ຈີນຕອບຮັບຕໍ່ຍີ່ປຸ່ນຄົ້ນຄວ້າແຜນການປັບປຸງການພົວພັນຍີ່ປຸ່ນຈີນໃຫ້ດີຂຶ້ນ
(GMT+08:00) 2012-10-10 17:28:59 cri
ສື່ມວນຊົນຍີ່ປຸ່ນລາຍງານວ່າ:ລັດຖະບານຍີ່ປຸ່ນກຳລັງຄົ້ນຄວ້າແຜນການປັບປຸງການພົວພັນລະຫວ່າງຍີ່ປຸ່ນຈີນໃຫ້ດີຂຶ້ນ,ຕົວຢ່າງເຊັ່ນອີງໃສ່ຖະແຫຼງການຮ່ວມຍີ່ປຸ່ນຈີນເມື່ອປີ1972,ໃນຂະນະທີ່ຍຶດໝັ້ນຫຼັກການທີ່ບໍ່ມີຄວາມຂັດແຍ່ງທາງດ້ານສິດອຳນາດອະທິປະໄຕແລ້ວໃຫ້ທັດສະນະວ່າຮັບຮູ້ເຖິງຈຸດຢືນທາງດ້ານສິດອຳນາດອະທິປະໄຕຂອງຈີນ.ວັນທີ10ຕຸລານີ້,ທ່ານຫົງເຫຼີຍ ໂຄສົກກະຊວງການຕ່າງປະເທດຈີນໄດ້ຕອບຮັບຕໍ່ການລາຍງານຂ່າວດັ່ງກ່າວວ່າ:ຈີນມີຈຸດຢືນອັນຈະແຈ້ງມາໂດຍຕະຫຼອດກ່ຽວກັບບັນຫາເກາະຕ້ຽວອີ,ສິ່ງທີ່ສຳຄັນໃນປະຈຸບັນແມ່ນຍີ່ປຸ່ນຕ້ອງກ້າປະເຊີນໜ້າກັບສະຖານະການຄວາມເຄັ່ງຕຶງຂອງສາຍ ພົວພັນລະຫວ່າງຈີນຍີ່ປຸ່ນ,ແລະຍອມຮັບຄວາມຂັດແຍ່ງທີ່ກ່ຽວຂ້ອງທີ່ເກີດຂຶ້ນຢູ່ເກາະຕ້ຽວອີ,ແກ້ໄຂການກະທຳອັນຜິດພາດທີ່ລ່ວງລະເມີດສິດອຳນາດອະທິປະໄຕຂອງຈີນ,ແລ້ວກັບຄືນສູ່ການເຈລະຈາເພື່ອແກ້ໄຂບັນຫາເກາະຕ້ຽວອີ.