ກອງປະຊຸມອາເຊັບ7ປິດລົງຢູ່ນະຄອນຫຼວງວຽງຈັນ
ວັນທີ4 ຕຸລານີ້, ຢູ່ນະຄອນຫຼວງວຽງຈັນ, ກອງປະຊຸມການເປັນຄູ່ຮ່ວມລັດຖະສະພາອາຊີເອີລົບຄັ້ງທີ7 ຫຼືອາເຊັບ7 ທີ່ດຳເນີນເປັນເວລາ2ວັນໄດ້ປິດລົງແລ້ວ, ໂດຍມີທ່ານນາງປານີ ຢາທໍ່ຕູ້ເປັນຜູ້ກ່າວປິດກອງປະຊຸມ. ຫຼັງຈາກນັ້ນໄດ້ປະກາດຖະແຫຼງການຮ່ວມຂອງກອງປະຊຸມຄັ້ງນີ້.
ໃນຖະແຫຼງການຮ່ວມໄດ້ສະຫຼຸບຜົນສຳເລັດໃນການຄົ້ນຄວ້າສຶກສາຫົວຂໍ້ຕ່າງໆໃນກອງປະຊຸມຄັ້ງນີ້, ຄື: ຮັບປະກັນຄວາມໝັ້ນຄົງດ້ານສະບຽງອາຫານພາຍໃຕ້ການປ່ຽນແປງຂອງດິນຟ້າອາກາດໃນປະຈຸບັນ, ເພີ່ມທະວີການຮ່ວມມືດ້ານໜີ້ສາທາລະນະເພື່ອການພັດທະນາແບບຍືນຍົງ, ແລະເພີ່ມທະວີການຮ່ວມມືໃນການຄຸ້ມຄອງໄພພິບັດໂດຍມີສ່ວນຮ່ວມຂອງສັງຄົມ.
ໃນກອງປະຊຸມອາເຊັບ7ຄັ້ງນີ້ໄດ້ຮັບເອົາ4 ສະມາຊິກໃໝ່, ຄື, ຣັດເຊຍ, ອົສຕຼາລີ, ມຽນມາແລະນູແວນເຊລັງ, ຈຳນວນສະມາຊິກກອງປະຊຸມລັດຖະສະພາອາຊີເອີລົບໄດ້ຂຶ້ນເປັນ47 ລັດຖະສະພາ.
