ຍີ່ປຸ່ນຄວນຮັບຜິດຊອບຕໍ່ການເລື່ອນເວລາຈັດກິດຈະກຳລະລຶກຈີນຍີ່ປຸ່ນສ້າງສາຍພົວພັນທາງການທູດຄົບຮອບ40ປີ
(GMT+08:00) 2012-09-25 15:15:08 cri
ວັນທີ24ກັນຍານີ້ຢູ່ທີ່ນະຄອນຫຼວງປັກກິ່ງ,ໃນເວລາຕອບຄຳຖາມຂອງນັກຂ່າວກ່ຽວກັບເລື່ອງທີ່ຈີນຕົກລົງເລື່ອນເວລາໃນການຈັດງານລ້ຽງຮັບຮອງເພື່ອລະລຶກຈີນຍີ່ປຸ່ນສ້າງສາຍພົວພັນທາງການທູດຫັນເປັນປົກກະຕິຄົບຮອບ40ປີໄປຈັດໃນເວລາອັນເໝາະສົມໃນຕໍ່ໜ້າ,ທ່ານຫົງເຫຼີຍ ໂຄສົກກະຊວງການຕ່າງປະເທດຈີນກ່າວວ່າ:ປີນີ້ແມ່ນຈີນແລະຍີ່ປຸ່ນສ້າງສາຍພົວພັນທາງການທູດຫັນເປັນປົກກະຕິຄົບຮອບ40ປີ,ຄວນເປັນໂອກາດສຳລັບທັງສອງຝ່າຍຊຸກຍູ້ການພົວພັນລະຫວ່າງສອງປະເທດໃຫ້ພັດທະນາຕື່ມອີກ.ແຕ່ວ່າ,ລັດຖະບານຍີ່ປຸ່ນຍັງຢືນຢັນທີ່ຊື້ເກາະຕ້ຽວອີຢ່າງຜິດກົດໝາຍ,ຊຶ່ງເປັນການລ່ວງລ້ຳຜືນແຜ່ນດິນອັນຄົບຖ້ວນແລະສິດອຳນາດອະທິປະໄຕຂອງຈີນຢ່າງຮ້າຍແຮງ,ແຕະຕ້ອງຈິດໃຈປະຊາຊົນຈີນແລະທຳລາຍການພົວພັນລະຫວ່າງຈີນກັບຍີ່ປຸ່ນຢ່າງຮ້າຍແຮງ.ຍີ່ປຸ່ນຕ້ອງຮັບຜິດຊອບຕໍ່ຜົນຮ້າຍທີ່ຈະຕາມມາໃນພາຍຫຼັງຍ້ອນການກະທຳຂອງຕົນ.
ໃນເວລາຕອບຄຳຖາມຂອງນັກຂ່າວກ່ຽວກັບດ່ານພາສີຈີນເພີ່ມຄວາມເຂັ້ມງວດໃນການກວດກາສິນຄ້າຂາເຂົ້າຂາອອກທີ່ກ່ຽວພັນກັບຍີ່ປຸ່ນນັ້ນ,ທ່ານຫົງເຫຼີຍກ່າວວ່າ,ການຮ່ວມມືທາງດ້ານເສດຖະກິດການຄ້າລະຫວ່າງຈີນກັບຍີ່ປຸ່ນແມ່ນສອດຄ່ອງກັບຜົນປະໂຫຍດຂອງທັງສອງຝ່າຍ,ການກະທຳຂອງຍີ່ປຸ່ນໃນການຊື້ເກາະຕ້ຽວອີຢ່າງຜິດກົດໝາຍນັ້ນໄດ້ກະທົບກະເທືອນແລະທຳລາຍການຂະຫຍາຍຕົວຢ່າງເປັນປົກກະຕິຂອງການພົວພັນທາງດ້ານເສດຖະກິດການຄ້າລະຫວ່າງຈີນຍີ່ປຸ່ນ,ນີ້ແມ່ນເລື່ອງທີ່ຝ່າຍຈີນບໍ່ຕ້ອງການທີ່ຈະເຫັນ.ສ່ວນຍີ່ປຸ່ນຕ້ອງຮັບຜິດຊອບຕໍ່ເລື່ອງທັງໝົດທີ່ເກີດຂຶ້ນ.ຍີ່ປຸ່ນຕ້ອງຢຸດຕິທຸກໆການກະທຳທີ່ລ່ວງລ້ຳຜືນແຜ່ນດິນອັນຄົບຖ້ວນແລະສິດອຳນາດອະທິປະໄຕຂອງຈີນໃນທັນທີແລ້ວກັບຄືນສູ່ຊ່ອງທາງທີ່ຖືກຕ້ອງໃນການເຈລະຈາເພື່ອແກ້ໄຂຄວາມຂັດແຍ່ງກັນ,ແລະສ້າງເງື່ອນໄຂທີ່ດີໃຫ້ແກ່ການຂະຫຍາຍການພົວພັນຈີນຍີ່ປຸ່ນແລະການຮ່ວມມືໃນຂົງເຂດຕ່າງໆ.
ໃນເວລາຕອບຄຳຖາມຂອງນັກຂ່າວກ່ຽວກັບດ່ານພາສີຈີນເພີ່ມຄວາມເຂັ້ມງວດໃນການກວດກາສິນຄ້າຂາເຂົ້າຂາອອກທີ່ກ່ຽວພັນກັບຍີ່ປຸ່ນນັ້ນ,ທ່ານຫົງເຫຼີຍກ່າວວ່າ,ການຮ່ວມມືທາງດ້ານເສດຖະກິດການຄ້າລະຫວ່າງຈີນກັບຍີ່ປຸ່ນແມ່ນສອດຄ່ອງກັບຜົນປະໂຫຍດຂອງທັງສອງຝ່າຍ,ການກະທຳຂອງຍີ່ປຸ່ນໃນການຊື້ເກາະຕ້ຽວອີຢ່າງຜິດກົດໝາຍນັ້ນໄດ້ກະທົບກະເທືອນແລະທຳລາຍການຂະຫຍາຍຕົວຢ່າງເປັນປົກກະຕິຂອງການພົວພັນທາງດ້ານເສດຖະກິດການຄ້າລະຫວ່າງຈີນຍີ່ປຸ່ນ,ນີ້ແມ່ນເລື່ອງທີ່ຝ່າຍຈີນບໍ່ຕ້ອງການທີ່ຈະເຫັນ.ສ່ວນຍີ່ປຸ່ນຕ້ອງຮັບຜິດຊອບຕໍ່ເລື່ອງທັງໝົດທີ່ເກີດຂຶ້ນ.ຍີ່ປຸ່ນຕ້ອງຢຸດຕິທຸກໆການກະທຳທີ່ລ່ວງລ້ຳຜືນແຜ່ນດິນອັນຄົບຖ້ວນແລະສິດອຳນາດອະທິປະໄຕຂອງຈີນໃນທັນທີແລ້ວກັບຄືນສູ່ຊ່ອງທາງທີ່ຖືກຕ້ອງໃນການເຈລະຈາເພື່ອແກ້ໄຂຄວາມຂັດແຍ່ງກັນ,ແລະສ້າງເງື່ອນໄຂທີ່ດີໃຫ້ແກ່ການຂະຫຍາຍການພົວພັນຈີນຍີ່ປຸ່ນແລະການຮ່ວມມືໃນຂົງເຂດຕ່າງໆ.
