ປະຊາຊົນຍີ່ປຸ່ນຈັດງານໂຮມຊຸມນຸມເພື່ອ"ຮຽກຮ້ອງສິ້ນສຸດການຫັນເອົາບັນຫາດິນແດນໄປໃນທາງທີ່ບໍ່ດີ"
(GMT+08:00) 2012-10-19 14:29:28 cri
ຕາມຂ່າວCRI: ວັນທີ 18 ຕຸລານີ້, ປະຊາຊົນຍີ່ປຸ່ນປະມານຮ້ອຍຄົນໄດ້ຈັດງານໂຮມຊຸມນຸມຢູ່ໃກ້ລັດຖະສະພາຍີ່ປຸ່ນເພື່ອ"ຮຽກຮ້ອງ ສິ້ນສຸດການຫັນເອົາບັນຫາດິນແດນໄປໃນທາງທີ່ບໍ່ດີ", ທັງຮຽກຮ້ອງໃຫ້ລັດຖະບານຍີ່ປຸ່ນປະຕິບັດຕໍ່ບັນຫາປະຫວັດສາດຢ່າງຖືກຕ້ອງ, ແກ້ໄຂຂໍ້ຂັດແຍ່ງທີ່ເກີດຂຶ້ນກັບປະເທດອ້ອມຂ້າງກ່ຽວກັບບັນຫາດິນແດນຢ່າງເໝາະສົມ.
ວັນທີ 28 ກັນຍາແລ້ວນີ້, ປະຊາຊົນຍີ່ປຸ່ນໄດ້ຮ່ວມກັນລົງນາມໃນຖະແຫຼງການທີ່ຊື່ວ່າ"ສິ້ນສຸດການຫັນເອົາບັນຫາດິນແດນໄປໃນທາງທີ່ບໍ່ດີ", ມາຮອດວັນທີ 17 ຕຸລານີ້, ໄດ້ມີປະຊາຊົນຍີ່ປຸ່ນປະມານ 2,000 ຄົນໄດ້ລົງນາມໃນຖະແຫຼງການສະບັບດັ່ງກ່າວ. ຕອນຫົວຄ່ຳວັນທີ 18 ຕຸລານີ້, ປະຊາຊົນຍີ່ປຸ່ນສ່ວນໜຶ່ງທີ່ເຂົ້າຮ່ວມການເຄື່ອນໄຫວດັ່ງກ່າວໄດ້ໂຮມຊຸມນຸມຢູ່ໃກ້ລັດຖະສະພາຍີ່ປຸ່ນ. ທ່ານອະຊຸຊິ ໂອກາໂມໂຕ, ອະດີດຫົວໜ້າຄະນະບັນນາທິການຂອງວາລະສານ"ໂລກ", ຜູ້ຮັບຜິດຊອບຂອງການເຄື່ອນໄຫວເທື່ອນີ້ກ່າວວ່າ:
"ມີຫຼາຍຄົນເປັນຫ່ວງນຳບັນຫາດິນແດນ, ແລະມີຄວາມຫວັງຢ່າງໜຶ່ງຄືເຮັດໃຫ້ຄວາມຄິດທີ່ຢາກໃຫ້ຍີ່ປຸ່ນກັບຈີນແລະສ.ເກົາຫຼີຢູ່ຮ່ວມກັນໂດຍສັນຕິບັນລຸຜົນເປັນຈິງນັ້ນ. ບໍ່ພຽງແຕ່ແມ່ນສະແດງຢູ່ທາງເວັບໄຊແລະດ້ວຍການລົງນາມເທົ່ານັ້ນ, ແຕ່ຍັງຕ້ອງອອກມາຮຽກຮ້ອງດ້ວຍຕົນເອງ, ສະນັ້ນພວກເຮົາຈຶ່ງມາເຕົ້າໂຮມກັນຢູ່ບ່ອນນີ້."
