ປະທານສະມາຄົມມິດຕະພາບຍີ່ປຸ່ນຈີນຮຽກຮ້ອງລັດຖະບານຍີ່ປຸ່ນບັນລຸການສົນທະນາກັນກັບຈີນ
ວັນທີ5 ຕຸລານີ້, ຢູ່ໂຕກຽວ, ທ່ານກາໂຕ ໂກອີຈີ ປະທານສະມາຄົມມິດຕະພາບຍີ່ປຸ່ນຈີນໄດ້ກ່າວຄຳປາໄສກ່ຽວກັບການພົວພັນລະຫວ່າງຈີນຍີ່ປຸ່ນໃນປັດຈຸບັນ, ໂດຍກ່າວວ່າຕ້ອງປັບປຸງການພົວພັນລະຫວ່າງສອງປະເທດໃນປັດຈຸບັນໃຫ້ດີຂຶ້ນ, ຫວັງວ່າລັດຖະບານຈີນຍີ່ປຸ່ນສາມາດສົນທະນາກັນ. ເພື່ອເລື່ອງນີ້, ສະມາຄົມມິດຕະພາບຍີ່ປຸ່ນຈີນຍິນດີສຸດຄວາມສາມາດຂອງຕົນເພື່ອຊຸກຍູ້ການສົນທະນາກັນລະຫວ່າງສອງຝ່າຍ.
ໃນການກ່າວຄຳປາໄສ, ທ່ານກາໂຕ ໂກອີຈີກ່າວວ່າ, ປີນີ້ແມ່ນສາຍພົວພັນການທູດຈີນຍີ່ປຸ່ນຫັນເປັນປົກກະຕິຄົບຮອດ40ປີ, ແຕ່ວວ່າປັດຈຸບັນ, ການແລກປ່ຽນລະຫວ່າງຈີນຍີ່ປຸ່ນເກືອບຢຸດຕິລົງ, ທ່ານຮູ້ສຶກເສຍໃຈທີ່ສຸດຕໍ່ເລື່ອງນີ້. ເຊັ່ນດຽວກັນ, ຫຼາຍຄົນທີ່ເຊື່ອໝັ້ນວ່າໄມຕີຈິດມິດຕະພາບລະຫວ່າງຈີນຍີ່ປຸ່ນແມ່ນພື້ນຖານຂອງການພັດທະນາຂອງສອງປະເທດແລະທຳຄວາມພະຍາຍາມເພື່ອໄມຕີຈິດມິດຕະພາບຈີນຍີ່ປຸ່ນນັ້ນ, ລ້ວນແຕ່ຮູ້ສຶກເສຍໃຈແລະຂັດຂ້ອງໝອງໃຈ.
ທ່ານກາໂຕໂກອີຈີຊີ້ອອກວ່າ, ມາຮອດປັດຈຸບັນ, ຄວາມເຫັນຂອງລັດຖະບັນຍີ່ປຸ່ນທີ່ກ່າວວ່າ"ກ່ຽວກັບເກາະຕ້ຽວອີບໍ່ມີບັນຫາດ້ານດິນແດນ, ບໍ່ວ່າໃນດ້ານຄວາມຈິງ ຫຼືວ່າຄຳແນະນຳຕໍ່ປະຊາຄົມໂລກແລ້ວ, ລ້ວນແຕ່ບໍ່ສາມາດເຮັດໃຫ້ຄົນເຊື່ອໄດ້, ບໍ່ມີຜົນຕີຕໍ່ການປັບປຸງການພົວພັນຍີ່ປຸ່ນຈີນໃຫ້ດີຂຶ້ນ. ທ່ານຫວັງຢາກໃຫ້ລັດຖະບານຍີ່ປຸ່ນສະແດງຄວາມຈິງໃຈຕໍ່ຝ່າຍຈີນໂດຍໄວເພື່ອປັບປຸງການພົວພັນລະຫວ່າງສອງປະເທດໃຫ້ດີຂຶ້ນ, ແລະຊຸກຍູ້ສອງປະເທດໃຫ້ດຳເນີນການສົນທະນາກັນ.
