ເອກອັກຄະລັດຖະທູດຈີນປະຈຳອັງກິດຂຽນບົດຄວາມລົງໜັງສືພິມອັງກິດໂດຍຊີ້ໃຫ້ເຫັນຈຸດຢືນຂອງຈີນໃນບັນຫາເກາະຕ້ຽວອີ
(GMT+08:00) 2012-10-05 17:24:39 cri
ວັນທີ 3 ຕຸລານີ້,ທ່ານລິວສຽວມິງ,ເອກອັກຄະລັດຖະທູດຈີນປະຈຳອັງກິດໄດ້ຂຽນບົດຄວາມທີ່ມີຫົວຂໍ້ວ່າ《ປະຫວັດສາດແມ່ນໂຄ່ນລົ້ມບໍ່ໄດ້》ລົງໃສ່ໜັງສືພິມ《ເທລີກຼາຟລາຍວັນ》ຂອງອັງກິດ,ໂດຍໄດ້ຊີ້ໃຫ້ເຫັນຈຸດຢືນຂອງຈີນໃນບັນຫາເກາະຕ້ຽວອີ.ທ່ານລິວສຽວມິງຊີ້ອອກວ່າ,ປີນີ້,ຍີ່ປຸ່ນໄດ້ກໍ່ເຫດການເລື້ອຍໆໃນບັນຫາເກາະຕ້ຽວອີ,ບໍ່ເອົາຫົວຊາຕໍ່ຈຸດຢືນຂອງຈີນແລະອາລົມຈິດໃຈຂອງປະຊາຊົນຈີນ,ໄດ້ປະຕິບັດແຜນການຊື້ເກາະຕ້ຽວອີໃນທີ່ສຸດ,ແລ້ວໄດ້ກ່າວຖ້ອຍຄວາມທີ່ຜິດພາດຕ່າງໆກ່ຽວກັບການຊື້ເກາະ,ເຈດຕະນາຢາກຫຼອກຫູລວງຕາປະຊາຊົນແລະປິດບັງຄວາມຈິງ.ອັນທີ່ວ່າ"ຊື້ເກາະ"ຂອງລັດຖະບານຍີ່ປຸ່ນແມ່ນຜິດກົດໝາຍແລະບໍ່ມີຜົນສັກສິດທັງນັ້ນ,ບໍ່ສາມາດປ່ຽນແປງຄວາມຈິງທີ່ວ່າ:"ເກາະຕ້ຽວອີແມ່ນດິນແດນຂອງຈີນ"ນັ້ນຈົນເທົ່າໃດໆ.
ໃນບົດຄວາມ,ທ່ານລິວສຽວມິງຊີ້ອອກວ່າ,ເກາະຕ້ຽວອີແມ່ນຂຶ້ນກັບຈີນ,ນີ້ແມ່ນຄວາມຈິງທີ່ປ່ຽນແປງບໍ່ໄດ້.ໃນ《ແຜນທີ່ຈີນສະບັບຫຼ້າສຸດ》ທີ່ອັງກິດພິມຈຳໜ່າຍໃນປີ 1811 ແລະ《ແຜນທີ່ແຄມທະເລຈີນຕາເວັນອອກແຕ່ຮົງກົງຫາອ່າວລຽວຕົ່ງ》ທີ່ກອງທັບເຮືອອັງກິດແຕ່ງອອກເມື່ອປີ 1877 ລ້ວນແຕ່ໄດ້ຈັດເອົາເກາະຕ້ຽວອີເຂົ້າໃນດິນແດນຂອງຈີນ.ໃນປີ 1895,ຍີ່ປຸ່ນນຳໃຊ້ສົງຄາມປີ 1894 ໄດ້ຍຶດຄອງເກາະຕ້ຽວອີແລະເກາະດອນຕ່າງໆທີ່ຢູ່ບໍລິເວນໃກ້ຄຽງຢ່າງຜິດກົດໝາຍ,ພາຍຫຼັງສົງຄາມໂລກຄັ້ງທີ 2,ອີງຕາມ《ຖະແຫຼງການເລິແກ》,《ຖະແຫຼງການບົສຕັນ》ແລະ《ໜັງສືຍອມຈຳນົນຂອງຍີ່ປຸ່ນ》,ເກາະຕ້ຽວອີທີ່ເປັນເກາະທີ່ຂຶ້ນກັບເກາະໄຕ້ຫວັນຄວນສົ່ງຄືນໃຫ້ຈີນພ້ອມກັບເກາະໄຕ້ຫວັນ.
