ລັດຖະບານຈີນເຜີຍແຜ່ປຶ້ມປົກຂາວ ປະກາດອີກເທື່ອໜຶ່ງວ່າເກາະຕ້ຽວອີແມ່ນດິນແດນຂອງຈີນ
(GMT+08:00) 2012-09-25 16:47:17 cri
ວັນທີ25ກັນຍານີ້,ຫ້ອງການຖະແຫຼງຂ່າວລັດຖະບານຈີນໄດ້ເຜີຍແຜ່ປຶ້ມປົກຂາວໂດຍປະກາດອີກເທື່ອໜຶ່ງວ່າເກາະຕ້ຽວອີພ້ອມດ້ວຍເກາະດອນຕ່າງໆທີ່ຢູ່ບໍລິເວນໃກ້ຄຽງແມ່ນສ່ວນໜຶ່ງທີ່ຕັດແຍກອອກຈາກດິນແດນຈີນບໍ່ໄດ້.
ປຶ້ມປົກຂາວພາດຫົວເລື່ອງວ່າ"ເກາະຕ້ຽວອີແມ່ນດິນແດນຂອງຈີນ"ຊຶ່ງມີຕົວໜັງສືປະມານ7000ໂຕ,ແບ່ງເປັນ7ພາກຄື,ຄຳນຳ,ເກາະຕ້ຽວອີແມ່ນດິນແດນຂອງຈີນ,ຍີ່ປຸ່ນລັກຍຶດເກາະຕ້ຽວອີຢ່າງຜິດກົດໝາຍ,ອາເມລິກາແລະຍີ່ປຸ່ນມອບຮັບເກາະຕ້ຽວອີຊຶ່ງກັນແລະກັນເປັນການກະທຳທີ່ຜິດກົດໝາຍແລະບໍ່ມີຜົນສັກສິດ,ຍີ່ປຸ່ນອ້າງມີສິດອຳນາດອະທິປະໄຕເໜືອເກາະຕ້ຽວອີແມ່ນບໍ່ມີຫຼັກຖານອ້າງອີງຫຍັງເລີຍແລະຈີນຕໍ່ສູ້ຢ່າງເດັດດ່ຽວເພື່ອປົກປ້ອງສິດອຳນາດອະທິປະໄຕເໜືອເກາະຕ້ຽວອີຂອງຕົນແລະພາກສະຫຼຸບ.
ທ່ານຫຼິວໂຢຝ້າ ຮອງຫົວໜ້າສະຖາບັນຄົ້ນຄວ້າບັນຫາສາກົນຂອງຈີນໄດ້ໃຫ້ສຳພາດຕໍ່ນັກຂ່າວCRI ວ່າ:"ປຶ້ມປົກຂາວໄດ້ຊີ້ໃຫ້ເຫັນລາຍລະອຽດທາງດ້ານປະຫວັດສາດວ່າສິດອຳນາດອະທິປະໄຕເໜືອເກາະຕ້ຽວອີແມ່ນຂອງຈີນ,ໄດ້ໃຫ້ລາຍລະອຽດຢ່າງຈະແຈ້ງກ່ຽວກັບບັນຫາຍີ່ປຸ່ນໄດ້ ຍຶດເກາະຕ້ຽວອີຢ່າງຜິດກົດໝາຍຄືແນວໃດ?ແລະຍັງໄດ້ໃຫ້ຮູ້ຢ່າງຈະແຈ້ງອີກວ່າອາເມລິກາເຮັດແນວໃດໃນການມອບສິດຄຸ້ມຄອງເກາະຕ້ຽວອີໃຫ້ຍີ່ປຸ່ນໂດຍບໍ່ໄດ້ຮັບການອະນຸຍາດຂອງຈີນ,ສາມາດເວົ້າໄດ້ວ່າ,ປຶ້ມປົກຂາວສະບັບນີ້ໄດ້ເປີດເຜີຍຢ່າງຈະແຈ້ງຕໍ່ປະຊາຄົມໂລກອີກເທື່ອໜຶ່ງວ່າຍີ່ປຸ່ນອ້າງວ່າເກາະຕ້ຽວອີແມ່ນດິນແດນຂອງລັດຖະບານຍີ່ປຸ່ນນັ້ນແມ່ນບໍ່ມີຫຼັກຖານອ້າງອີງເລີຍ."
