ທ່ານດຣ.ທອງລຸນ ສີສຸດລິດກ່າວວ່າ,ກອງປະຊຸມສຸດຍອດອາເຊັມ9ມີຄວາມໝາຍສຳຄັນຕໍ່ປະເທດລາວ
(GMT+08:00) 2012-10-24 14:30:35 cri
ວັນທີ23ຕຸລານີ້,ໃນເວລາໃຫ້ສຳພາດຕໍ່ສື່ມວນຊົນ,ທ່ານດຣ.ທອງລຸນ ສີສຸລິດ,ຮອງນາຍົກລັດຖະມົນຕີ,ລັດຖະມົນຕີວ່າການກະຊວງການຕ່າງປະເທດລາວກ່າວວ່າ,ກອງປະຊຸມສຸດຍອດອາເຊັມ9ມີຄວາມໝາຍສຳຄັນຕໍ່ສປປລາວ.
ທ່ານດຣ.ທອງລຸນ ສີສຸລິດກ່າວວ່າ,ກອງປະຊຸມສຸດຍອດອາເຊັມມີຄຳຂວັນວ່າ"ເພື່ອນມິດເພື່ອສັນຕິພາບ,ຄູ່ຮ່ວມມືເພື່ອຄວາມສົມບູນພູນສຸກ",ໃນກອງປະຊຸມຈະຮັບຮອງເອົາ"ບົດຖະແຫຼງຂອງປະທານກອງປະຊຸມສຸດຍອດອາເຊັມຄັ້ງທີ9"ແລະ"ຖະແຫຼງການວຽງຈັນວ່າດ້ວຍການຮັດແໜ້ນການເປັນຄູ່ຮ່ວມມືເພື່ອສັນຕິພາບແລະການພັດທະນາ".
ທ່ານດຣ.ທອງລຸນ ສີສຸດລິດກ່າວຕໍ່ໄປວ່າ,ການເປັນເຈົ້າພາບກອງປະຊຸມສຸດຍອດອາເຊັມຄັ້ງທີ9ເປັນເຫດການປະຫວັດສາດອັນຍິ່ງໃຫຍ່ແລະສຳຄັນອັນໜຶ່ງ, ເປັນໂອກາດອັນດີສຳລັບສປປລາວໃນການຍົກສູງຖານະບົດບາດຂອງຕົນຂຶ້ນອີກລະດັບໜຶ່ງໃນເວທີພາກພື້ນແລະສາກົນ,ເປັນໂອກາດໃຫ້ສະມາຊິກອາເຊັມຮູ້ແນວທາງນະໂຍບາຍເປີດກວ້າງການພົວພັນຮ່ວມມືກັບຕ່າງປະເທດຂອງສປປລາວໃນພາກພື້ນແລະສາກົນ,ປະກອບສ່ວນເຂົ້າໃນການສົ່ງເສີມແລະປົກປັກຮັກສາສັນຕິພາບ,ສະຖຽນລະພາບໃນພາກພື້ນອາຊີແລະເອີຣົບແລະໃນໂລກ,ສ້າງເງື່ອນໄຂອັນດີໃຫ້ແກ່ການສ້າງສາພັດທະນາເສດຖະກິດສັງຄົມຂອງສປປລາວ;ຈະສາມາດເພີ່ມທະວີການຮ່ວມມືແລະສົ່ງເສີມການເຊື່ອມໂຍງດ້ານເສດຖະກິດກັບບັນດາປະເທດໃນພາກພື້ນອາຊີແລະເອີຣົບ,ເພື່ອສົ່ງເສີມການສົ່ງອອກສິນຄ້າຂອງສປປລາວແລະດຶງດູດການລົງທຶນຈາກຕ່າງປະເທດ, ຍາດແຍ່ງການສະໜັບສະໜູນຊ່ວຍເຫຼືອທາງດ້ານທຶນຮອນ,ວິຊາການ, ເຕັກໂນໂລຊີແລະຖອດຖອນບົດຮຽນດ້ານຕ່າງໆເພື່ອນຳມາໝູນໃຊ້ເຂົ້າໃນການພັດທະນາເສດຖະກິດຂອງສປປລາວ; ຈະເປັນໂອກາດອັນດີເພື່ອໂຄສະນາເຜີຍແຜ່ວັດທະນະທຳແລະຮີດຄອງປະເພນີອັນດີງາມແລະຄວາມເປັນເອກະລັກຂອງຊາດລາວອອກສູ່ສາຍຕາປະຊາຊົນທັງສອງພາກພື້ນ,ເພື່ອຊຸກຍູ້ການທ່ອງທ່ຽວຂອງປະເທດລາວ.
ທ່ານຍັງກ່າວຕື່ມອີກວ່າ,ວຽກງານກະກຽມຂອງກອງປະຊຸມສຸດຍອດອາເຊັມ ຄັ້ງທີ9ໄດ້ມີຄວາມພ້ອມແລ້ວ,ຕົວຢ່າງຄື: ຫໍປະຊຸມ, ເຮືອນພັກປະມຸກລັດ,ພິທີການ,ການປ້ອງກັນຄວາມສະຫງົບແລະຄວາມເປັນລະບຽບຮຽບຮ້ອຍໃນສັງຄົມ,ການບໍລິການສື່ມວນຊົນພາຍໃນແລະຕ່າງ ປະເທດ,ການສະແດງສິລະປະວັນນະຄະດີ,ແລະການບໍລິການປິ່ນປົວເຫຼົ່ານີ້ເປັນຕົ້ນ, ແລະກໍ່ຫວັງວ່າ,ປະຊາຊົນທົ່ວປະເທດລາວ, ໂດຍສະເພາະປະຊາຊົນນະຄອນຫຼວງວຽງຈັນຈະສະແດງນ້ຳໃຈອັນເປັນມູນເຊື້ອທີ່ດີງາມຂອງລາວ,ເພື່ອສະໜັບສະໜູນກອງປະຊຸມຄັ້ງນີ້ໃຫ້ໄດ້ຮັບຜົນສຳເລັດຢ່າງຈົບງາມ.