ສະມາຊິກລັດຖະສະພາຍີ່ປຸ່ນຫຼາຍຄົນກໍ່ໄດ້ເຂົ້າຮ່ວມການເຄື່ອນໄຫວດັ່ງກ່າວແລະໄດ້ປະກອບຄຳເຫັນ. ທ່ານເບນ ຮາຊິໂມໂຕ, ສະມາຊິກສະພາຕ່ຳຍີ່ປຸ່ນ, ສະມາຊິກພັກປະຊາທິປະໄຕຍີ່ປຸ່ນຊີ້ອອກວ່າ, ສາເຫດຕົ້ນຕໍທີ່ເຮັດໃຫ້ການພົວພັນລະຫວ່າງຈີນກັບຍີ່ປຸ່ນຕົກຢູ່ສະພາບການຊຸດຮ້າຍທີ່ສຸດນັ້ນກໍຍ້ອນລັດຖະບານໂນດະ ໂຢຊິຮິໂຄປະຕິບັດມາດຕະການອັນທີ່ເອີ້ນວ່າ"ຫັນເກາະຕ້ຽວອີເປັນຂອງລັດ".
"ຖ້າວ່າຫຼັກໝັ້ນຂອງຍີ່ປຸ່ນກັບຈີນປີ້ນກັນ, ຂ້າພະເຈົ້າກໍ່ຈະຮູ້ສຶກຄຽດແຄ້ນເຊັ່ນກັນ. ຂ້າພະເຈົ້າເຫັນວ່າ, ກ່ຽວກັບບັນຫາດັ່ງກ່າວຄວນພິຈາລະນາດ້ວຍຄວາມລະອຽດອ່ອນແລະລະມັດລະວັງກວ່າເກົ່າ."
ທ່ານຣີໂອອິຊິ ຮາໂຕຣິ, ສະມາຊິກສະພາຕ່ຳຂອງຍີ່ປຸ່ນ, ສະມາຊິກພັກສັງຄົມປະຊາທິປະໄຕຍີ່ປຸ່ນກໍ່ໄດ້ສະແດງຄວາມເຫັນທີ່ຄືກັນ.
"ການກະທຳຂອງລັດຖະບານໂຢຊິຮິໂຄແມ່ນຜິດພາດທີ່ສຸດ, ຂ້າພະເຈົ້າເຫັນວ່ານີ້ໄດ້ທຳລາຍການພົວພັນໄວ້ເນື້ອເຊື່ອໃຈກັນລະຫວ່າງຍີ່ປຸ່ນກັບຈີນພາຍຫຼັງການພົວພັນລະຫວ່າງສອງປະເທດຫັນເປັນປົກກະຕິ."
ກ່ຽວກັບສະພາບຄວາມຂັດແຍ່ງຂອງການພົວພັນລະຫວ່າງຈີນກັບຍີ່ປຸ່ນໃນອະນາຄົດຈະປ່ຽນແປງແນວໃດ, ທ່ານຮາໂຕຣິກ່າວວ່າ:
"ຍັງມີປະຊາຊົນຍີ່ປຸ່ນທີ່ມີໃຈອົດທົດອົດກັ້ນຫຼາຍຄົນຫວັງຢາກໃຫ້ຂະຫຍາຍການພົວພັນທີ່ດີກັບຈີນ. ຂ້າພະເຈົ້າຄິດວ່າ, ຖ້າເປີດກວ້າງການເຄື່ອນໄຫວຄືແນວນີ້ເທື່ອລະກ້າວ, ມັນຈະມີຜົນດີທີ່ສຸດຕໍ່ເລື່ອງນີ້."
ນາງໂດອິ, ປະຊາຊົນທຳມະດາສາມັນຜູ້ໜຶ່ງທີ່ເຂົ້າຮ່ວມການເຄື່ອນໄຫວໃນຄັ້ງນີ້ກ່າວວ່າ, ຫວັງວ່າຈະແກ້ໄຂບັນຫາທີ່ເກີດຂຶ້ນໃນປະຈຸບັນໂດຍຜ່ານການເຈລະຈາ.
"ການພົວພັນກັບປະເທດໃກ້ຄຽງ, ຕ້ອງແກ້ໄຂດ້ວຍການເຈລະຈາແລະການປຶກສາຫາລືຢ່າງມີໄມຕີຈິດ. ມາຮອດປະຈຸບັນ, ສອງຝ່າຍລ້ວນແຕ່ປະຕິບັດໄປຄືແນວນີ້, ສະນັ້ນຂ້າພະເຈົ້າກໍ່ຫວັງວ່າສາມາດຍຶດໝັ້ນຕໍ່ໄປໃນອະນາຄົດ."