ທ່ານຫຼິວໂຢຝ້າກ່າວວ່າ:ປຶ້ມປົກຂາວກ່ຽວກັບບັນຫາເກາະຕ້ຽວອີແມ່ນປຶ້ມປົກຂາວສະບັບທຳອິດທີ່ຈີນປະກາດກ່ຽວກັບດິນແດນທີ່ມີຄວາມຂັດແຍ່ງ.ປຶ້ມປົກຂາວເປັນເອກະສານທາງການທີ່ໄດ້ຕາງໜ້າຫຼັກໝັ້ນຈຸດຢືນຂອງລັດຖະບານ,ຊຶ່ງມີບົດບາດໃນການໃຫ້ຮູ້ລາຍລະອຽດກ່ຽວກັບນະໂຍບາຍທັງພາຍໃນແລະຕໍ່ຕ່າງປະເທດຂອງຈີນ.ທ່ານຫຼິວໂຢຝ້າກ່າວວ່າ:
"ນີ້ເປັນເທື່ອທຳອິດທີ່ຈີນເຜີຍແຜ່ປຶ້ມປົກຂາວເພື່ອແຈ້ງນະໂຍບາຍຕໍ່ປະຊາຄົມໂລກໃຫ້ຮັບຮູ້ຢ່າງຈະແຈ້ງກ່ຽວກັບຈຸດຢືນຂອງຈີນໃນບັນຫາເກາະຕ້ຽວອີພ້ອມດ້ວຍຄວາມເປັນມາຂອງບັນຫາເກາະຕ້ຽວອີ.ການປະກາດນະໂຍບາຍໃນຄັ້ງນີ້ກໍ່ຈະເປັນພື້ນຖານອຳນວຍຄວາມສະດວກໃຫ້ແກ່ສະພາປະຊາຊົນແຫ່ງຊາດຈີນສ້າງກົດໝາຍ,ພ້ອມທັງໃຫ້ການຊີ້ນຳແລະຫຼັກຖານອ້າງອີງທາງດ້ານນະໂຍບາຍແກ່ພາກສ່ວນທີ່ກ່ຽວຂ້ອງຂອງຈີນເພື່ອປົກປ້ອງສິດອຳນາດອະທິປະໄຕຂອງຕົນ."
ປຶ້ມປົກຂາວພາດຫົວເລື່ອງວ່າ"ເກາະຕ້ຽວອີແມ່ນດິນແດນຂອງຈີນ"ຊຶ່ງມີຕົວໜັງສືປະມານ7000ໂຕ,ແບ່ງເປັນ7ພາກຄື,ຄຳນຳ,ເກາະຕ້ຽວອີແມ່ນດິນແດນຂອງຈີນ,ຍີ່ປຸ່ນລັກຍຶດເກາະຕ້ຽວອີຢ່າງຜິດກົດໝາຍ,ອາເມລິກາແລະຍີ່ປຸ່ນມອບຮັບເກາະຕ້ຽວອີຊຶ່ງກັນແລະກັນເປັນການກະທຳທີ່ຜິດກົດໝາຍແລະບໍ່ມີຜົນສັກສິດ,ຍີ່ປຸ່ນອ້າງມີສິດອຳນາດອະທິປະໄຕເໜືອເກາະຕ້ຽວອີແມ່ນບໍ່ມີຫຼັກຖານອ້າງອີງຫຍັງເລີຍແລະຈີນຕໍ່ສູ້ຢ່າງເດັດດ່ຽວເພື່ອປົກປ້ອງສິດອຳນາດອະທິປະໄຕເໜືອເກາະຕ້ຽວອີຂອງຕົນແລະພາກສະຫຼຸບ.
