ກອງປະຊຸມລັດຖະມົນຕີອາຊຽນຮັບຜິດຊອງວຽກງານແມ່ຍິງຄັ້ງທີໜຶ່ງປິດລົງດ້ວຍຜົນສຳເລັດຢ່າງຈົບງາມ
(GMT+08:00) 2012-10-20 14:47:17 cri
ຕາມຂ່າວCRI: ຕອນບ່າຍວັນທີ19ຕຸລານີ້, ກອງປະຊຸມລັດຖະມົນຕີອາຊຽນຮັບຜິດຊອງວຽກງານແມ່ຍິງຄັ້ງທີໜຶ່ງ ຫຼື AMMW ທີ່ຈັດຂຶ້ນຢູ່ນະຄອນຫຼວງວຽງຈັນ ໄດ້ປິດລົງດ້ວຍຜົນສຳເລັດຢ່າງຈົບງາມ, ຄະນະຜູ້ແທນຈາກບັນດາປະເທດອາຊຽນທີ່ຮ່ວມປະຊຸມ ໄດ້ແລກປ່ຽນຄຳຄິດຄຳເຫັນ ກ່ຽວກັບບົດຮຽນແລະສິ່ງທ້າທາຍຂອງວຽກງານແມ່ຍິງ, ປຶກສາຫາລືກ່ຽວກັບບົດລາຍງານຂອງກອງປະຊຸມຄະນະກຳມາທິການແມ່ຍິງອາຊຽນຄັ້ງທີ11, ແລະກອງປະຊຸມຄະນະກຳມາທິການແມ່ຍິງອາຊຽນກັບຈີນ ຍີ່ປຸ່ນແລະສ.ເກົາຫຼີ. ຫຼັງກອງປະຊຸມ, ໄດ້ປະກາດ ຖະແຫຼງການວຽງຈັນ ກ່ຽວກັບ"ການສົ່ງເສີມບົດບາດຍິງ-ຊາຍ ແລະການເປັນຄູ່ຮ່ວມມືຂອງແມ່ຍິງອາຊຽນເພື່ອສິ່ງແວດລ້ອມແບບຍືນຍົງ" .
ຖະແຫຼງການຂຽນວ່າ, ບົນພື້ນຖານຜົນງານຂອງກອງປະຊຸມຄັ້ງນີ້, ບັນດາປະເທດອາຊຽນຈະເພີ່ມທະວີການຮ່ວມມືແລະການຕິດຕໍ່ພົວພັນຕື່ມອີກ, ສະແຫວງຫາການພັດທະນາພ້ອມກັນ, ແລະໃຫ້ຄຳໝັ້ນສັນຍາວ່າຈະພະຍາຍາມຍົກສູງຄວາມສາມາດແລະບົດບາດຂອງແມ່ຍິງໃນຂົງເຂດຕ່າງໆໃນສັງຄົມຢູ່ພາກພື້ນນີ້, ສົ່ງເສີມແມ່ຍິງອາຊຽນປະກອບສ່ວນຫຼາຍກວ່າເກົ່າເຂົ້າໃນການພັດທະນາແບບຍືນຍົງຂອງສິ່ງແວດລ້ອມ.
ຖະແຫຼງການຍັງຂຽນວ່າ, ຄະນະກຳມາທິການແມ່ຍິງອາຊຽນຈະເພີ່ມທະວີການຮ່ວມມືກັບອົງການຈັດຕັ້ງຕ່າງໆພາຍໃນອາຊຽນ, ບົນພື້ນຖານທີ່ເຄົາລົບກົດໝາຍແລະນະໂຍບາຍຂອງບັນດາປະເທດອາຊຽນ, ພະຍາຍາມຫຼາຍສຸດຂີດເພື່ອຊຸກຍູ້ການຈັດຕັ້ງປະຕິບັດຖະແຫຼງການສະບັບນີ້ໃຫ້ໄດ້ຮັບຜົນສຳເລັດ.
ກອງປະຊຸມຄັ້ງນີ້ໄດ້ຮັບຮອງເປັນເອກະສັນກັນວ່າ, ກອງປະຊຸມລັດຖະມົນຕີອາຊຽນຮັບຜິດຊອບວຽກງານແມ່ຍິງຄັ້ງທີ 2 ຈະຈັດຂຶ້ນຢູ່ປະເທດຟິລິບປິນໃນປີ 2015.
ຖະແຫຼງການຂຽນວ່າ, ບົນພື້ນຖານຜົນງານຂອງກອງປະຊຸມຄັ້ງນີ້, ບັນດາປະເທດອາຊຽນຈະເພີ່ມທະວີການຮ່ວມມືແລະການຕິດຕໍ່ພົວພັນຕື່ມອີກ, ສະແຫວງຫາການພັດທະນາພ້ອມກັນ, ແລະໃຫ້ຄຳໝັ້ນສັນຍາວ່າຈະພະຍາຍາມຍົກສູງຄວາມສາມາດແລະບົດບາດຂອງແມ່ຍິງໃນຂົງເຂດຕ່າງໆໃນສັງຄົມຢູ່ພາກພື້ນນີ້, ສົ່ງເສີມແມ່ຍິງອາຊຽນປະກອບສ່ວນຫຼາຍກວ່າເກົ່າເຂົ້າໃນການພັດທະນາແບບຍືນຍົງຂອງສິ່ງແວດລ້ອມ.
ຖະແຫຼງການຍັງຂຽນວ່າ, ຄະນະກຳມາທິການແມ່ຍິງອາຊຽນຈະເພີ່ມທະວີການຮ່ວມມືກັບອົງການຈັດຕັ້ງຕ່າງໆພາຍໃນອາຊຽນ, ບົນພື້ນຖານທີ່ເຄົາລົບກົດໝາຍແລະນະໂຍບາຍຂອງບັນດາປະເທດອາຊຽນ, ພະຍາຍາມຫຼາຍສຸດຂີດເພື່ອຊຸກຍູ້ການຈັດຕັ້ງປະຕິບັດຖະແຫຼງການສະບັບນີ້ໃຫ້ໄດ້ຮັບຜົນສຳເລັດ.
ກອງປະຊຸມຄັ້ງນີ້ໄດ້ຮັບຮອງເປັນເອກະສັນກັນວ່າ, ກອງປະຊຸມລັດຖະມົນຕີອາຊຽນຮັບຜິດຊອບວຽກງານແມ່ຍິງຄັ້ງທີ 2 ຈະຈັດຂຶ້ນຢູ່ປະເທດຟິລິບປິນໃນປີ 2015.
