ລັດຖະມົນຕີຊ່ວຍວ່າການກະຊວງການຕ່າງປະເທດຈີນກ່າວວ່າຍີ່ປຸ່ນຕ້ອງແກ້ໄຂຄວາມຜິດພາດຂອງຕົນດ້ວຍການກະທຳຕົວຈິງ
(GMT+08:00) 2012-09-25 16:32:04 cri
ວັນທີ25ກັນຍານີ້,ຢູ່ນະຄອນຫຼວງປັກກິ່ງ,ທ່ານຈ່າງຈື້ຈຸ່ນ ລັດຖະມົນຕີຊ່ວຍວ່າການກະຊວງການຕ່າງປະເທດຈີນແລະທ່ານຊີຄາໂອະ ຄາວາອິ ລັດຖະມົນຕີຊ່ວຍວ່າການກະຊວງການຕ່າງປະເທດຍີ່ປຸ່ນໄດ້ປຶກສາຫາລືກັນກ່ຽວກັບບັນຫາເກາະຕ້ຽວອີ.ທ່ານຈ່າງຈື້ຈຸ່ນກ່າວວ່າ:ຈີນເດັດດ່ຽວຈະບໍ່ອົດທົນຕໍ່ການກະທຳພຽງແຕ່ຝ່າຍດຽວຂອງຍີ່ປຸ່ນທີ່ລ່ວງລ້ຳຜືນແຜ່ນດິນອັນຄົບຖ້ວນແລະສິດອຳນາດອະທິປະໄຕຂອງຈີນ,ຍີ່ປຸ່ນຕ້ອງປະຖິ້ມຄວາມເພີ້ຝັນ,ສຳຫຼວດກວດກາຄືນຕໍ່ຄວາມຜິດພາດຂອງຕົນຢ່າງແທ້ຈິງແລະແກ້ໄຂຄວາມຜິດພາດດ້ວຍການກະທຳຕົວຈິງ,ແລ້ວປະຕິບັດຕາມຂໍ້ຕົກລົງທີ່ເປັນເອກະສັນກັນແລະຄວາມເຂົ້າໃຈກັນທີ່ຜູ້ນຳສອງປະເທດຕົກລົງຮ່ວມກັນ,ພະຍາຍາມຮ່ວມກັບຝ່າຍຈີນເພື່ອເຮັດໃຫ້ການພົວພັນລະຫວ່າງສອງປະເທດມີການພັດທະນາຢ່າງປອດໄສແລະໝັ້ນທ່ຽງຄືນໃໝ່.
ທ່ານຈ່າງຈື້ຈຸ່ນກ່າວຕື່ມອີກວ່າ,ເກາະຕ້ຽວອີພ້ອມດ້ວຍເກາະດອນຕ່າງໆທີ່ຢູ່ບໍລິເວນໃກ້ຄຽງແມ່ນດິນແດນຂອງຈີນມາຕັ້ງແຕ່ບູຮານນະການ,ຊຶ່ງມີປະຫວັດສາດແລະກົດໝາຍເປັນຫຼັກຖານອ້າງອີງ.ຍີ່ປຸ່ນບໍ່ສົນໃຈນຳຈີນທີ່ໄດ້ຕໍ່ວ່າປະທ້ວງຢ່າງຈິງຈັງຫຼາຍເທື່ອ,ແລະປະຕິເສດບໍ່ຍອມຮັບຄວາມເຂົ້າໃຈກັນແລະຂໍ້ຕົກລົງທີ່ເປັນເອກະພາບກັນອັນສຳຄັນທີ່ຜູ້ນຳສອງປະເທດໄດ້ຕົກລົງຮ່ວມກັນໃນເມື່ອກ່ອນ,ບໍ່ສົນໃຈນຳຄວາມເປັນຈິງໃນປະຫວັດສາດແລະກົດໝາຍ,ໃຊ້ການກະທຳທີ່ຜິດກົດໝາຍຢ່າງເປີດແປນທີ່ສຸດ,ເປັນຕົ້ນແມ່ນການເຮັດໃຫ້ເກາະຕ້ຽວອີຫັນເປັນຂອງລັດຖະບານຍີ່ປຸ່ນ,ນີ້ເປັນການກະທຳທີ່ລ່ວງລ້ຳດິນແດນຂອງຈີນຢ່າງຮ້າຍແຮງ,ເປັນການແຕະຕ້ອງເຖິງຈິດໃຈຂອງປະຊາຊົນຈີນຈຳນວນ1ຕື້300ລ້ານຄົນຢ່າງຮ້າຍແຮງ,ຢຽບຢ່ຳຄວາມເປັນຈິງໃນປະຫວັດສາດແລະນິຕິທຳສາກົນຢ່າງຮ້າຍແຮງ,ປະຕິເສດຢ່າງເປີດແປນຕໍ່ຜົນສຳເລັດແຫ່ງໄຊຊະນະໃນສົງຄາມຕໍ່ຕ້ານຟັດຊິດໂລກ,ເປັນການທ້າທາຍຢ່າງຮ້າຍແຮງຕໍ່ລະບຽບການສາກົນຫຼັງສົງຄາມໂລກຄັ້ງທີສອງ.ປະຫວັດສາດບໍ່ສາມາດພິກປີ້ນ,ຄວາມຮັບຮູ້ທີ່ຄືກັນບໍ່ສາມາດປະຕິເສດ,ແລະຈິດໃຈຂອງປະຊາຊົນບໍ່ສາມາດຝ່າຝືນໄດ້.
