ກອງປະຊຸມຄະນະກໍາມະການແມ່ຍິງອາຊຽນບວກສາມຄັ້ງທີ4ຈັດຂື້ນຢູ່ລາວ
(GMT+08:00) 2012-10-18 18:24:31 cri
ຕາມຂ່າວCRI: ກອງປະຊຸມຄະນະກໍາມະການແມ່ຍິງອາຊຽນບວກສາມຄັ້ງທີ 4 ໄດ້ຈັດຂື້ນໃນວັນທີ18ຕຸລານີ້,ທີ່ນະຄອນຫຼວງວຽງຈັນ,ຄະນະຜູ້ແທນແມ່ຍິງຂັ້ນສູງຂອງ10ປະເທດອາຊຽນແລະຈີນ,ຍີ່ປຸ່ນແລະສ.ເກົາຫລີໄດ້ເຂົ້າຮ່ວມກອງປະຊຸມດັ່ງກ່າວ.
ທ່ານນາງ ສີໃສ ລືເດດມູນສອນ, ກໍາມະການສູນກາງພັກ, ປະທານສູນກາງສະຫະພັນແມ່ຍິງລາວໄດ້ກ່າວເປີດກອງປະຊຸມ, ໂດຍທີ່ໄດ້ເນັ້ນເຖິງຄວາມສໍາຄັນໃນການພົວພັນໃນຂອບເຂດອາຊຽນບວກສາມແລະຕີລາຄາສູງຕໍ່ຜົນສໍາເລັດການພົວພັນຮ່ວມມືໃນຂົງເຂດວຽກງານຕ່າງໆ,ລວມທັງບັນຫາສິ່ງແວດລ້ອມ ແລະບົດບາດຍິງ-ຊາຍ.ພ້ອມດຽວກັນນີ້,ທ່ານໄດ້ຊົມເຊີຍຜົນສໍາເລັດຂອງກອງປະຊຸມລັດຖະມົນຕີສິ່ງແວດລ້ອມອາຊຽນບວກສາມຄັ້ງທີ 11 ໃນເດືອນກັນຍາ 2012,ທີ່ບາງກອກປະເທດໄທ, ເຊິ່ງເປັນການປະກອບ ສ່ວນສໍາຄັນໃຫ້ແກ່ກອງປະຊຸມຄະນະກໍາມະການແມ່ຍິງອາຊຽນບວກສາມໃນຄັ້ງນີ້ທີ່ສຸມໃສ່ປຶກສາຫາລືກັນກ່ຽວກັບບັນຫາສິ່ງແວດລ້ອມແບບຍືນຍົງພາຍໄຕ້ຄໍາຂວັນທີ່ວ່າ: " ສົ່ງເສີມບົດບາດຍິງ-ຊາຍແລະການເປັນຄູ່ຮ່ວມຂອງແມ່ຍິງອາຊຽນເພື່ອສິ່ງແວດລ້ອມແບບຍືນຍົງ ".
