ຈີນສະແດງຄວາມບໍ່ພໍໃຈແລະຄັດຄ້ານຢ່າງເດັດດ່ຽວຕໍ່ຜູ້ນຳຍີ່ປຸ່ນທີ່ຍັງຍຶດໝັ້ນຈຸດຢືນອັນຜິດພາດໃນບັນຫາເກາະຕ້ຽວອີ
(GMT+08:00) 2012-09-27 13:03:09 cri
ວັນທີ27ກັນຍານີ້,ທ່ານຊິນກ່າງ ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວກ່ຽວກັບທ່ານໂນດະ ໂຢຊີຮິໂກະ ນາຍົກລັດຖະມົນຕີຍີ່ປຸ່ນກ່າວຖ້ອຍຄວາມທີ່ກ່ຽວພັນເຖິງເກາະຕ້ຽວອີຢູ່ທີ່ງານຖະແຫຼງຂ່າວຂອງສະມັດຊາໃຫຍ່ສະຫະປະຊາຊາດ.ທ່ານຊິນກ່າງກ່າວວ່າ, ຈີນສະແດງຄວາມບໍ່ພໍໃຈທີ່ສຸດແລະຄັດຄ້ານຢ່າງເດັດດ່ຽວຕໍ່ຜູ້ນຳຍີ່ປຸ່ນທີ່ຍັງຍຶດໝັ້ນຈຸດຢືນອັນຜິດພາດໃນບັນຫາເກາະຕ້ຽວອີຢ່າງບໍ່ປ່ຽນແປງ.
ວັນທີ26ກັນຍານີ້,ທ່ານໂນດະ ໂຢຊີຮິໂກະ ນາຍົກລັດຖະມົນຕີຍີ່ປຸ່ນໄດ້ກ່າວຢູ່ທີ່ງານຖະແຫຼງຂ່າວທີ່ຈັດຂຶ້ນພາຍຫຼັງກ່າວຄຳປາໄສຢູ່ທີ່ສະມັດຊາໃຫຍ່ສະຫະປະຊາຊາດວ່າ:ບໍ່ວ່າອີງຕາມປະຫວັດສາດຫຼືກົດໝາຍສາກົນ,ເກາະຕ້ຽວອີລ້ວນແຕ່ແມ່ນດິນແດນຂອງຍີ່ປຸ່ນ,ບໍ່ມີບັນຫາຄວາມຂັດແຍ່ງໃນເລື່ອງນີ້.ຍີ່ປຸ່ນຈະບໍ່ມີການປະນິປະນອມທີ່ຝ່າຝືນຈຸດຢືນດັ່ງກ່າວ.
ກ່ຽວກັບເລື່ອງນີ້,ທ່ານຊິນກ່າງກ່າວວ່າ:ເກາະຕ້ຽວອີແມ່ນດິນແດນຂອງຈີນມາຕັ້ງແຕ່ບູຮານນະການ,ຈີນມີຫຼັກຖານອ້າງອີງໃນດ້ານປະຫວັດສາດແລະກົດໝາຍຢ່າງຄົບຖ້ວນ.ຈຸດຢືນແລະການກະທຳຂອງຍີ່ປຸ່ນໃນບັນຫາເກາະຕ້ຽວອີໄດ້ລະເມີດວັດຖຸປະສົງແລະຫຼັກການຂອງກົດບັດສະຫະປະຊາຊາດ,ເວົ້າໃນທາດແທ້ແລ້ວ,ຍີ່ປຸ່ນບໍ່ໄດ້ສຳຫຼວດຄືນແລະຮັບຜິດຊອບຢ່າງຈິງຈັງຕໍ່ປະຫວັດການຮຸກຮານຂອງລັດທິລັດຖະທະຫານຍີ່ປຸ່ນ,ຍີ່ປຸ່ນມີເຈດຕະນາປະຕິເສດໝາກຜົນແຫ່ງໄຊຊະນະໃນສົງຄາມໂລກຕ້ານຟັດຊິດ,ທ້າທາຍລະບຽບການສາກົນຫຼັງສົງຄາມໂລກຕັ້ງທີສອງ.ລັດຖະບານແລະປະຊາຊົນຈີນມີຄວາມຕັ້ງໃຈແລະຄວາມຕັດສິນໃຈຢ່າງໝັ້ນໜຽວບໍ່ປ່ຽນແປງໃນການປົກປ້ອງຜືນແຜ່ນດິນອັນຄົບຖ້ວນແລະສິດອຳນາດອະທິປະໄຕຂອງຊາດ.ບໍ່ວ່າອີງຕາມປະຫວັດສາດຫຼືກົດໝາຍສາກົນ,ຍີ່ປຸ່ນລ້ວນແຕ່ຄວນຢຸດຕິທຸກການກະທຳທີ່ທຳລາຍຜືນແຜ່ນດິນແລະສິດອຳນາດອະທິປະໄຕຂອງຈີນ,ແຕ່ບໍ່ແມ່ນກະທຳຜິດແລ້ວຜິດອີກແລະຫຼອກລວງຊາວໂລກ.
