ຕາມຂ່າວCRI: ຕອນເຊົ້າວັນທີ18ຕຸລານີ້,ທ່ານນາງສີໃສ ລືເດດມູນສອນ,ປະທານສູນກາງສະຫະພັນແມ່ຍິງລາວໄດ້ຕ້ອນຮັບການເຂົ້າຢ້ຽມຄໍານັບຂອງທ່ານນາງເມີ້ງສຽວຊື້,ຮອງປະທານສະຫະພັນແມ່ຍິງທົ່ວປະເທດຈີນພ້ອມດ້ວຍຄະນະ ໃນໂອກາດທີ່ເດີນທາງມາເຂົ້າຮ່ວມກອງປະຊຸມຄະນະກໍາມະການແມ່ຍິງອາຊຽນ+3ທີ່ນະຄອນຫລວງວຽງ ຈັນສປປລາວ.ສອງຝ່າຍໄດ້ແລກປ່ຽນຄຳຄຶດຄໍາເຫັນຢ່າງກວ້າງຂວາງກ່ຽວກັບ ການຮ່ວມມືດ້ານວຽກງານແມ່ຍິງລະຫວ່າງລາວ-ຈີນ.
ຜູ່ແທນຝ່າຍຈີນ
ທ່ານນາງສີໃສ ລືເດດມູນສອນໄດ້ສະແດງຄວາມຂອບອົກຂອບໃຈຕໍ່ຈີນທີ່ໄດ້ໃຫ້ການສະໜັບສະໜູນແລະຄວາມຊ່ວຍເຫລືອຕໍ່ການພັດທະນາຂອງວຽກງານແມ່ຍິງລາວມາເປັນເວລາຍາວນານ. ທ່ານກ່າວວ່າ, ຈີນມີບົດຮຽນຫຼາຍກ່ຽວກັບ ການແກ້ໄຂບັນຫາສາກົນແລະພາກພື້ນ, ແລະໃນດ້ານການພັດທະນາວຽກງານແມ່ຍິງ. ຫວັງວ່າ, ສອງຝ່າຍຈະສ້າງຕັ້ງກົນໄກແລກປ່ຽນເຊິ່ງກັນແລະກັນລະ ຫວ່າງຜູ້ແທນ ແມ່ຍິງຂັ້ນສູງເປັນປົກກະຕິ,ລົງເລິກປຶກສາຫາລືແລະແລກປ່ຽນກັນ, ຮ່ວມກັນຊຸກຍູ້ວຽກງານແມ່ຍິງໃຫ້ກ້າວໄປໜ້າຢ່າງບໍ່ຢຸດຢັ້ງ.ທ່ານນາງສີໃສ ລືເດດມູນສອນຍັງກ່າວອີກວ່າ,ຫວັງໃຫ້ສອງປະເທດເພີ່ມທະວີການຝຶກອົບຮົມທາງດ້ານ ເຕັກນິກ,ໂດຍສະເພາະແມ່ນດ້ານພາສາໃຫ້ແກ່ແມ່ຍິງລາວ, ເພື່ອສ້າງເງື່ອນໄຂແລະຄວາມສະດວກໃຫ້ແກ່ການຮ່ວມມືແລະການຕິດຕໍ່ພົວພັນລະຫວ່າງສອງປະເທດ.
ທ່ານນາງເມີ້ງສຽວຊື້ໄດ້ສະແດງຄວາມເຫັນດີນຳຄໍາເຫັນຂອງທ່ານນາງສີໃສ ລືເດດມູນສອນ.ທ່ານກ່າວວ່າ:ສະຫະພັນແມ່ຍິງທົ່ວປະເທດຈີນຈະສະໜັບສະໜູນການພັດທະນາວຽກງານແມ່ຍິງລາວຢ່າງສຸດຄວາມສາມາດ,ຜ່ານການເພີ່ມທະວີການໄປມາຫາສູ່ກັນເພື່ອແລກປ່ຽນບົດຮຽນ ແລະເພີ່ມຄວາມເຂົ້າໃຈກັນ, ລົງເລິກການຮ່ວມມື.ສະຫະພັນແມ່ຍິງທົ່ວປະເທດຈີນຈະມອບອຸປະກອນວັດທະນະທຳຕ່າງໆທີ່ເປັນມູນຄ່າ3ແສນຢວນໃຫ້ແກ່ສູນຝຶກອົບຮົມແມ່ຍິງລາວ, ແລະຈະຮ່ວມກັບສູນຝຶກອົບຮົມແມ່ຍິງຈີນ-ອາຊຽນທີ່ຕັ້ງຢູ່ເຂດກວາງຊີຈີນຈັດຊຸດຝຶກອົບຮົມພາສາຈີນໃຫ້ແກ່ພະນັກງານລາວທີ່ເຮັດວຽກກ່ຽວກັບແມ່ຍິງ, ແລະຫວັງໃຫ້ການຮ່ວມມືດ້ານວຽກງານແມ່ຍິງຈີນລາວສາມາດເກີດດອກອອກຜົນຢ່າງຫລວງຫລາຍ.
ຝ່າຍຈີນມອບຂອງຂວັນໃຫ້ຝ່າຍລາວ