ກ່ຽວກັບແຜນການຕາມຫຼັງຂອງການເຄື່ອນໄຫວ, ທ່ານໂອກາໂມໂຕກ່າວວ່າ, ຈະທົດລອງຈັດກອງປະຊຸມສຳມະນາແລະອື່ນໆລະຫວ່າງຍີ່ປຸ່ນກັບຈີນແລະສ.ເກົາຫຼີໂດຍມີຄົນສຳຄັນທີ່ເປັນຕົວແທນຈາກປະຊາຊົນເຂົ້າຮ່ວມ, ຫວັງວ່າຈະເປັນການເພີ່ມບົດບາດແລະປະສິດທິຜົນຂອງການແລກປ່ຽນລະຫວ່າງປະຊາຊົນຕື່ມອີກ.
ວັນທີ 28 ກັນຍາແລ້ວນີ້, ປະຊາຊົນຍີ່ປຸ່ນໄດ້ຮ່ວມກັນລົງນາມໃນຖະແຫຼງການທີ່ຊື່ວ່າ"ສິ້ນສຸດການຫັນເອົາບັນຫາດິນແດນໄປໃນທາງທີ່ບໍ່ດີ", ມາຮອດວັນທີ 17 ຕຸລານີ້, ໄດ້ມີປະຊາຊົນຍີ່ປຸ່ນປະມານ 2,000 ຄົນໄດ້ລົງນາມໃນຖະແຫຼງການສະບັບດັ່ງກ່າວ. ຕອນຫົວຄ່ຳວັນທີ 18 ຕຸລານີ້, ປະຊາຊົນຍີ່ປຸ່ນສ່ວນໜຶ່ງທີ່ເຂົ້າຮ່ວມການເຄື່ອນໄຫວດັ່ງກ່າວໄດ້ໂຮມຊຸມນຸມຢູ່ໃກ້ລັດຖະສະພາຍີ່ປຸ່ນ. ທ່ານອະຊຸຊິ ໂອກາໂມໂຕ, ອະດີດຫົວໜ້າຄະນະບັນນາທິການຂອງວາລະສານ"ໂລກ", ຜູ້ຮັບຜິດຊອບຂອງການເຄື່ອນໄຫວເທື່ອນີ້ກ່າວວ່າ:
"ມີຫຼາຍຄົນເປັນຫ່ວງນຳບັນຫາດິນແດນ, ແລະມີຄວາມຫວັງຢ່າງໜຶ່ງຄືເຮັດໃຫ້ຄວາມຄິດທີ່ຢາກໃຫ້ຍີ່ປຸ່ນກັບຈີນແລະສ.ເກົາຫຼີຢູ່ຮ່ວມກັນໂດຍສັນຕິບັນລຸຜົນເປັນຈິງນັ້ນ. ບໍ່ພຽງແຕ່ແມ່ນສະແດງຢູ່ທາງເວັບໄຊແລະດ້ວຍການລົງນາມເທົ່ານັ້ນ, ແຕ່ຍັງຕ້ອງອອກມາຮຽກຮ້ອງດ້ວຍຕົນເອງ, ສະນັ້ນພວກເຮົາຈຶ່ງມາເຕົ້າໂຮມກັນຢູ່ບ່ອນນີ້."
ສະມາຊິກລັດຖະສະພາຍີ່ປຸ່ນຫຼາຍຄົນກໍ່ໄດ້ເຂົ້າຮ່ວມການເຄື່ອນໄຫວດັ່ງກ່າວແລະໄດ້ປະກອບຄຳເຫັນ. ທ່ານເບນ ຮາຊິໂມໂຕ, ສະມາຊິກສະພາຕ່ຳຍີ່ປຸ່ນ, ສະມາຊິກພັກປະຊາທິປະໄຕຍີ່ປຸ່ນຊີ້ອອກວ່າ, ສາເຫດຕົ້ນຕໍທີ່ເຮັດໃຫ້ການພົວພັນລະຫວ່າງຈີນກັບຍີ່ປຸ່ນຕົກຢູ່ສະພາບການຊຸດຮ້າຍທີ່ສຸດນັ້ນກໍຍ້ອນລັດຖະບານໂນດະ ໂຢຊິຮິໂຄປະຕິບັດມາດຕະການອັນທີ່ເອີ້ນວ່າ"ຫັນເກາະຕ້ຽວອີເປັນຂອງລັດ".
