ນາຍົກຍີ່ປຸ່ນປັບປຸງຄະນະລັດຖະບານເທື່ອໃຫມ່ແມ່ນຍາກທີ່ຈະຫລຸດພົ້ນອອກຈາກຄວາມຫຍຸ້ງຍາກທັງພາຍໃນປະເທດແລະຕ່າງປະເທດ
(GMT+08:00) 2012-10-02 15:02:51 cri
ວັນທີ 1 ຕຸລາ 2012, ທ່ານໂນດາ ໂຢຊີຮີໂກ, ນາຍົກລັດຖະມົນຕີຍີ່ປຸ່ນໄດ້ສ້າງຕັ້ງຄະນະລັດຖະບານຊຸດທີສາມນັບແຕ່ທ່ານດຳລົງຕຳແຫນ່ງນາ ຍົກລັດຖະມົນຕີໃນປີກາຍນີ້ມາ. ນາງຕານາກາ ມາກີໂກ ທີ່ຄັດຄ້ານໃຫ້ເກາະຕ້ຽວອີເປັນຂອງລັດ, ລູກສາວຂອງທ່ານຕານາກາ ຄາຄູເອອີ,ອະດີດນາຍົກລັດຖະມົນຕີຍີ່ປຸ່ນເຂົ້າເປັນສະມາຊິກລັດຖະບານຊຸດນີ້ເຮັດໃຫ້ຄົນທັງຫລາຍໃຫ້ຄວາມສົນໃຈຫລາຍ.ແຕ່ໃນກອງປະຊຸມຂ່າວທີ່ຈັດຂຶ້ນຕາມຫລັງນັ້ນ, ທ່ານໂນດາຍັງຍຶດຫມັ້ນຫລັກຫມັ້ນອັນຜິດພາດ, ກ່າວວ່າເກາະຕ້ຽວອີບໍ່ມີບັນຫາດ້ານອະທິປະໄຕ.ຫາງສຽງເຫັນໂດຍທົ່ວໄປວ່າ, ທ່ານໂນດາປັບປຸງຄະນະລັດຖະບານບໍ່ພຽງແຕ່ບໍ່ມີຜົນດີຕໍ່ການປັບປຸງການພົວພັນລະຫວ່າງຈີນກັບຍີ່ປຸ່ນໃຫ້ດີຂຶ້ນທໍ່ນັ້ນ, ຍັງຍາກທີ່ຈະປ່ຽນແປງສະພາບຊຸດໂຊມຂອງພັກປະຊາທິປະໄຕໃນການເລືອກຕັ້ງທົ່ວໄປໃນຕໍ່ຫນ້ານີ້.
ໃນການປັບປຸງຄະນະລັດຖະບານເທື່ອນີ້, ທ່ານໂນດາໄດ້ປ່ຽນສະມາຊິກຄະນະລັດຖະບານ 10 ທ່ານເຊັ່ນວ່າລັດຖະມົນຕີວ່າການກະຊວງການເງິນ,ແລະໄດ້ສືບຕໍ່ໃຊ້ລັດຖະມົນຕີເກົ່າ 8 ທ່ານເຊັ່ນ:ທ່ານຄາຊືຢາ ໂອກາຕາ,ຮອງນາຍົກລັດຖະມົນຕີທັງເປັນລັດຖະມົນຕີທີ່ຮັບຜິດຊອບການປະຕິຮູບການປະກັນສັງຄົມແລະໂຄງປະກອບພາສີອາກອນເປັນອັນຫນຶ່ງອັນດຽວກັນແລະການປະຕິຣູບການບໍລິຫານແລະທ່ານອື່ນໆ.ການກະທຳຂອງທ່ານໂນດາແມ່ນເພື່ອຮັບມືກັບສິ່ງທ້າທາຍຕ່າງໆຢູ່ພາຍໃນປະເທດແລະການຕ່າງປະເທດ. ໃນດ້ານວຽກງານພາຍໃນປະເທດ, ພັກທີ່ບໍ່ກຳອຳນາດໄດ້ເພີ່ມທະວີການຕໍ່ຕ້ານກັບທ່ານໂນດາ, ບີບບັງຄັບໃຫ້ທ່ານໂນດາຍຸບສະພາຕ່ຳໂດຍໄວ, ຈັດການເລືອກຕັ້ງທົ່ວໄປກ່ອນເວລາກຳນົດ.