ປະທານຄະນະກຳມະການພັກກອມມູນິດຍີ່ປຸ່ນເຫັນວ່າຕ້ອງມີສະຕິລະວັງຕົວຕໍ່ຝ່າຍຍີ່ປຸ່ນທີ່ເຮັດໃຫ້ກຳລັງຮົບແຂງຂຶ້ນດ້ວຍຂໍ້ອ້າງບັນຫາເກາະຕ້ຽວຢູ
ວັນທີ4 ຕຸລານີ້, ທ່ານຊີອີຄາຊູໂອ ປະມານຄະນະກຳມະການພັກກອມມູນິດຍີ່ປຸ່ນກ່າວຢູ່ໂຕກຽວວ່າ, ຕ້ອງມີສະຕິລະວັງຕົວຕໍ່ອິດທິກຳລັງການເມືອງສ່ວນໜຶ່ງພາຍໃນຍີ່ປຸ່ນທີ່ມີເຈຕະນານຳໃຊ້ບັນຫາເກາະຕ້ຽວຢູເພີ່ມທະວີກຳລັງຮົບ.
ທ່ານຊີອີ ຄາຊູໂອເຫັນວ່າ, ສົງຄາມທີເກີດຂຶ້ນໃນປີ1894ແມ່ນຈຸດເລີ່ມທີ່ຍີ່ປຸ່ນກໍ່ສົງຄາມຮຸກຮານຕ່າງໆຢູ່ອາຊີ. ແຕ່ລັດຖະບານຍີ່ປຸ່ນບໍ່ໄດ້ສຳຫຼວດຕົນຕໍ່ສົງຄາມຮຸກຮານ, ນີ້ແມ່ນຈຸດອ່ອນຂອງການຕ່າງປະເທດຍີ່ປຸ່ນ. ອິດທິກຳລັງສ່ວນໜຶ່ງພາຍໃນຍີ່ປຸ່ນຍັງມີຈເຈດຕະນານຳໃຊ້ບັນຫາເກາະຕ້ຽວຢູມາເພີ່ມທະວີກຳລັງຂອງກອງປົກປ້ອງຕົວ, ເພີ່ມທະວີພັນທະມິດການທະຫານລະຫວ່າງຍີ່ປຸ່ນແລະອາເມລິກາ, ກໍ່ມີນັກການເມືອງສ່ວນໜຶ່ງເຫັນວ່າຍີ່ປຸ່ນຄວນມີກອງທະຫານສູ້ລົບເທິງບົກຂອງກອງທັບເຮືອ. ທ່ານກ່າວວ່າ, ອິດທິກຳລັງການເມືອງນຳໃຊ້ບັນຫາເກາະຕ້ຽວຢູມາເພີ່ມທະວີກຳລັງຮົບ, ປັບປຸງລັດຖະທຳມະນູນ, ນີ້ຈະເປັນສະພາບການທີ່ຮ້າຍທີ່ສຸດຂອງບັນຫາເກາະຕ້ຽວຢູທີ່ຂະຫຍາຍຕົວໃນອະນາຄົດ, ບໍ່ມີຜົນດີຕໍ່ແກ້ໄຂການໂຕ້ຖຽງກັນດ້ານດິນແດນຢ່າງມີລັກສະນະສ້າງສັນຈັກເມັດເລີຍ. " ພັກກອມມູນິດຍີ່ປຸ່ນບໍ່ອະນຸຍາດໃຫ້ສະພາບນີ້ເກີດຂຶ້ນຢ່າງເດັດຂາດ, ຈະສຸດກຳລັງເພື່ອຂັດຂວາງ."
