ບົດລາຍງານຂອງອາເມລິກາບໍ່ຮັບຮອງຍີ່ປຸ່ນມີອະທິປະໄຕເໜືອເກາະຕ້ຽວອີ,ກະຊວງການຕ່າງປະເທດຈີນຫວັງວ່າອາເມລິກາຈະປະຕິບັດຕາມຄວາມເວົ້າຂອງຕົນ
(GMT+08:00) 2012-10-08 16:41:15 cri
ຕາມຂ່າວCRI:ຫວ່າງກ່ອນນີ້ບໍ່ດົນ,ລັດຖະສະພາອາເມລິກາໄດ້ອອກບົດລາຍງານສະບັບໜຶ່ງໂດຍກ່າວວ່າ,ບໍ່ຮັບຮອງຍີ່ປຸ່ນມີອະທິປະໄຕເໜືອເກາະຕ້ຽວອີ.ໃນງານຖະແຫຼງຂ່າວທີ່ກະຊວງການຕ່າງປະເທດຈີນຈັດຂຶ້ນໃນວັນທີ 8 ຕຸລານີ້,ມີນັກຂ່າວຖາມວ່າ,ຈີນຕີລາຄາແນວໃດຕໍ່ເລື່ອງນີ້,ທ່ານຫົງເຫຼີຍ,ໂຄສົກກະຊວງການຕ່າງປະເທດຈີນກ່າວວ່າ,ເລື່ອງທີ່ຄວນເຮັດໃນປະຈຸບັນແມ່ນ,ຍີ່ປຸ່ນຕ້ອງກ້າປະເຊີນກັບຄວາມຈິງ,ແກ້ໄຂຄວາມຜິດພາດ,ກັບຄືນສູ່ການສົນທະນາແລະເຈລະຈາເພື່ອແກ້ໄຂຄວາມຂັດແຍ່ງກັນ.ຈີນເຫັນອາເມລິກາສະແດງຈຸດຢືນເປັນກາງໃນບັນຫາຄວາມຂັດແຍ່ງດ້ານດິນແດນລະຫວ່າງຈີນກັບຍີ່ປຸ່ນ,ຫວັງວ່າອາເມລິກາຈະປະຕິບັດຕາມຄວາມເວົ້າຂອງຕົນ.