ທັງສອງຝ່າຍຈີນແລະຍີ່ປຸ່ນເຫັນດີສືບຕໍ່ປຶກສາຫາລືກັນກ່ຽວກັບບັນຫາເກາະຕ້ຽວອີ.
ທ່ານຈ່າງຈື້ຈຸ່ນກ່າວຕື່ມອີກວ່າ,ເກາະຕ້ຽວອີພ້ອມດ້ວຍເກາະດອນຕ່າງໆທີ່ຢູ່ບໍລິເວນໃກ້ຄຽງແມ່ນດິນແດນຂອງຈີນມາຕັ້ງແຕ່ບູຮານນະການ,ຊຶ່ງມີປະຫວັດສາດແລະກົດໝາຍເປັນຫຼັກຖານອ້າງອີງ.ຍີ່ປຸ່ນບໍ່ສົນໃຈນຳຈີນທີ່ໄດ້ຕໍ່ວ່າປະທ້ວງຢ່າງຈິງຈັງຫຼາຍເທື່ອ,ແລະປະຕິເສດບໍ່ຍອມຮັບຄວາມເຂົ້າໃຈກັນແລະຂໍ້ຕົກລົງທີ່ເປັນເອກະພາບກັນອັນສຳຄັນທີ່ຜູ້ນຳສອງປະເທດໄດ້ຕົກລົງຮ່ວມກັນໃນເມື່ອກ່ອນ,ບໍ່ສົນໃຈນຳຄວາມເປັນຈິງໃນປະຫວັດສາດແລະກົດໝາຍ,ໃຊ້ການກະທຳທີ່ຜິດກົດໝາຍຢ່າງເປີດແປນທີ່ສຸດ,ເປັນຕົ້ນແມ່ນການເຮັດໃຫ້ເກາະຕ້ຽວອີຫັນເປັນຂອງລັດຖະບານຍີ່ປຸ່ນ,ນີ້ເປັນການກະທຳທີ່ລ່ວງລ້ຳດິນແດນຂອງຈີນຢ່າງຮ້າຍແຮງ,ເປັນການແຕະຕ້ອງເຖິງຈິດໃຈຂອງປະຊາຊົນຈີນຈຳນວນ1ຕື້300ລ້ານຄົນຢ່າງຮ້າຍແຮງ,ຢຽບຢ່ຳຄວາມເປັນຈິງໃນປະຫວັດສາດແລະນິຕິທຳສາກົນຢ່າງຮ້າຍແຮງ,ປະຕິເສດຢ່າງເປີດແປນຕໍ່ຜົນສຳເລັດແຫ່ງໄຊຊະນະໃນສົງຄາມຕໍ່ຕ້ານຟັດຊິດໂລກ,ເປັນການທ້າທາຍຢ່າງຮ້າຍແຮງຕໍ່ລະບຽບການສາກົນຫຼັງສົງຄາມໂລກຄັ້ງທີສອງ.ປະຫວັດສາດບໍ່ສາມາດພິກປີ້ນ,ຄວາມຮັບຮູ້ທີ່ຄືກັນບໍ່ສາມາດປະຕິເສດ,ແລະຈິດໃຈຂອງປະຊາຊົນບໍ່ສາມາດຝ່າຝືນໄດ້.
ທັງສອງຝ່າຍຈີນແລະຍີ່ປຸ່ນເຫັນດີສືບຕໍ່ປຶກສາຫາລືກັນກ່ຽວກັບບັນຫາເກາະຕ້ຽວອີ.
