ຍີ່ປຸ່ນຄວນກັບຄືນສູ່ຈຸດເດີມຄື"ໂຈະຄວາມຂັດແຍ່ງໄວ້ກ່ອນ"-ສຳພາດທ່ານທາຄາ ຄາເກະ ຟູຈິຕະ, ອະດີດເລຂາທິການໃຫຍ່ຂອງຄະນະກຳມະການສັນຕິພາບປະຊາຊົນຂອງພັກສັງຄົມປະຊາທິປະໄຕຍີ່ປຸ່ນ
ຕາມຂ່າວCRI: ໃນໄລຍະທີ່ສາຍສຳພັນລະຫວ່າງຈີນກັບຍີ່ປຸ່ນຫັນເປັນປົກ ກະຕິຄົບຮອບ40ປີ, ຈີນຍີ່ປຸ່ນສອງປະເທດຄວນຖືເປັນໂອກາດນີ້, ເຮັດໃຫ້ພື້ນຖານການແລກປ່ຽນໃຫ້ໝັ້ນຄົງກວ່າເກົ່າຕື່ມອີກ, ລົງເລິກສາຍພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດ. ແຕ່ໃນເດືອນແລ້ວນີ້, ຍ້ອນລະບົບ ການປົກຄອງງອັນຜິດພາດທີ່ນໍາພາໂດຍທ່ານໂຢຊິຮີໂກະ ໂນດະຜູ້ນຳພັກປະຊາທິປະໄຕຍີ່ປຸ່ນໄດ້ນຳໃຊ້ມາດຕະການທີ່ຫັນເກາະຕ້ຽວອີຈີນເປັນຂອງລັດໄດ້ເຮັດໃຫ້ການພົວພັນລະຫວ່າງຈີນກັບຍີ່ປຸ່ນຮຸນແຮງຂຶ້ນ. ຈາກນັ້ນມາ, ຍັງມີບຸກຄົນທາງການເມືອງຂອງຝ່າຍອະນຸລັກນິຍົມຈຳນວນໜຶ່ງຂອງຍີ່ປຸ່ນນຳໃຊ້ບັນຫາຜືນແຜ່ນດິນປຸກປັ່ນຈິດໃຈຂອງປະຊາຊົນຢ່າງຕໍ່ເນື່ອງ, ການໄປມາຫາສູ່ກັນລະຫວ່າງທຸກລະດັບແລະທຸກຂົງເຂດລະຫວ່າງສອງປະເທດກໍ່ໄດ້ຢຸດສະງັກລົງ. ໃນອີກດ້ານໜຶ່ງ, ໃນຂົງເຂດຫາງສຽງຍີ່ປຸ່ນ, ຄຳເຫັນທີ່ ສົມເຫດສົມຜົນຈາກບຸກຄົນທີ່ມີຄວາມຮູ້ຈຳນວນໜຶ່ງ ທີ່ຖືຜົນປະໂຫຍດສ່ວນ ລວມຂອງສາຍພົວພັນລະຫວ່າງຈີນກັບຍີ່ປຸ່ນເປັນສຳຄັນນັ້ນ ກໍ່ກຳລັງໄດ້ຮັບການຍອມຮັບຈາກສັງຄົມຍີ່ປຸ່ນ.
ກ່ອນໜ້ານີ້, ທ່ານຫວາງຢາງ, ນັກຂ່າວCRIປະຈຳຍີ່ປຸ່ນໄດ້ສຳພາດທ່ານທາຄາ ຄາເກະ ຟູຈິຕະ, ອະດີດເລຂາທິການໃຫຍ່ຂອງຄະນະກຳມະການສັນຕິ ພາບປະຊາຊົນຂອງພັກສັງຄົມປະຊາທິປະໄຕຍີ່ປຸ່ນ. ທ່ານກ່າວວ່າ:
"ຂ້າພະເຈົ້າເຫັນວ່າສະພາບການດ້ານການພົວພັນລະຫວ່າງຍີ່ປຸ່ນກັບຈີນໃນປະຈຸບັນນີ້ເຮັດໃຫ້ຮູ້ສຶກເສຍດາຍຫຼາຍ. ປີສາຍສຳພັນລະຫວ່າງຈີນກັບຍີ່ປຸ່ນຫັນເປັນປົກກະຕິຄົບຮອບ40ປີຄວນເປັນປີທີ່ສອງຝ່າຍຮ່ວມກັນສະເຫຼີມ ສະຫຼອງຂອງສອງຝ່າຍ. ໂດຍສະເພາະແມ່ນໃນໂອກາດທີ່ຄົບຮອບ40ປີ, ສອງຝ່າຍຄວນປຶກສາຫາລືກັນວ່າຈະພັດທະນາການພົວພັນລະຫວ່າງສອງຝ່າຍໃນອະນາຄົດຄືແນວໃດ, ເພື່ອກ້າວໄປໜ້າຮ່ວມກັນ. ສະຖານະການໃນປະຈຸບັນນີ້, ເຮັດໃຫ້ຮູ້ສຶກເສຍດາຍຫຼາຍ."
