ຈີນແລະປະເທດອາຊຽນຮ່ວມມືກັນເພື່ອຮັບມືກັບວິກິດການເສດຖະກິດໂລກທີ່ຈະຊຸດໂຊມລົງ
(GMT+08:00) 2012-09-26 14:08:31 cri
ງານວາງສະແດງສິນຄ້າຈີນ-ອາຊຽນຄັ້ງທີ9ແລະກອງປະຊຸມ ສຸດຍອດການຄ້າແລະການລົງທຶນຈີນ-ອາຊຽນຄັ້ງທີ9ທີ່ດຳເນີນມາເປັນເວລາ5ວັນໄດ້ອັດລົງແລ້ວ.ງານວາງສະແດງສິນຄ້າຄັ້ງນີ້ໄດ້ຕົກລົງເຊັນສັນຍາການຄ້າໃນມູນຄ່າເຖິງ1ຕື້778ລ້ານໂດລາ,ຊຶ່ງໄດ້ເພີ່ມຂຶ້ນ3,9%ເມື່ອທຽບໃສ່ງານຄັ້ງຜ່ານມາ.ໄດ້ເຊັນສັນຍາການລົງທຶນໃນໂຄງການຮ່ວມມືສາກົນທີ່ມີມູນຄ່າ8ຕື້204ລ້ານໂດລາ,ເພີ່ມຂຶ້ນ10,6%ເມື່ອທຽບໃສ່ງານຄັ້ງຜ່ານມາ.ໂດຍທົ່ວໄປແລ້ວ,ບຸກຄົນສຳຄັນທາງການເມືອງຂອງປະເທດຕ່າງໆທີ່ເຂົ້າຮ່ວມງານພ້ອມດ້ວຍຜູ້ຊ່ຽວຊານນັກວິຊາການມີທ່າທີເບິ່ງອະນາຄົດແຫ່ງການພັດທະນາການຮ່ວມມືລະຫວ່າງຈີນກັບອາຊຽນໄປໃນທາງທີ່ດີ.ຈີນກັບປະເທດອາຊຽນຮ່ວມມືກັນໃນການຮັບມືກັບວິກິດການເສດຖະກິດໂລກທີ່ຈະຊຸດໂຊມລົງນັ້ນໄດ້ກາຍເປັນຄວາມຮັບຮູ້ທີ່ຄືກັນຂອງແຂກຜູ້ມີກຽດທັງຫຼາຍທີ່ມາເຂົ້າຮ່ວມງານ.
ທ່ານໂລ້ຢົງຄຸນ ຜູ້ຊ່ວຍນັກຄົ້ນຄວ້າຂອງສະຖາບັນຄົ້ນຄວ້າການພົວພັນສາກົນຍຸກປະຈຸບັນຂອງຈີນກ່າວວ່າ:ມູນຄ່າການຄ້າລະຫວ່າງຈີນກັບອາຊຽນເຕີບໂຕຢ່າງວ່ອງໄວແມ່ນຍ້ອນໄດ້ຮັບຜົນປະໂຫຍດຈາກຕ່າງຝ່າຍຕ່າງກໍ່ເພິ່ງພາອາໄສເຊິ່ງກັນແລະກັນແລະຕ່າງຝ່າຍຕ່າງມີຜົນປະໂຫຍດ.
ທ່ານເທັນຊັນ ປະທານາທິບໍດີມຽນມາກ່າວວ່າ:ເນື່ອງຈາກວ່າເສດຖະກິດຂອງຈີນແລະອາຊຽນມີການພົວພັນຢ່າງສະໜິດແໜ້ນ,ປະເທດອາຊຽນຈິ່ງຍິນດີສ້າງການພົວພັນຄູ່ຮ່ວມມືເສດຖະກິດຢ່າງແຂງແຮງກັບຈີນ.ຈີນແລະອາຊຽນລ້ວນແຕ່ຢູ່ໃນພາກພື້ນອາຊີປາຊີຟິກທີ່ມີການພັດທະນາຢ່າງວ່ອງໄວ,ສ່ວນພາກພື້ນອາຊີປາຊີຟິກແມ່ນສູນການພົວພັນສາກົນແລະການຄ້າໃນປະຈຸບັນ.ຈີນແລະອາຊຽນຕ້ອງຮ່ວມມືກັນເພື່ອຊຸກຍູ້ໃຫ້ພາກພື້ນແຫ່ງນີ້ມີສັນຕິພາບແລະການພັດທະນາ.