ທ່ານນາງເມີ້ງສ້ຽວຊື້, ຮອງປະທານສະຫະພັນແມ່ຍິງທົ່ວປະເທດຈີນກ່າວວ່າ,ແມ່ຍິງເປັນຜູ້ຊຸກຍູ້ການພັດທະນາແບບຍືນຍົງຢ່າງຕັ້ງໜ້າ, ທັງເປັນຜູ້ໄດ້ຮັບຜົນປະໂຫຍດຫຼາຍທີ່ສຸດໃນເລື່ອງນີ້. ໃນຊຸມປີມໍ່ໆມານີ້,ການເຊື່ອມໂຍງເຂົ້າກັນຂອງອາຊຽນໄດ້ຮັບຄວາມຄືບໜ້າທີ່ສຳຄັນ,ກຳລັງສັງລວມແລະບົດບາດຂອງອາຊຽນໄດ້ເພີ່ມຂຶ້ນຕື່ມອີກ, ອາຊຽນກັບຈີນ,ຍີ່ປຸ່ນແລະສ.ເກົາຫຼີໄດ້ຊ່ວຍເຫຼືອເຊິ່ງກັນແລະກັນ, ເພີ່ມທະວີການຮ່ວມມືກັນ, ແລະສະແຫວງຫາການພັດທະນາພ້ອມກັນ, ເຊິ່ງໄດ້ຊຸກຍູ້ໃຫ້ເສດຖະກິດ,ສັງຄົມແລະວັດທະນະທຳໃນພາກພື້ນນີ້ພັດທະນາຢ່າງແຂງແຮງ, ແລະສ້າງຄວາມຜາສຸກໃຫ້ແກ່ປະຊາຊົນໃນພາກພື້ນແຫ່ງນີ້. ພວກຂ້າພະເຈົ້າຄວນເສີມສ້າງທັດສະນະຮ່ວມມືຢ່າງບໍ່ຢຸດຢັ້ງ, ມີຄວາມເຊື່ອໝັ້ນ ຢ່າງໜັກແໜ້ນໃນການຮ່ວມມື, ຍົກລະດັບການຮ່ວມມືໃຫ້ສູງຂຶ້ນ,ທຳຄວາມພະຍາຍາມເພື່ອຊຸກຍູ້ຄວາມກ້າວໜ້າແລະການພັດທະນາຂອງແມ່ຍິງ.
ຜູ້ແທນທີ່ເຂົ້າຮ່ວມປະຊຸມໄດ້ປະກອບຄຳຄິດຄຳເຫັນຢ່າງຕັ້ງໜ້າ,ຮ່ວມກັນຄົ້ນຄວ້າປຶກສາຫາລືບັນຫາຕ່າງໆ,ເຊັ່ນ, ບັນຫາການພັດທະນາສິ່ງແວດລ້ອມແບບຍືນຍົງ,ສົ່ງເສີມຄວາມສະເໝີພາບລະຫວ່າງບົດບາດຍິງຊາຍ,ພັດທະນາວຽກງານຂອງແມ່ຍິງ,ແລະອື່ນໆ.ພ້ອມທັງໄດ້ແລກປ່ຽນບົດຮຽນກ່ຽວກັບໂຄງການແລະກິດຈະກຳທີ່ກ່ຽວຂ້ອງຂອງບັນດາປະເທດ,ເພື່ອແບ່ງປັນຂໍ້ມູນຂ່າວສານແລະຖອດຖອນບົດຮຽນເຊິ່ງກັນແລະກັນ.
ທ່ານນາງ ສີໃສ ລືເດດມູນສອນ, ກໍາມະການສູນກາງພັກ, ປະທານສູນກາງສະຫະພັນແມ່ຍິງລາວໄດ້ກ່າວເປີດກອງປະຊຸມ, ໂດຍທີ່ໄດ້ເນັ້ນເຖິງຄວາມສໍາຄັນໃນການພົວພັນໃນຂອບເຂດອາຊຽນບວກສາມແລະຕີລາຄາສູງຕໍ່ຜົນສໍາເລັດການພົວພັນຮ່ວມມືໃນຂົງເຂດວຽກງານຕ່າງໆ,ລວມທັງບັນຫາສິ່ງແວດລ້ອມ ແລະບົດບາດຍິງ-ຊາຍ.ພ້ອມດຽວກັນນີ້,ທ່ານໄດ້ຊົມເຊີຍຜົນສໍາເລັດຂອງກອງປະຊຸມລັດຖະມົນຕີສິ່ງແວດລ້ອມອາຊຽນບວກສາມຄັ້ງທີ 11 ໃນເດືອນກັນຍາ 2012,ທີ່ບາງກອກປະເທດໄທ, ເຊິ່ງເປັນການປະກອບ ສ່ວນສໍາຄັນໃຫ້ແກ່ກອງປະຊຸມຄະນະກໍາມະການແມ່ຍິງອາຊຽນບວກສາມໃນຄັ້ງນີ້ທີ່ສຸມໃສ່ປຶກສາຫາລືກັນກ່ຽວກັບບັນຫາສິ່ງແວດລ້ອມແບບຍືນຍົງພາຍໄຕ້ຄໍາຂວັນທີ່ວ່າ: " ສົ່ງເສີມບົດບາດຍິງ-ຊາຍແລະການເປັນຄູ່ຮ່ວມຂອງແມ່ຍິງອາຊຽນເພື່ອສິ່ງແວດລ້ອມແບບຍືນຍົງ ".