ທ່ານທາຄາ ຄາເກະ ຟູຈິຕະປະຈຸບັນມີອາຍຸ64ປີ, ມີປະສົບການດ້ານການເມືອງເປັວເວລາ40ກວ່າປີ, ເຄີຍເດີນທາງມາຢ້ຽມຢາມຈີນ50ກວ່າເທື່ອ. ກ່ຽວກັບສາເຫດຕົ້ນຕໍທີ່ເຮັດໃຫ້ການພົວພັນລະຫວ່າງຈີນກັບຍີ່ປຸ່ນຕົກຢູ່ໃນສະຖານະການເຄັ່ງຕຶງ, ທ່ານທາຄາ ຄາເກະ ຟູຈິຕະຊີ້ອອກວ່າ:
"ຖ້າເວົ້າໂດຍກົງ, ສາເຫດສຳຄັນທີ່ເຮັດໃຫ້ບັນຫາຮຸນແຮງຂຶ້ນ, ກໍ່ແມ່ນຍ້ອນລັດຖະບານຍີ່ປຸ່ນກໍຄືລັດຖະບານໂຢຊິຮີໂກະ ໂນດະຂອງພັກປະຊາທິປະໄຕດຳເນີນການກະທຳທີ່"ຊື້ເກາະຕ້ຽວອີຈີນ"ຂອງທ່ານອິຊິຮາຣາ ຊິນຕາໂຣ, ເຈົ້າຄອງນະຄອນໂຕກຽວໂຕຢ່າງຜິດພາດ, ຊຶ່ງໄດ້ເປັນການກະທຳທີ່ບໍ່ປະຕິບັດຕາມຄວາມເຫັນທີ່ໄດ້ຕົກລົງກັນແລະຄຳໝັ້ນສັນຍາທີ່ໄດ້ບັນລຸລະຫວ່າງຍີ່ປຸ່ນກັບຈີນໃນໄລຍະຜ່ານມາ. ຍ້ອນວ່າລະບົບການປົກຄອງຂອງລັດຖະບານໂຢຊິຮີໂກະ ໂນດະເປັນການກະທຳທີ່ບໍ່ປະຕິບັດຕາມຄວາມເຫັນທີ່ໄດ້ຕົກລົງກັນໄວ້ວ່າ: ໃຫ້2ປະເທດໂຈະຄວາມຂັດແຍ່ງກັນໄວ້ກ່ອນ", ດຳເນີນການຫັນເປັນຂອງລັດ, ສະນັ້ນເຮັດໃຫ້ລັດຖະບານຈີນຮູ້ສຶກຄຽດຫຼາຍ. ນີ້ແມ່ນສາເຫດຕົ້ນຕໍທີ່ສຳຄັນທີ່ສຸດ."
ທ່ານທາຄາຄາເກະ ຟູຈິຕະເຫັນວ່າ, ພັກປະຊາທິປະໄຕທີ່ກຳອຳນາດບໍ່ມີຄວາມຮັບຮູ້ທີ່ຖືກຕ້ອງກ່ຽວກັບປະຫວັດສາດຂອງການພົວພັນລະຫວ່າງຈີນກັບຍີ່ປຸ່ນ, ຈຶ່ງເຮັດໃຫ້ມີການຕັດສິນໃຈຢ່າງຜິດພາດ ຄືການຫັນປ່ຽນເກາະຕ້ຽວອີເປັນຂອງຍີ່ປຸ່ນ.