ໃນດ້ານການຕ່າງປະເທດ, ຍ້ອນອຳນາດການປົກຄອງ ໂນດາບໍ່ຍອມຮັບເລື່ອງຈິງດ້ານປະຫວັດສາດ,ເຮັດໃຫ້ການພົວພັນລະຫວ່າງຍີ່ປຸ່ນກັບຈີນແລະກັບສ.ເກົາຫລີຊຸດຮ້າຍລົງເລື້ອຍໆ.ນັກວິເຄາະເຫັນວ່າ, ໃຕ້ສະພາບທີ່ວຽກງານພາຍໃນປະເທດແລະວຽກການຕ່າງປະເທດເກີດມີຄວາມຫຍຸ້ງຍາກປານນີ້, ທ່ານໂນດາໄດ້ສຳນຶກຮູ້ວ່າພັກປະຊາທິປະໄຕອາດຈະບໍ່ສາມາດກຳອຳນາດຕໍ່ໄປໄດ້,ສະນັ້ນ,ຈິ່ງປັບປຸງຄະນະລັດຖະບານຊຸດໃຫມ່,ຫາງສຽງຖືການປັບປຸງໃຫມ່ຂອງທ່ານໂນດາເປັນຄະນະລັດຖະບານຊຸດໃຫມ່ທີ່ຈະລາ ເນື່ອງໃນໂອກາດທີ່ຈີນກັບຍີປຸ່ນມີຄວາມຂັດແຍ່ງກັນກ່ຽວກັບບັນຫາເກາະຕ້ຽວອີ, ທ່ານໂນດາໃຫ້ນາງຕານາກາ ມາກີໂກເຂົ້າເປັນສະມາຊິກລັດຖະບານແມ່ນເພື່ອຢາກນຳໃຊ້ການພົວພັນມິດຕະພາບກັບຜູ່ນຳຈີນຂອງນາງ,ສ້າງຊ່ອງທາງທີ່ທຳຄວາມເຂົ້າໃຈກັບຂັ້ນສູງຂອງຈີນໂດຍກົງ.ແຕ່ນັກວິເຄາະກໍ່ເຫັນວ່າ, ການຈັດຕັ້ງໃນຄະນະລັດຖະບານຂອງທ່ານໂນດາທີ່ແຂງຕົວນັ້ນກໍ່ສະແດງໃຫ້ເຫັນວ່າ,ພຽງແຕ່ ນາງຕານາກາ ມາກີໂກຄົນດຽວແມນບໍ່ສາມາດປ່ຽນແປງນະໂຍບາຍຕໍ່ຈີນຂອງທ່ານໂນດາໄດ້.
ນອກນີ້,ໃນຫນຶ່ງປີທີ່ທ່ານໂນດາກຳອຳນາດເປັນຕົ້ນມາ, ທີ່ນັ່ງຂອງພັກປະຊາທິປະໄຕໃນສະພາຕ່ຳໄດ້ຈາກ 300 ກວ່າທີ່ນັ່ງຫລຸດຫນ້ອຍເປັນ 247 ທີ່ນັ່ງ, ປັດຈຸບັນມີອີກ 3 ຄົນສະເຫນີວ່າຖອນຕົວອອກຈາກພັກປະຊາທິປະໄຕ, ໃນຕໍ່ຫນ້ານີ້ຖ້າມີອີກ 6 ຄົນຖອນຕົວອອກຈາກພັກ,ພັກປະຊາທິປະໄຕກໍ່ຈະເສຍທ່າແຮງທີ່ຍຶດເອົາທີ່ນັ່ງກວມເຄິ່ງຫນຶ່ງໃນສະພາຕ່ຳ. ນັກວິເຄາະເຫນວ່າ, ທ່ານໂນດາອາດຈະບໍ່ມີວິທີຫຍັງອີກແລ້ວໃນດ້ານການຮັບມືກັບການຕໍ່ຕ້ານຂອງພັກທີ່ບໍ່ກຳອຳນາດ.
