ກອງປະຊຸມພາກປະຊາຊົນອາຊີ-ເອີລົບຄັ້ງທີ9ປິດລົງດ້ວຍຜົນສຳເລັດຈົບງາມ
(GMT+08:00) 2012-10-19 14:52:52 cri
ຜູ່ຕາງໜ້າມອບບົດສັງລວມຄຳຄິດເຫັນຂອງຜູ່ແທນໃຫ້ແກ່ທ່ານອາລຸນ ແກ້ວກິດຕິຄຸນ
ກອງປະຊຸມພາກປະຊາຊົນອາຊີ-ເອີລົບ ໄດ້ດຳເນີນມາເປັນເວລາ 4 ວັນ ຄືແຕ່ວັນທີ 16-19ຕຸລານີ້, ໂດຍປຶກສາຫາລື4ຫົວຂໍ້ໃຫຍ່ຄື:ການເຂົ້າເຖິງການປົກປ້ອງທາງສັງຄົມແລະການບໍລິການທີ່ຈຳເປັນ,ການຄ້ຳປະກັນດ້ານສະບຽງອາຫານແລະການຄຸ້ມຄອງຊັບພະຍາກອນທຳມະຊາດແລະທີ່ດິນແບບຍືນຍົງ,ການຜະລິດແລະການນຳໃຊ້ພະລັງງານແບບຍືນຍົງ,ຄວາມສະເໝີພາບໃນການມີວຽກເຮັດງານທຳແລະວິຖີຊີວິດແບບຍືນຍົງ,ນອກນັ້ນກໍໄດ້ມີການປຶກສາຫາຫລືເປັນກຸ່ມຍ່ອຍໃນຈຳນວນ36ຫົວຂໍ້ຍ່ອຍທີ່ແຕກຕ່າງກັນ.
ພ້ອມກັນນີ້, ໃນພິທີປິດກອງປະຊຸມ,ທ່ານສົມບັດ ສົມພອນ,ຜູ້ຕາງໜັາຄະນະກຳມະການລະດັບຊາດພ້ອມດ້ວຍຜູ້ຕາງໜ້າຄະນະກຳມະການລະດັບສາກົນໄດ້ມອບບົດສັງລວມຄຳຄິດເຫັນຂອງຜູ້ແທນກອງປະຊຸມໃຫ້ແກ່ທ່ານ ອາລຸນແກ້ວ ກິດຕິຄຸນ ໃນນາມເຈົ້າໜ້າທີ່ອາວຸໂສອາຊຽນເພື່ອນຳສະເໜີຕໍ່ກອງປະຊຸມອາເຊັມຄັ້ງທີ 9ທີ່ລາວເປັນເຈົ້າພາບໃນເດືອນພະຈິກທີ່ຈະມາເຖິງນີ້.
