ອາເຊັບ 7 ຣັບເອົາສະມາຊິກໃໝ່ 4 ປະເທດ
(GMT+08:00) 2012-10-03 16:55:42 cri
ຕາມຂ່າວ CRI : ຕອນບ່າຍມື້ນີ( 3 ຕຸລາ2012), ກອງປະຊຸມການເປັນຄູ່ຮ່ວມ ລັດຖະສະພາອາຊີເອີລົບຄັ້ງທີ 7 ຫລື ອາເຊັບ 7 ທີ່ນະຄອນຫລວງວຽງຈັນໄດ້ສືບຕໍ່ດຳເນີນກອງປະຊຸມຄົບຄະນະ, ໂດຍການເປັນປະທານຂອງທ່ານນາງປານີ ຢາທໍ່ຕູ້ ປະທານກອງປະຊຸມ, ປະທານສະພາແຫ່ງຊາດລາວ, ມີບັນດາຫົວໜ້າ ຄະນະຜູ້ແທນປະເທດສະມາຊິກແລະແຂກຖືກເຊີນເຂົ້າຮ່ວມ.
ການດຳເນີນກອງປະຊຸມໃນຕອນບ່າຍຂອງມື້ນີ້ໄດ້ສືບຕໍ່ຮັບຟັງການປະກອບຄຳເຫັນຂອງຫົວໜ້າຄະນະຜູ້ແທນແຕ່ລະປະເທດ, ພິເສດໃນກອງປະຊຸມໄດ້ຮັບເອົາປະເທດສະມາຊິກຄູ່ຮ່ວມລັດຖະສະພາອາຊີ-ເອີລົບຊຸດໃໝ່ 4 ປະເທດຄື: ມຽນມາ, ອົດສະຕາລີ, ລັດເຊຍແລະນິວຊີແລນ, ເຊິ່ງເພີ່ມຈາກ 43 ປະເທດໃນກອງປະຊຸມອາເຊັບ6ທີ່ນະຄອນຄອນຫລວງບຼຸກແຊນຂອງແບນຊິກ ມາເປັນ 47 ປະເທດໃນປັດຈຸບັນ, ພິທີຮັບເອົາສະມາຊິກໃໝ່ໄດ້ເລີ່ມຈາກການເຄື່ອນຍ້າຍທຸງຊາດແລະຕິດຕາມດ້ວຍຄະນະຜູ້ແທນພ້ອງທັງການບັນເລງເພງຊາດຂອງປະເທດສະມາຊິກໃໝ່.
