ຜູ້ນຳ 50 ປະເທດສະມາຊິກຕອບຮັບການເຂົ້າຮ່ວມກອງປະຊຸມສຸດຍອດອາຊີ-ເອີຣົບຄັ້ງທີ9
(GMT+08:00) 2012-10-24 14:43:42 cri
ວັນທີ 23 ຕຸລານີ້, ທີ່ກະຊວງການຕ່າງປະເທດລາວ ທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ,ລັດຖະມົນຕີວ່າການກະຊວງການຕ່າງປະເທດໄດ້ໃຫ້ສຳພາດຕໍ່ສື່ມວນຊົນວ່າ:ມາຮອດປະຈຸບັນ ມີຜູ້ນຳຈາກ50ປະເທດສະມາຊິກອາເຊັມໄດ້ຕອບຢືນຢັນຈະເຂົ້າຮ່ວມກອງປະຊຸມອາເຊັມ ຄັ້ງທີ 9, ໃນນັ້ນ ມີລະດັບປະມຸກລັດ14ທ່ານ,ຫົວຫນ້າລັດຖະບານ21ທ່ານ,ຮອງນາຍົກລັດຖະມົນຕີ2ທ່ານ,ລັດຖະມົນຕີວ່າການ12ທ່ານ ແລະ ລັດຖະມົນຕີຊ່ວຍວ່າ ການ 1 ທ່ານ.ພ້ອມນັ້ນຍັງມີ4ປະເທດທີ່ສະເຫນີຢ້ຽມຢາມເປັນທາງການສອງຝ່າຍ ແລະ13ປະເທດຂໍພົບປະສອງຝ່າຍ.ປັດຈຸບັນສະມາຊິກອາເຊັມມີທັງຫມົດ51ສະມາຊິກໃນນັ້ນມີ49ປະເທດຈາກອາຊີ ແລະ ເອີຣົບ,ກອງເລຂາອາຊຽນ ແລະສະຫະພາບເອີຣົບ,ພ້ອມທັງປະ ເທດທີ່ຈະຖືກຮັບເອົາເປັນສະມາຊິກໃໝ່ ຄື:ບັງກລາເທດ,ສະວິດເຊີແລນແລະນອກແວ.