ທ່ານຫຼິວໂຢຝ້າ ຮອງຫົວໜ້າສະຖາບັນຄົ້ນຄວ້າບັນຫາສາກົນຂອງຈີນໄດ້ໃຫ້ສຳພາດຕໍ່ນັກຂ່າວCRI ວ່າ:"ປຶ້ມປົກຂາວໄດ້ຊີ້ໃຫ້ເຫັນລາຍລະອຽດທາງດ້ານປະຫວັດສາດວ່າສິດອຳນາດອະທິປະໄຕເໜືອເກາະຕ້ຽວອີແມ່ນຂອງຈີນ,ໄດ້ໃຫ້ລາຍລະອຽດຢ່າງຈະແຈ້ງກ່ຽວກັບບັນຫາຍີ່ປຸ່ນໄດ້ ຍຶດເກາະຕ້ຽວອີຢ່າງຜິດກົດໝາຍຄືແນວໃດ?ແລະຍັງໄດ້ໃຫ້ຮູ້ຢ່າງຈະແຈ້ງອີກວ່າອາເມລິກາເຮັດແນວໃດໃນການມອບສິດຄຸ້ມຄອງເກາະຕ້ຽວອີໃຫ້ຍີ່ປຸ່ນໂດຍບໍ່ໄດ້ຮັບການອະນຸຍາດຂອງຈີນ,ສາມາດເວົ້າໄດ້ວ່າ,ປຶ້ມປົກຂາວສະບັບນີ້ໄດ້ເປີດເຜີຍຢ່າງຈະແຈ້ງຕໍ່ປະຊາຄົມໂລກອີກເທື່ອໜຶ່ງວ່າຍີ່ປຸ່ນອ້າງວ່າເກາະຕ້ຽວອີແມ່ນດິນແດນຂອງລັດຖະບານຍີ່ປຸ່ນນັ້ນແມ່ນບໍ່ມີຫຼັກຖານອ້າງອີງເລີຍ."
ທ່ານຫຼິວໂຢຝ້າກ່າວວ່າ:ປຶ້ມປົກຂາວກ່ຽວກັບບັນຫາເກາະຕ້ຽວອີແມ່ນປຶ້ມປົກຂາວສະບັບທຳອິດທີ່ຈີນປະກາດກ່ຽວກັບດິນແດນທີ່ມີຄວາມຂັດແຍ່ງ.ປຶ້ມປົກຂາວເປັນເອກະສານທາງການທີ່ໄດ້ຕາງໜ້າຫຼັກໝັ້ນຈຸດຢືນຂອງລັດຖະບານ,ຊຶ່ງມີບົດບາດໃນການໃຫ້ຮູ້ລາຍລະອຽດກ່ຽວກັບນະໂຍບາຍທັງພາຍໃນແລະຕໍ່ຕ່າງປະເທດຂອງຈີນ.ທ່ານຫຼິວໂຢຝ້າກ່າວວ່າ:
"ນີ້ເປັນເທື່ອທຳອິດທີ່ຈີນເຜີຍແຜ່ປຶ້ມປົກຂາວເພື່ອແຈ້ງນະໂຍບາຍຕໍ່ປະຊາຄົມໂລກໃຫ້ຮັບຮູ້ຢ່າງຈະແຈ້ງກ່ຽວກັບຈຸດຢືນຂອງຈີນໃນບັນຫາເກາະຕ້ຽວອີພ້ອມດ້ວຍຄວາມເປັນມາຂອງບັນຫາເກາະຕ້ຽວອີ.ການປະກາດນະໂຍບາຍໃນຄັ້ງນີ້ກໍ່ຈະເປັນພື້ນຖານອຳນວຍຄວາມສະດວກໃຫ້ແກ່ສະພາປະຊາຊົນແຫ່ງຊາດຈີນສ້າງກົດໝາຍ,ພ້ອມທັງໃຫ້ການຊີ້ນຳແລະຫຼັກຖານອ້າງອີງທາງດ້ານນະໂຍບາຍແກ່ພາກສ່ວນທີ່ກ່ຽວຂ້ອງຂອງຈີນເພື່ອປົກປ້ອງສິດອຳນາດອະທິປະໄຕຂອງຕົນ."