"ຖ້າວ່າຫຼັກໝັ້ນຂອງຍີ່ປຸ່ນກັບຈີນປີ້ນກັນ, ຂ້າພະເຈົ້າກໍ່ຈະຮູ້ສຶກຄຽດແຄ້ນເຊັ່ນກັນ. ຂ້າພະເຈົ້າເຫັນວ່າ, ກ່ຽວກັບບັນຫາດັ່ງກ່າວຄວນພິຈາລະນາດ້ວຍຄວາມລະອຽດອ່ອນແລະລະມັດລະວັງກວ່າເກົ່າ."
ທ່ານຣີໂອອິຊິ ຮາໂຕຣິ, ສະມາຊິກສະພາຕ່ຳຂອງຍີ່ປຸ່ນ, ສະມາຊິກພັກສັງຄົມປະຊາທິປະໄຕຍີ່ປຸ່ນກໍ່ໄດ້ສະແດງຄວາມເຫັນທີ່ຄືກັນ.
"ການກະທຳຂອງລັດຖະບານໂຢຊິຮິໂຄແມ່ນຜິດພາດທີ່ສຸດ, ຂ້າພະເຈົ້າເຫັນວ່ານີ້ໄດ້ທຳລາຍການພົວພັນໄວ້ເນື້ອເຊື່ອໃຈກັນລະຫວ່າງຍີ່ປຸ່ນກັບຈີນພາຍຫຼັງການພົວພັນລະຫວ່າງສອງປະເທດຫັນເປັນປົກກະຕິ."
ກ່ຽວກັບສະພາບຄວາມຂັດແຍ່ງຂອງການພົວພັນລະຫວ່າງຈີນກັບຍີ່ປຸ່ນໃນອະນາຄົດຈະປ່ຽນແປງແນວໃດ, ທ່ານຮາໂຕຣິກ່າວວ່າ:
"ຍັງມີປະຊາຊົນຍີ່ປຸ່ນທີ່ມີໃຈອົດທົດອົດກັ້ນຫຼາຍຄົນຫວັງຢາກໃຫ້ຂະຫຍາຍການພົວພັນທີ່ດີກັບຈີນ. ຂ້າພະເຈົ້າຄິດວ່າ, ຖ້າເປີດກວ້າງການເຄື່ອນໄຫວຄືແນວນີ້ເທື່ອລະກ້າວ, ມັນຈະມີຜົນດີທີ່ສຸດຕໍ່ເລື່ອງນີ້."
ນາງໂດອິ, ປະຊາຊົນທຳມະດາສາມັນຜູ້ໜຶ່ງທີ່ເຂົ້າຮ່ວມການເຄື່ອນໄຫວໃນຄັ້ງນີ້ກ່າວວ່າ, ຫວັງວ່າຈະແກ້ໄຂບັນຫາທີ່ເກີດຂຶ້ນໃນປະຈຸບັນໂດຍຜ່ານການເຈລະຈາ.
"ການພົວພັນກັບປະເທດໃກ້ຄຽງ, ຕ້ອງແກ້ໄຂດ້ວຍການເຈລະຈາແລະການປຶກສາຫາລືຢ່າງມີໄມຕີຈິດ. ມາຮອດປະຈຸບັນ, ສອງຝ່າຍລ້ວນແຕ່ປະຕິບັດໄປຄືແນວນີ້, ສະນັ້ນຂ້າພະເຈົ້າກໍ່ຫວັງວ່າສາມາດຍຶດໝັ້ນຕໍ່ໄປໃນອະນາຄົດ."
ກ່ຽວກັບແຜນການຕາມຫຼັງຂອງການເຄື່ອນໄຫວ, ທ່ານໂອກາໂມໂຕກ່າວວ່າ, ຈະທົດລອງຈັດກອງປະຊຸມສຳມະນາແລະອື່ນໆລະຫວ່າງຍີ່ປຸ່ນກັບຈີນແລະສ.ເກົາຫຼີໂດຍມີຄົນສຳຄັນທີ່ເປັນຕົວແທນຈາກປະຊາຊົນເຂົ້າຮ່ວມ, ຫວັງວ່າຈະເປັນການເພີ່ມບົດບາດແລະປະສິດທິຜົນຂອງການແລກປ່ຽນລະຫວ່າງປະຊາຊົນຕື່ມອີກ.
