງການຕ່າງປະເທດອິນໂດເນເຊຍແລະທ່ານວຸນນາມ໋ອງ,ລັດຖະມົນຕີວ່າການກະຊວງການຕ່າງປະເທດມຽນມາ.ທ່ານຢາງເຈຍສືໄດ້ນຳພາຄະນະຜູ້ແທນຈີນໄປເຂົ້າຮ່ວມການອະພິບາຍທົ່ວໄປຂອງສະມັດຊາໃຫຍ່ສະຫະປະຊາຊາດສະໄໝທີ 67 ທີ່ຈະຈັດຂຶ້ນໃນວັນທີ 25 ກັນຍານີ້.
