ຈີນໃຫ້ວຽກງານສະບຽງອາຫານແລະການຄໍ້າປະກັນຄວາມພຽງພໍຢູ່ບຸລິມະສິດລະດັບຊາດ
(GMT+08:00) 2012-10-04 14:23:43 cri
ຕາມຂ່າວ CRI: ວັນທີ 3 ຕຸລານີ້, ໃນເວລາການດຳເນີນກອງປະຊຸມຄູ່ຮ່ວມລັດຖະສະພາອາຊີເອີລົບຄັ້ງ7 ຫລືອາເຊັບ 7 ທີ່ນະຄອນຫລວງວຽງຈັນ. ທ່ານ ຊັງຊຽວຊັນ ສະມາຊິກກຳມະການວຽກງານຊົນນະບົດແລະກະຊິກຳ, ສະພາປະຊາຊົນແຫ່ງຊາດຈີນໄດ້ປະກອບຄຳເຫັນຕໍ່ກອງປະຊຸມກ່ຽວກັບການຮັບປະກັນທາງດ້ານສະບຽງອາຫານ, ທ່ານກ່າວວ່າ: ປະເທດຈີນຍາມໃດກໍໃຫ້ບູລິມະສິດສູງສຸດຕໍ່ວຽກງານກະສິກຳ, ໂດຍສະເພາະວຽກງານສະບຽງອາຫານແລະການຄ້ຳປະກັນຄວາມພຽງພໍໃນການສະໜອງສະບຽງອາຫານໃຫ້ແກ່ປະຊາຊົນ 1 ຕື້ 300 ລ້ານກວ່າຄົນ ຊຶ່ງຈັດຢູ່ໃນບູລິມະສິດລະດັບສູງໃນວາລະການດຳເນີນງານລະດັບຊາດ, ລັດຖະບານຈີນພະຍາຍາມສຸດຄວາມສາມາດເພື່ອສ້າງຄວາມເຂັ້ມແຂງໃຫ້ແກ່ວຽກງານກະສິກຳ ເພື່ອເປັນພື້ນຖານທາງດ້ານເສດຖະກິດໂດຍຜ່ານການປະຕິຮູບແລະປະຕິບັດຕາມນະໂຍບາຍທີ່ສ່ວນໃຫຍ່ອິງໃສ່ການສະໜອງສະ ບຽງອາຫານຈາກຜົນຜະລິດພາຍໃນປະເທດ, ຮັບປະກັນໃຫ້ແກ່ການກຸ້ມຕົນເອງໂດຍພື້ນຖານແລະຮັບປະກັນຄວາມດຸ່ນດ່ຽງລະຫວ່າງຄວາມຕ້ອງການແລະຄວາມສາມາດຕອບສະໜອງໂດຍຜ່ານການນຳເຂົ້າແລະສົ່ງອອກ, ບາດກ້າວການ ພະຍາຍາມຄືດັ່ງກ່າວນັ້ນໄດ້ເຮັດໃຫ້ປະເທດຈີນກ້າວໄປສູ່ເສັ້ນທາງກະສິກຳທີ່ທັນສະໄໝຕາມຮູບແບບຂອງຈີນ.
ທ່ານກ່າວອີກວ່າ: ຈີນສາມາດບັນລຸຜົນສຳເລັດຈາກການປ່ຽນແປງຄັ້ງປະຫວັດສາດຈາກສະພາບທີ່ບໍ່ສາມາດຕອບສະໜອງສະບຽງອາຫານແລະເຄື່ອງ ນຸງຖືໃຫ້ປະຊາຊົນຢ່າງພຽງພໍມາສູ່ສະພາບທີ່ມີຄວາມກ້າວໜ້າລະດັບກາງ ຊຶ່ງສາ ມາດບັນລຸເປົ້າໝາຍການຫລຸດຜ່ອນຄວາມທຸກຍາກທີ່ກຳນົດໃນເປົ້າໝາຍສະຫະສະວັດການພັດທະນາຂອງອົງການສະຫະປະຊາຊາດກ່ອນເວລາກຳນົດ. ສິ່ງດັ່ງກ່າວແມ່ນການປະກອບສ່ວນຢ່າງໃຫ່ຍຫລວງຂອງປະຊາຊົນຈີນເຂົ້າໃນການຄ້ຳປະກັນສະບຽງອາຫານໃຫ້ປະຊາກອນໂລກ, ສົ່ງເສີມຂະບວນການຕ້ານຄວາມທຸກຍາກແລະສົ່ງເສີມການພັດທະນາແບບຍືຍຍົງ.
ທ່ານກ່າວອີກວ່າ: ຈີນສາມາດບັນລຸຜົນສຳເລັດຈາກການປ່ຽນແປງຄັ້ງປະຫວັດສາດຈາກສະພາບທີ່ບໍ່ສາມາດຕອບສະໜອງສະບຽງອາຫານແລະເຄື່ອງ ນຸງຖືໃຫ້ປະຊາຊົນຢ່າງພຽງພໍມາສູ່ສະພາບທີ່ມີຄວາມກ້າວໜ້າລະດັບກາງ ຊຶ່ງສາ ມາດບັນລຸເປົ້າໝາຍການຫລຸດຜ່ອນຄວາມທຸກຍາກທີ່ກຳນົດໃນເປົ້າໝາຍສະຫະສະວັດການພັດທະນາຂອງອົງການສະຫະປະຊາຊາດກ່ອນເວລາກຳນົດ. ສິ່ງດັ່ງກ່າວແມ່ນການປະກອບສ່ວນຢ່າງໃຫ່ຍຫລວງຂອງປະຊາຊົນຈີນເຂົ້າໃນການຄ້ຳປະກັນສະບຽງອາຫານໃຫ້ປະຊາກອນໂລກ, ສົ່ງເສີມຂະບວນການຕ້ານຄວາມທຸກຍາກແລະສົ່ງເສີມການພັດທະນາແບບຍືຍຍົງ.