ທ່ານນາງເມີ້ງສ້ຽວຊື້, ຮອງປະທານສະຫະພັນແມ່ຍິງທົ່ວປະເທດຈີນກ່າວວ່າ,ແມ່ຍິງເປັນຜູ້ຊຸກຍູ້ການພັດທະນາແບບຍືນຍົງຢ່າງຕັ້ງໜ້າ, ທັງເປັນຜູ້ໄດ້ຮັບຜົນປະໂຫຍດຫຼາຍທີ່ສຸດໃນເລື່ອງນີ້. ໃນຊຸມປີມໍ່ໆມານີ້,ການເຊື່ອມໂຍງເຂົ້າກັນຂອງອາຊຽນໄດ້ຮັບຄວາມຄືບໜ້າທີ່ສຳຄັນ,ກຳລັງສັງລວມແລະບົດບາດຂອງອາຊຽນໄດ້ເພີ່ມຂຶ້ນຕື່ມອີກ, ອາຊຽນກັບຈີນ,ຍີ່ປຸ່ນແລະສ.ເກົາຫຼີໄດ້ຊ່ວຍເຫຼືອເຊິ່ງກັນແລະກັນ, ເພີ່ມທະວີການຮ່ວມມືກັນ, ແລະສະແຫວງຫາການພັດທະນາພ້ອມກັນ, ເຊິ່ງໄດ້ຊຸກຍູ້ໃຫ້ເສດຖະກິດ,ສັງຄົມແລະວັດທະນະທຳໃນພາກພື້ນນີ້ພັດທະນາຢ່າງແຂງແຮງ, ແລະສ້າງຄວາມຜາສຸກໃຫ້ແກ່ປະຊາຊົນໃນພາກພື້ນແຫ່ງນີ້. ພວກຂ້າພະເຈົ້າຄວນເສີມສ້າງທັດສະນະຮ່ວມມືຢ່າງບໍ່ຢຸດຢັ້ງ, ມີຄວາມເຊື່ອໝັ້ນ ຢ່າງໜັກແໜ້ນໃນການຮ່ວມມື, ຍົກລະດັບການຮ່ວມມືໃຫ້ສູງຂຶ້ນ,ທຳຄວາມພະຍາຍາມເພື່ອຊຸກຍູ້ຄວາມກ້າວໜ້າແລະການພັດທະນາຂອງແມ່ຍິງ.
ຜູ້ແທນທີ່ເຂົ້າຮ່ວມປະຊຸມໄດ້ປະກອບຄຳຄິດຄຳເຫັນຢ່າງຕັ້ງໜ້າ,ຮ່ວມກັນຄົ້ນຄວ້າປຶກສາຫາລືບັນຫາຕ່າງໆ,ເຊັ່ນ, ບັນຫາການພັດທະນາສິ່ງແວດລ້ອມແບບຍືນຍົງ,ສົ່ງເສີມຄວາມສະເໝີພາບລະຫວ່າງບົດບາດຍິງຊາຍ,ພັດທະນາວຽກງານຂອງແມ່ຍິງ,ແລະອື່ນໆ.ພ້ອມທັງໄດ້ແລກປ່ຽນບົດຮຽນກ່ຽວກັບໂຄງການແລະກິດຈະກຳທີ່ກ່ຽວຂ້ອງຂອງບັນດາປະເທດ,ເພື່ອແບ່ງປັນຂໍ້ມູນຂ່າວສານແລະຖອດຖອນບົດຮຽນເຊິ່ງກັນແລະກັນ.