ທ່ານທະຄາຄາເກະ ຟູຈິຕະກ່າວວ່າ: "ໃນເດືອນຕຸລາປີ2010, ທ່ານເຊອິຈິ ມາອິຮາຣະ, ຜູ້ດຳລົງຕຳແໜ່ງເປັນລັດຖະມົນຕີວ່າການກະຊວງການຕ່າງປະເທດຂອງພັກປະຊາທິປະໄຕຍີ່ປຸ່ນໃນສະໄໝນັ້ນເຄີຍໄດ້ກ່າວໃນລັດຖະສະພາວ່າ, ການໂຈະຄວາມຂັດແຍ່ງກັນໄວ້ກ່ອນທີ່ທ່ານເຕີ້ງສ້ຽວຜີງ, ອະດີດຮອງນາຍົກ ລັດຖະມົນຕີຈີນສະເໜີນັ້ນແມ່ນຄຳປາໄສພຽງຝ່າຍດຽວຂອງຈີນເທົ່ານັ້ນ, ຍີ່ປຸນບໍ່ໄດ້ຕົກລົງເຫັນດີກັບຈີນກ່ຽວກັບເລື່ອງນີ້. ແຕ່ສິ່ງທີ່ຄວນຊີ້ໃຫ້ຮູ້ແຈ້ງນັ້ນແມ່ນ, ຄຳເວົ້າຂອງທ່ານທະຄາຄາເກະ ຟູຈິຕະແມ່ນຄໍາເວົ້າທີ່ບໍ່ມີມູນຄວາມຈິງເປັນການ ຢຽບຢ່ຳປະຫວັດສາດ. ຂ້າພະເຈົ້າເຫັນວ່າ, ນີ້ກາຍເປັນປັດໃຈທີ່ພາໃຫ້ເກີດສະຖານະການໃນປະຈຸບັນ, ທ່ານເຊອິຈິ ມາອິຮາຣະຄວນຮັບຜິດຊອບທັງໝົດຕໍ່ເລື່ອງນີ້."
ເມື່ອເວົ້າເຖິງອະນາຄົດຂອງການພົວພັນລະຫວ່າງຈີນ-ຍີ່ປຸ່ນ, ທ່ານທາຄາຄາເກະ ຟູຈິຕະ ຢາກອີງໃສ່ຄຳທີ່ວ່າ "ສັນຕິພາບຈະສ້າງຜົນປະໂຫຍດໃຫ້ທັງສອງຝ່າຍ, ການເປັນປໍລະປັກຈະເສຍຫາຍທັງສອງຝ່າຍ" ຊຶ່ງເປັນຄຳເວົ້າຂອງທ່ານຈ່າງສ່ຽງຊ່ານ, ອະດີດຮອງຫົວໜ້າຄະນະພົວພັນກັບຕ່າງປະເທດຂອງສູນກາງພັກກອມມູນິດຈີນ, ຮອງປະທານສະຫະພັນມິດຕະພາບຈີນ-ຍີ່ປຸ່ນທີ່ເຄີຍປະກອບສ່ວນອັນຕັ້ງໜ້າເຂົ້າໃນພາລະກິດມິດຕະພາບຈີນ-ຍີ່ປຸ່ນ, ແລະໃຊ້ຄຳເວົ້າດັ່ງກ່າວຊຸກຍູ້ໃຫ້ສືບຕໍ່ທຳຄວາມພະຍາຍາມອັນຕັ້ງໜ້າເພື່ອການຂະຫຍາຍການພົວພັນລະຫວ່າງຈີນກັບຍີ່ປຸ່ນ.
ທ່ານກ່າວວ່າ: "ຂ້າພະເຈົ້າເຫັນວ່າ, ຄຳເວົ້ານີ້ເວົ້າໄດ້ດີຫຼາຍ, ແລະມີກຳລັງໃຈຫຼາຍ ຈາກຄຳນີ້. ຂ້າພະເຈົ້າຄຶດວ່າ, ປະຈຸບັນຄວນເຂົ້າໃຈຄຳເວົ້ານີ້ຢ່າງລະອຽດກວ່າເກົ່າ, ພະຍາຍາມສ້າງຍຸກສະໄໝທີ່ຈີນແລະຍີ່ປຸ່ນຮັກສາການພົວພັນທີ່ມີສັນຕິພາບແລະມິດຕະພາບຕະຫຼອດໄປເພື່ອຊຸກຍູ້ໃຫ້ອາຊີພັດທະນາກ້າວໄປໜ້າຮ່ວມກັນ. "
