ສື່ມວນຊົນຍີ່ປຸ່ນເປີດເຜີຍຂະບວນການ ອາເມລິກາມອບສິດຄຸ້ມຄອງເກາະຕ້ຽວອີໃຫ້ຍີ່ປຸ່ນໂດຍທາງລັບ
(GMT+08:00) 2012-10-02 14:10:56 cri
ຫນັງສືພິມອາຊາຮີຊິມບຸນຂອງຍີ່ປຸ່ນສະບັບວັນທີ 30 ກັນຍາແລ້ວນີ້ໄດ້ເປີດເຜີຍເອກະສານລັບຂອງອາເມລິກາສອງສະບັບ, ໄດ້ຢືນຢັນວ່າ, ອາເມລິກາມອບສິດຄຸ້ມຄອງເກາະຕ້ຽວອີໃຫ້ຍີ່ປຸ່ນແມ່ນການກະທຳໂດຍທາງລັບທີ່ລະເມີດກົດຫມາຍສາກົນ.
ຂ່າວແຈ້ງວ່າ, ເອກະສານສອງສະບັບດັ່ງກ່າວແມ່ນບົດລາຍງານກ່ຽວກັບນ້ຳມັນເຊື້ອໄຟທີ່ຢູ່ທະເລໃນບໍລິເວນເກາະຕ້ຽວອີແລະຄວາມຂັດແຍ່ງກັນດ້ານອະທິປະໄຕຕໍ່ເກາະຕ້ຽວອີທີ່ກົມຂ່າວກອງສູນກາງອາເມລິກາຫລື CIA ກ່ອນອາເມລິກາກັບຍີ່ປຸ່ນເຊັນສັນຍາກ່ຽວກັບອາເມລິກາມອບໂອກີນາວາຄືນໃຫ້ຍີ່ປຸ່ນໃນວັນທີ 17 ມິຖຸນາ 1971.ໃນເວລານັ້ນ, ອາເມລິກາກັບຍີ່ປຸ່ນເອົາເກາະຕ້ຽວອີເປັນເງື່ອນໄຂໃນການເຊັນສັນຍາດັ່ງກ່າວ, ຍ້ອນຖືກແຜ່ນດິນໃຫຍ່ຈີນແລະໄຕ້ຫວັນຄັດຄ້ານ, ຢູ່ພາຍໃນລັດຖະບານອາເມລິກາເຄີຍມີຄວາມລັງເລໃຈແລະການຖົກຖຽງກັນກ່ຽວກັບເລື່ອງນີ້, ແຕ່ໃນທີ່ສຸດບໍ່ໄດ້ຂັດຂວາງການກະທຳທີ່ລະເມີດກົດຫມາຍສາກົນດັງກ່າວ.ທ່ານກີຊິງເກີ, ລັດຖະມົນຕີວ່າການກະຊວງການຕ່າງປະເທດອາເມລິກາໃນເວລານັ້ນໄດ້ຕົກລົງຫລັກຫມັ້ນທີ່ວ່າເອົາສິດຄຸ້ມຄອງໃຫ້ຜູ່ໃດບໍ່ຫມາຍຄວາມວ່າອະທິປະໄຕແມ່ນຂຶ້ນກັບຜູ່ນັ້ນ,ເຊິ່ງຫລັກຫມັ້ນຂອງອາເມລິການີ້ໄດ້ສືບທອດຈົນມາຮອດປັດຈຸບັນ.
