ກອງປະຊຸມອາແຊັບ 7 ໄຂຂຶ້ນຢູ່ນະຄອນຫລວງວຽງຈັນ
(ທ່ານທອງສິງ ທຳມະວົງກ່າວຄຳປາໃສໃນກອງປະຊຸມອາແຊັບ)
ຕອນເຊົ້າວັນທີ 3 ຕຸລານີ້, ກອງປະຊຸມການເປັນຄູ່ຮ່ວມລັດຖະສະພາອາຊີເອີລົບຄັ້ງທີ 7 ຫລື(ອາແຊັບ ASEP )ທີ່ຈະດຳເນີນເປັນເວລາ 2 ວັນນັ້ນໄດ້ໄຂຂຶ້ນຢູ່ນະຄອນຫລວງວຽງຈັນຂອງສປປລາວ. ຜູ່ຕາງຫນ້າຂອງ 43 ສະມາຊິກຈາກ 15 ປະເທດອາຊີ, 27 ປະເທດເອີລົບແລະສະພາເອີລົບ,ພ້ອມກັບ 7 ປະເທດສັງເກດການແລະຜູ່ຕາງຫນ້າຂອງ 6 ອົງການຈັດຕັ້ງສາກົນໄດ້ເຂົ້າຮ່ວມກອງປະຊຸມ.ກອງປະຊຸມຍັງປະກາດວ່າຮັບເອົາອົສຕຼາລີ, ຣັດເຊຍ,ມຽນມາແລະນູແວນເຊລັງເປັນສະມາຊິກ ຂອງກອງປະຊຸມ.
ຫົວຂໍ້ຂອງກອງປະຊຸມເທື່ອນີ້ແມ່ນ: ການເປັນຄູ່ຮ່ວມລັດຖະສະພາອາຊີເອີລົບເພື່ອການພັດທະນາແບບຍືນຍົງ, ຈະຫາລືແລະຄົ້ນຄວ້າກ່ຽວກັບບັນ ຫາຕ່າງໆເຊັ່ນ:ຄວາມປອດໄພດ້ານອາຫານ, ການຄຸ້ມຄອງຫນີ້ສິນພາກສາທາລະ ນະ, ການຄຸ້ມຄອງຊັບພະຍາກອນທຳມະຊາດ, ການທ່ອງທ່ຽວ, ການຄູ້ມ ຄອງໄພພິບັດ, ເພີ່ມທະວີການຮ່ວມມື,ແລະພັດທະນາຊັບພະຍາກອນມະນຸດ.
ທ່ານນາງປານີ ຢາທໍຕູ້, ປະທານສະພາແຫ່ງຊາດ,ແລະທ່ານທອງສິງ ທຳມະວົງ ນາຍົກລັດຖະມົນຕີສປປລາວໄດ້ກ່າວຄຳປາໃສໃນພິທີໄຂໂດຍເຊື່ອວ່າກອງປະຊຸມເທື່ອນີ້ຈະສາມາດຕອບສະຫນອງຄວາມປາຖະຫນາຂອງປະຊາຊົນອາຊີເອີລົບທີ່ຢາກເພີ່ມທະວີການຮ່ວມມື, ແລະຊອກພົບເສັ້ນທາງໃຫມ່ທີ່ຮັບມືກັບສິ່ງທ້າທາຍໃນປັດຈຸບັນກໍ່ຄືອະນາຄົດ.
ກອງປະຊຸມການເປັນຄູ່ຮ່ວມລັດຖະສະພາອາຊີເອີລົບແມ່ນເວທີປຶກສາຫາລືລະຫວ່າງລັດຖະສະພາທີ່ບໍ່ເປັນທາງການ, ປະກອບດ້ວຍສະພາປະເທດສະມາຊິກຂອງກອງປະຊຸມສອດຍອດອາເຊັມແລະສະພາເອີລົບ.ຈຸດ ປະສົງຂອງກອງປະຊຸມອາແຊັບແມ່ນເພື່ອຜ່ານການເພີ່ມທະວີການສົນ ທະນາກັນໃນສະພາສະມາຊິກຂອງກອງປະຊຸມສຸດຍອດອາເຊັມ, ເພີ່ມຄວາມເຂົ້າໃຈກັນລະຫວ່າງປະຊາຊົນອາຊີເອີລົບ,ຊຸກຍູ້ຂະບວນວິວັດຂອງກອງປະຊຸມສຸດຍອດອາເຊັມ.