ທ່ານດຣ.ທອງລຸນ ສີສຸລິດກ່າວວ່າ,ກອງປະຊຸມສຸດຍອດອາເຊັມມີຄຳຂວັນວ່າ"ເພື່ອນມິດເພື່ອສັນຕິພາບ,ຄູ່ຮ່ວມມືເພື່ອຄວາມສົມບູນພູນສຸກ",ໃນກອງປະຊຸມຈະຮັບຮອງເອົາ"ບົດຖະແຫຼງຂອງປະທານກອງປະຊຸມສຸດຍອດອາເຊັມຄັ້ງທີ9"ແລະ"ຖະແຫຼງການວຽງຈັນວ່າດ້ວຍການຮັດແໜ້ນການເປັນຄູ່ຮ່ວມມືເພື່ອສັນຕິພາບແລະການພັດທະນາ".
ທ່ານດຣ.ທອງລຸນ ສີສຸດລິດກ່າວຕໍ່ໄປວ່າ,ການເປັນເຈົ້າພາບກອງປະຊຸມສຸດຍອດອາເຊັມຄັ້ງທີ9ເປັນເຫດການປະຫວັດສາດອັນຍິ່ງໃຫຍ່ແລະສຳຄັນອັນໜຶ່ງ, ເປັນໂອກາດອັນດີສຳລັບສປປລາວໃນການຍົກສູງຖານະບົດບາດຂອງຕົນຂຶ້ນອີກລະດັບໜຶ່ງໃນເວທີພາກພື້ນແລະສາກົນ,ເປັນໂອກາດໃຫ້ສະມາຊິກອາເຊັມຮູ້ແນວທາງນະໂຍບາຍເປີດກວ້າງການພົວພັນຮ່ວມມືກັບຕ່າງປະເທດຂອງສປປລາວໃນພາກພື້ນແລະສາກົນ,ປະກອບສ່ວນເຂົ້າໃນການສົ່ງເສີມແລະປົກປັກຮັກສາສັນຕິພາບ,ສະຖຽນລະພາບໃນພາກພື້ນອາຊີແລະເອີຣົບແລະໃນໂລກ,ສ້າງເງື່ອນໄຂອັນດີໃຫ້ແກ່ການສ້າງສາພັດທະນາເສດຖະກິດສັງຄົມຂອງສປປລາວ;ຈະສາມາດເພີ່ມທະວີການຮ່ວມມືແລະສົ່ງເສີມການເຊື່ອມໂຍງດ້ານເສດຖະກິດກັບບັນດາປະເທດໃນພາກພື້ນອາຊີແລະເອີຣົບ,ເພື່ອສົ່ງເສີມການສົ່ງອອກສິນຄ້າຂອງສປປລາວແລະດຶງດູດການລົງທຶນຈາກຕ່າງປະເທດ, ຍາດແຍ່ງການສະໜັບສະໜູນຊ່ວຍເຫຼືອທາງດ້ານທຶນຮອນ,ວິຊາການ, ເຕັກໂນໂລຊີແລະຖອດຖອນບົດຮຽນດ້ານຕ່າງໆເພື່ອນຳມາໝູນໃຊ້ເຂົ້າໃນການພັດທະນາເສດຖະກິດຂອງສປປລາວ; ຈະເປັນໂອກາດອັນດີເພື່ອໂຄສະນາເຜີຍແຜ່ວັດທະນະທຳແລະຮີດຄອງປະເພນີອັນດີງາມແລະຄວາມເປັນເອກະລັກຂອງຊາດລາວອອກສູ່ສາຍຕາປະຊາຊົນທັງສອງພາກພື້ນ,ເພື່ອຊຸກຍູ້ການທ່ອງທ່ຽວຂອງປະເທດລາວ.
ທ່ານຍັງກ່າວຕື່ມອີກວ່າ,ວຽກງານກະກຽມຂອງກອງປະຊຸມສຸດຍອດອາເຊັມ ຄັ້ງທີ9ໄດ້ມີຄວາມພ້ອມແລ້ວ,ຕົວຢ່າງຄື: ຫໍປະຊຸມ, ເຮືອນພັກປະມຸກລັດ,ພິທີການ,ການປ້ອງກັນຄວາມສະຫງົບແລະຄວາມເປັນລະບຽບຮຽບຮ້ອຍໃນສັງຄົມ,ການບໍລິການສື່ມວນຊົນພາຍໃນແລະຕ່າງ ປະເທດ,ການສະແດງສິລະປະວັນນະຄະດີ,ແລະການບໍລິການປິ່ນປົວເຫຼົ່ານີ້ເປັນຕົ້ນ, ແລະກໍ່ຫວັງວ່າ,ປະຊາຊົນທົ່ວປະເທດລາວ, ໂດຍສະເພາະປະຊາຊົນນະຄອນຫຼວງວຽງຈັນຈະສະແດງນ້ຳໃຈອັນເປັນມູນເຊື້ອທີ່ດີງາມຂອງລາວ,ເພື່ອສະໜັບສະໜູນກອງປະຊຸມຄັ້ງນີ້ໃຫ້ໄດ້ຮັບຜົນສຳເລັດຢ່າງຈົບງາມ.
