ກະຊວງການຕ່າງປະເທດຈີນກ່າວວ່າ,ຫໍຢ່າຊຸຄູນິແມ່ນບ່ອນອີງທາງດ້ານຈິດໃຈທີ່ພວກລັດທິລັດຖະທະຫານກໍ່ສົງຄາມຮຸກຮານ,ຍີ່ປຸ່ນຄວນປະເຊີນໜ້າກັບປະຊາຄົມໂລກດ້ວຍຄວາມຮັບຜິດຊອບ
(GMT+08:00) 2012-10-18 17:24:19 cri
ຕອນບ່າຍວັນທີ17ຕຸລານີ້,ທ່ານຊິນໂຊະອາເບະ ປະທານພັກເສລີປະຊາທິປະໄຕຍີ່ປຸ່ນໄດ້ໄປນະມັດຊະການຫໍຢ່າຊຸຄູນິ.ວັນທີ18ຕຸລານີ້,ສະມາຊິກ ຄະນະລັດຖະບານໂນດະ ໂຢຊີຮິໂກະອີກ2ຄົນກໍ່ໄດ້ໄປນະມັດຊະການຫໍຢ່າຊຸຄູນິ.ຕໍ່ເລື່ອງນີ້,ທ່ານຫົງເຫຼີຍ ໂຄສົກກະຊວງການຕ່າງປະເທດຈີນກ່າວໃນວັນທີ18ຕຸລານີ້ທີ່ນະຄອນຫຼວງປັກກິ່ງວ່າ:ບັນຫາຫໍຢ່າຊຸຄູນິແມ່ນກ່ຽວພັນເຖິງຍີ່ປຸ່ນຈະສາມາດປະຕິບັດຕໍ່ປະຫວັດສາດໄດ້ຢ່າງຖືກຕ້ອງຫຼືບໍ່?ແລະຈະເປັນການເຄົາລົບຕໍ່ຄວາມຮູ້ສຶກຂອງປະຊາຊົນປະເທດອາຊີທີ່ໄດ້ຮັບເຄາະຮ້າຍຈາກຍີ່ປຸ່ນນັ້ນໄດ້ຫຼືບໍ່?ຍີ່ປຸ່ນຄວນເຄົາລົບປະຕິບັດຕາມການສະແດງທ່າທີແລະຄຳໝັ້ນສັນຍາອັນເຄັ່ງຂຶມຂອງຕົນທີ່ມີຕໍ່ບັນຫາໃນປະຫວັດສາດ,ແລະປະເຊີນໜ້າກັບປະຊາຄົມໂລກຢ່າງມີຄວາມຮັບຜິດຊອບ.