ທ່ານລິວສຽວມິງເຫັນວ່າ,ປະຈຸບັນ,ເຫດການເກາະຕ້ຽວອີໄດ້ຮຸນແຮງຂຶ້ນຢ່າງບໍ່ຢຸດຢັ້ງ,ຍີ່ປຸ່ນເປັນຜູ້ຮັບຜິດຊອບແຕ່ຝ່າຍດຽວ.ສິ່ງສຳຄັນທີ່ສຸດໃນປະຈຸບັນແມ່ນ:ຍີ່ປຸ່ນຕ້ອງມີທ່າທີເຄົາລົບປະຫວັດສາດແລະຮັບຜິດຊອບ,ຮູ້ສະພາບການຢ່າງຈະແຈ້ງ,ສຳຫຼວດຄືນຢ່າງເລິກເຊິ່ງ,ທຳການຕົກລົງທາງການເມືອງດ້ວຍຄວາມກ້າຫານ,ແກ້ໄຂຄວາມຜິດພາດຂອງຕົນດ້ວຍການກະທຳຕົວຈິງ,ຢຸດຕິການກະທຳທັງໝົດທີ່ລ່ວງລ້ຳອະທິປະໄຕດິນແດນຂອງຈີນ.
ໃນບົດຄວາມ,ທ່ານລິວສຽວມິງຊີ້ອອກວ່າ,ເກາະຕ້ຽວອີແມ່ນຂຶ້ນກັບຈີນ,ນີ້ແມ່ນຄວາມຈິງທີ່ປ່ຽນແປງບໍ່ໄດ້.ໃນ《ແຜນທີ່ຈີນສະບັບຫຼ້າສຸດ》ທີ່ອັງກິດພິມຈຳໜ່າຍໃນປີ 1811 ແລະ《ແຜນທີ່ແຄມທະເລຈີນຕາເວັນອອກແຕ່ຮົງກົງຫາອ່າວລຽວຕົ່ງ》ທີ່ກອງທັບເຮືອອັງກິດແຕ່ງອອກເມື່ອປີ 1877 ລ້ວນແຕ່ໄດ້ຈັດເອົາເກາະຕ້ຽວອີເຂົ້າໃນດິນແດນຂອງຈີນ.ໃນປີ 1895,ຍີ່ປຸ່ນນຳໃຊ້ສົງຄາມປີ 1894 ໄດ້ຍຶດຄອງເກາະຕ້ຽວອີແລະເກາະດອນຕ່າງໆທີ່ຢູ່ບໍລິເວນໃກ້ຄຽງຢ່າງຜິດກົດໝາຍ,ພາຍຫຼັງສົງຄາມໂລກຄັ້ງທີ 2,ອີງຕາມ《ຖະແຫຼງການເລິແກ》,《ຖະແຫຼງການບົສຕັນ》ແລະ《ໜັງສືຍອມຈຳນົນຂອງຍີ່ປຸ່ນ》,ເກາະຕ້ຽວອີທີ່ເປັນເກາະທີ່ຂຶ້ນກັບເກາະໄຕ້ຫວັນຄວນສົ່ງຄືນໃຫ້ຈີນພ້ອມກັບເກາະໄຕ້ຫວັນ.
ທ່ານລິວສຽວມິງເຫັນວ່າ,ປະຈຸບັນ,ເຫດການເກາະຕ້ຽວອີໄດ້ຮຸນແຮງຂຶ້ນຢ່າງບໍ່ຢຸດຢັ້ງ,ຍີ່ປຸ່ນເປັນຜູ້ຮັບຜິດຊອບແຕ່ຝ່າຍດຽວ.ສິ່ງສຳຄັນທີ່ສຸດໃນປະຈຸບັນແມ່ນ:ຍີ່ປຸ່ນຕ້ອງມີທ່າທີເຄົາລົບປະຫວັດສາດແລະຮັບຜິດຊອບ,ຮູ້ສະພາບການຢ່າງຈະແຈ້ງ,ສຳຫຼວດຄືນຢ່າງເລິກເຊິ່ງ,ທຳການຕົກລົງທາງການເມືອງດ້ວຍຄວາມກ້າຫານ,ແກ້ໄຂຄວາມຜິດພາດຂອງຕົນດ້ວຍການກະທຳຕົວຈິງ,ຢຸດຕິການກະທຳທັງໝົດທີ່ລ່ວງລ້ຳອະທິປະໄຕດິນແດນຂອງຈີນ.