ວັນທີ26ກັນຍານີ້,ທ່ານໂນດະ ໂຢຊີຮິໂກະ ນາຍົກລັດຖະມົນຕີຍີ່ປຸ່ນໄດ້ກ່າວຢູ່ທີ່ງານຖະແຫຼງຂ່າວທີ່ຈັດຂຶ້ນພາຍຫຼັງກ່າວຄຳປາໄສຢູ່ທີ່ສະມັດຊາໃຫຍ່ສະຫະປະຊາຊາດວ່າ:ບໍ່ວ່າອີງຕາມປະຫວັດສາດຫຼືກົດໝາຍສາກົນ,ເກາະຕ້ຽວອີລ້ວນແຕ່ແມ່ນດິນແດນຂອງຍີ່ປຸ່ນ,ບໍ່ມີບັນຫາຄວາມຂັດແຍ່ງໃນເລື່ອງນີ້.ຍີ່ປຸ່ນຈະບໍ່ມີການປະນິປະນອມທີ່ຝ່າຝືນຈຸດຢືນດັ່ງກ່າວ.
ກ່ຽວກັບເລື່ອງນີ້,ທ່ານຊິນກ່າງກ່າວວ່າ:ເກາະຕ້ຽວອີແມ່ນດິນແດນຂອງຈີນມາຕັ້ງແຕ່ບູຮານນະການ,ຈີນມີຫຼັກຖານອ້າງອີງໃນດ້ານປະຫວັດສາດແລະກົດໝາຍຢ່າງຄົບຖ້ວນ.ຈຸດຢືນແລະການກະທຳຂອງຍີ່ປຸ່ນໃນບັນຫາເກາະຕ້ຽວອີໄດ້ລະເມີດວັດຖຸປະສົງແລະຫຼັກການຂອງກົດບັດສະຫະປະຊາຊາດ,ເວົ້າໃນທາດແທ້ແລ້ວ,ຍີ່ປຸ່ນບໍ່ໄດ້ສຳຫຼວດຄືນແລະຮັບຜິດຊອບຢ່າງຈິງຈັງຕໍ່ປະຫວັດການຮຸກຮານຂອງລັດທິລັດຖະທະຫານຍີ່ປຸ່ນ,ຍີ່ປຸ່ນມີເຈດຕະນາປະຕິເສດໝາກຜົນແຫ່ງໄຊຊະນະໃນສົງຄາມໂລກຕ້ານຟັດຊິດ,ທ້າທາຍລະບຽບການສາກົນຫຼັງສົງຄາມໂລກຕັ້ງທີສອງ.ລັດຖະບານແລະປະຊາຊົນຈີນມີຄວາມຕັ້ງໃຈແລະຄວາມຕັດສິນໃຈຢ່າງໝັ້ນໜຽວບໍ່ປ່ຽນແປງໃນການປົກປ້ອງຜືນແຜ່ນດິນອັນຄົບຖ້ວນແລະສິດອຳນາດອະທິປະໄຕຂອງຊາດ.ບໍ່ວ່າອີງຕາມປະຫວັດສາດຫຼືກົດໝາຍສາກົນ,ຍີ່ປຸ່ນລ້ວນແຕ່ຄວນຢຸດຕິທຸກການກະທຳທີ່ທຳລາຍຜືນແຜ່ນດິນແລະສິດອຳນາດອະທິປະໄຕຂອງຈີນ,ແຕ່ບໍ່ແມ່ນກະທຳຜິດແລ້ວຜິດອີກແລະຫຼອກລວງຊາວໂລກ.
