ຕອນບ່າຍ ຂອງວັນທີ 19 ຕຸລານີ້, ທີ່ສະພາແຫ່ງຊາດນະຄອນຫຼວງວຽງຈັນ, ທ່ານ ນາງ ປານີ ຢ່າທໍ່ຕູ້ປະທານສະພາແຫ່ງຊາດລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ບັນດາຄະນະຜູ້ແທນແມ່ຍິງອາຊຽນ ຈຳນວນ16ທ່ານ,ໂດຍການນຳພາຂອງ ທ່ານ ນາງ ສີໃສ ລືເດດມູນສອນກຳມະການສູນການພັກ,ປະທານສູນກາງສະຫະພັນແມ່ຍິງລາວ.
ໃນການຕ້ອນຮັບ ທ່ານໄດ້ສະແດງການຕ້ອນຮັບຢ່າງອົບອຸ່ນ,ພ້ອມທັງຕີລາຄາສູງຕໍ່ກອງປະຊຸມລັດຖະມົນຕີຍິງອາຊຽນ,ທີ່ໄດ້ປຶກສາຫາລືກ່ຽວກັບບັນຫາການສົ່ງເສີມບົດ ບາດຍິງ-ຊາຍ ແລະການເປັນຄູ່ຮ່ວມຂອງແມ່ຍິງອາຊຽນເພື່ອສິ່ງແວດລ້ອມແບບຢືນຍົງ.ພ້ອມນີ້,ທ່ານຍັງໄດ້ສະແດງຄວາມດີໃຈຕໍ່ການເຂົ້າຢ້ຽມຂ່ຳນັບຂອງບັນດາຄະນະຜູ້ແທນແມ່ຍິງອາຊຽນອີກດ້ວຍ.