ໃນປະຈຸບັນ,ວິກິດການເສດຖະກິດໂລກຍັງບໍ່ທັນສິ້ນສຸດລົງເທື່ອ,ເສດຖະກິດຂອງສະຫະພາບເອີລົບພວມຢູ່ໃນໄລຍະວິກິດການ,ເສດຖະກິດອາເມລິກາບໍ່ສາມາດຟື້ນຕົວຄືນເທື່ອ,ສ່ວນການຮ່ວມມືລະຫວ່າງຈີນກັບອາຊຽນໃນຂົງເຂດການຄ້າແລະການລົງທຶນພາຍໃຕ້ຂອບເຂດການຄ້າເສລີຈະມີຜົນດີຕໍ່ການຊຸກຍູ້ໃຫ້ເສດຖະກິດໃນພາພື້ນນີ້ເຕີບໂຕຂຶ້ນ,ແລະກໍ່ສາມາດຊຸກຍູ້ການພັດທະນາການຄ້າຂອງແຫ່ງອື່ນໆໃນໂລກ.ທ່ານສຸພະໄຊ ພານິດສະພັກ ເລຂາທິການໃຫຍ່ສະພາການພັດທະນາການຄ້າຂອງສະຫະປະຊາຊາດກ່າວວ່າ:ການຮ່ວມມືດ້ວຍໄມຕີຈິດມິດຕະພາບລະຫວ່າງຈີນກັບອາຊຽນຈະມີຜົນດີຕໍ່ການຊຸກຍູ້ໃຫ້ເສດຖະກິດໂລກຫຼຸດພົ້ນອອກຈາກວິກິດການ.
ທ່ານໂລ້ຢົງຄຸນ ຜູ້ຊ່ວຍນັກຄົ້ນຄວ້າຂອງສະຖາບັນຄົ້ນຄວ້າການພົວພັນສາກົນຍຸກປະຈຸບັນຂອງຈີນກ່າວວ່າ:ມູນຄ່າການຄ້າລະຫວ່າງຈີນກັບອາຊຽນເຕີບໂຕຢ່າງວ່ອງໄວແມ່ນຍ້ອນໄດ້ຮັບຜົນປະໂຫຍດຈາກຕ່າງຝ່າຍຕ່າງກໍ່ເພິ່ງພາອາໄສເຊິ່ງກັນແລະກັນແລະຕ່າງຝ່າຍຕ່າງມີຜົນປະໂຫຍດ.
ທ່ານເທັນຊັນ ປະທານາທິບໍດີມຽນມາກ່າວວ່າ:ເນື່ອງຈາກວ່າເສດຖະກິດຂອງຈີນແລະອາຊຽນມີການພົວພັນຢ່າງສະໜິດແໜ້ນ,ປະເທດອາຊຽນຈິ່ງຍິນດີສ້າງການພົວພັນຄູ່ຮ່ວມມືເສດຖະກິດຢ່າງແຂງແຮງກັບຈີນ.ຈີນແລະອາຊຽນລ້ວນແຕ່ຢູ່ໃນພາກພື້ນອາຊີປາຊີຟິກທີ່ມີການພັດທະນາຢ່າງວ່ອງໄວ,ສ່ວນພາກພື້ນອາຊີປາຊີຟິກແມ່ນສູນການພົວພັນສາກົນແລະການຄ້າໃນປະຈຸບັນ.ຈີນແລະອາຊຽນຕ້ອງຮ່ວມມືກັນເພື່ອຊຸກຍູ້ໃຫ້ພາກພື້ນແຫ່ງນີ້ມີສັນຕິພາບແລະການພັດທະນາ.
ໃນປະຈຸບັນ,ວິກິດການເສດຖະກິດໂລກຍັງບໍ່ທັນສິ້ນສຸດລົງເທື່ອ,ເສດຖະກິດຂອງສະຫະພາບເອີລົບພວມຢູ່ໃນໄລຍະວິກິດການ,ເສດຖະກິດອາເມລິກາບໍ່ສາມາດຟື້ນຕົວຄືນເທື່ອ,ສ່ວນການຮ່ວມມືລະຫວ່າງຈີນກັບອາຊຽນໃນຂົງເຂດການຄ້າແລະການລົງທຶນພາຍໃຕ້ຂອບເຂດການຄ້າເສລີຈະມີຜົນດີຕໍ່ການຊຸກຍູ້ໃຫ້ເສດຖະກິດໃນພາພື້ນນີ້ເຕີບໂຕຂຶ້ນ,ແລະກໍ່ສາມາດຊຸກຍູ້ການພັດທະນາການຄ້າຂອງແຫ່ງອື່ນໆໃນໂລກ.ທ່ານສຸພະໄຊ ພານິດສະພັກ ເລຂາທິການໃຫຍ່ສະພາການພັດທະນາການຄ້າຂອງສະຫະປະຊາຊາດກ່າວວ່າ:ການຮ່ວມມືດ້ວຍໄມຕີຈິດມິດຕະພາບລະຫວ່າງຈີນກັບອາຊຽນຈະມີຜົນດີຕໍ່ການຊຸກຍູ້ໃຫ້ເສດຖະກິດໂລກຫຼຸດພົ້ນອອກຈາກວິກິດການ.
