ກະຊວງການຕ່າງປະເທດຈີນກ່າວຕອບໂຕ້ຄຳປາໄສທີ່ນາຍົກລັດຖະມົນຕີຍີ່ປຸ່ນກ່າວຢູ່ທີ່ສະມັດຊາໃຫຍ່ອົງການສະຫະປະຊາຊາດວ່າເປັນການປະຕິເສດຢ່າງສິ້ນເຊີງຕໍ່ຜົນໄດ້ຮັບຂອງສົງຄາມໂລກຄັ້ງທີ2
(GMT+08:00) 2012-09-27 13:21:40 cri
ໃນເວລາກ່າວຄຳປາໄສຢູ່ທີ່ສະມັດຊາໃຫຍ່ອົງການສະຫະປະຊາຊາດ,ທ່ານໂນດະ ໂຢຊິຮິໂກະ ນາຍົກລັດຖະມົນຕີຍີ່ປຸ່ນໄດ້ກ່າວວ່າຄວນອີງຕາມລະບຽບກົດໝາຍສາກົນໃນການແກ້ໄຂບັນຫາກ່ຽວກັບສິດອຳນາດອະທິປະໄຕເໜືອດິນແດນທີ່ມີຄວາມຂັດແຍ່ງກັນ.ກ່ຽວກັບເລື່ອງນີ້,ທ່ານຊິນກ່າງ ໂຄສົກກະຊວງການຕ່າງປະເທດຈີນໄດ້ຕອບໂຕ້ວ່າ,ບາງປະເທດໄດ້ປະຕິເສດຢ່າງສິ້ນເຊີງບໍ່ຍອມຮັບໝາກຜົນແຫ່ງໄຊຊະນະໃນສົງຄາມໂລກຕໍ່ຕ້ານຟັດຊິດ,ແຕ່ຊ້ຳພັດມີເຈດຕະນາຖືລະບຽບກົດໝາຍສາກົນເປັນສິ່ງບັງໜ້າ,ນີ້ເປັນການກະທຳທີ່ຝືນຕໍ່ຄວາມເປັນຈິງ.ທ່ານຊິນກ່າງກ່າວເນັ້ນວ່າ:ປະເທດທີ່ກ່ຽວຂ້ອງຕ້ອງປະຕິບັດຕໍ່ປະຫວັດສາດຢ່າງຖືກຕ້ອງ,ຢຸດຕິທຸກໆການກະທຳທີ່ລ່ວງລ້ຳຜືນແຜ່ນດິນແລະສິດອຳນາດອະທິປະໄຕຂອງປະເທດອື່ນ.
ທ່ານຊິນກ່າງວ່າ:ຄວນແກ້ໄຂບັນຫາສິດອຳນາດອະທິປະໄຕເໜືອດິນແດນທີ່ມີຄວາມຂັດແຍ່ງກັນຕາມຫຼັກອ້າງອີງທາງປະຫວັດສາດແລະກົດໝາຍ.ບາງປະເທດບໍ່ສົນໃຈນຳຄວາມເປັນຈິງໃນປະຫວັດສາດແລະກົດໝາຍສາກົນ,ລ່ວງລ້ຳຜືນແຜ່ນດິນແລະສິດອຳນາດອະທິປະໄຕຂອງປະເທດອື່ນຢ່າງເປີດແປນ,ປະຕິເສດໝາກຜົນແຫ່ງໄຊຊະນະໃນສົງຄາມໂລກຕໍ່ຕ້ານຟັດຊິດ,ທ້າທາຍຕໍ່ລະບຽບການສາກົນຫຼັງສົງຄາມໂລກຄັ້ງທີ2ຢ່າງຮ້າຍແຮງ,ແຕ່ຊ້ຳພັດຖືລະບຽບກົດໝາຍສາກົນເປັນສິ່ງບັງໜ້າ,ນີ້ເປັນການກະທຳທີ່ໄດ້ຝືນຕໍ່ຄວາມເປັນຈິງຂອງປະຫວັດສາດ.ປະເທດທີ່ກ່ຽວຂ້ອງຕ້ອງປະຕິບັດຕໍ່ປະຫວັດສາດຢ່າງຖືກຕ້ອງ,ເຄົາລົບປະຕິບັດກົດໝາຍສາກົນຢ່າງແທ້ຈິງ,ຢຸດຕິທຸກໆການກະທຳທີ່ທຳລາຍຜືນແຜ່ນດິນແລະສິດອຳນາດອະທິປະໄຕຂອງປະເທດອື່ນໆ.
ທ່ານຊິນກ່າງວ່າ:ຄວນແກ້ໄຂບັນຫາສິດອຳນາດອະທິປະໄຕເໜືອດິນແດນທີ່ມີຄວາມຂັດແຍ່ງກັນຕາມຫຼັກອ້າງອີງທາງປະຫວັດສາດແລະກົດໝາຍ.ບາງປະເທດບໍ່ສົນໃຈນຳຄວາມເປັນຈິງໃນປະຫວັດສາດແລະກົດໝາຍສາກົນ,ລ່ວງລ້ຳຜືນແຜ່ນດິນແລະສິດອຳນາດອະທິປະໄຕຂອງປະເທດອື່ນຢ່າງເປີດແປນ,ປະຕິເສດໝາກຜົນແຫ່ງໄຊຊະນະໃນສົງຄາມໂລກຕໍ່ຕ້ານຟັດຊິດ,ທ້າທາຍຕໍ່ລະບຽບການສາກົນຫຼັງສົງຄາມໂລກຄັ້ງທີ2ຢ່າງຮ້າຍແຮງ,ແຕ່ຊ້ຳພັດຖືລະບຽບກົດໝາຍສາກົນເປັນສິ່ງບັງໜ້າ,ນີ້ເປັນການກະທຳທີ່ໄດ້ຝືນຕໍ່ຄວາມເປັນຈິງຂອງປະຫວັດສາດ.ປະເທດທີ່ກ່ຽວຂ້ອງຕ້ອງປະຕິບັດຕໍ່ປະຫວັດສາດຢ່າງຖືກຕ້ອງ,ເຄົາລົບປະຕິບັດກົດໝາຍສາກົນຢ່າງແທ້ຈິງ,ຢຸດຕິທຸກໆການກະທຳທີ່ທຳລາຍຜືນແຜ່ນດິນແລະສິດອຳນາດອະທິປະໄຕຂອງປະເທດອື່ນໆ.
