ອຸດສາຫະກຳຕັດຫຍິບລາວຈະນຳໃຊ້ໂອກາດທີ່ຈະເຂົ້າເປັນສະມາຊິກອົງການການຄ້າໂລກເພື່ອເລັ່ງລັດປັບປຸງລະດັບອຸດສາຫະກຳໃຫ້ສູງຂຶ້ນ
(GMT+08:00) 2012-10-25 13:36:20 cri
ລາວຈະເຂົ້າເປັນສະມາຊິກຂອງອົງການການຄ້າໂລກຫຼືTWOຢ່າງເປັນທາງການໂດຍກາຍເປັນສະມາຊິກທີ158ຂອງອົງການການຄ້າໂລກໃນວັນທີ26ຕຸລາປີ2012ນີ້.ປະຈຸບັນ,ຂະແໜງອຸດສາຫະກຳຕ່າງໆຂອງລາວກຳລັງຕັ້ງໜ້າກະກຽມ,ກຳໂອກາດທີ່ປະເທດລາວຈະເຂົ້າເປັນສະມາຊິກອົງການການຄ້າໂລກເພື່ອພັດທະນາອຸດສາຫະກຳຕົນເອງ.ຫວ່າງກ່ອນນີ້ບໍ່ດົນ,ໃນເວລາໃຫ້ສຳພາດຕໍ່ນັກຂ່າວວິທະຍຸສາກົນແຫ່ງປະເທດຈີນ,ທ່ານອ່ອນສີ ບຸດສີວົງສັກ ຫົວໜ້າສະມາຄົມອຸດສາຫະກຳຕັດຫຍິບລາວກ່າວວ່າ:ອຸດສາຫະກຳຕັດຫຍິບລາວຈະນຳໃຊ້ໂອກາດທີ່ລາວຈະເຂົ້າເປັນສະມາຊິກອົງການການຄ້າໂລກເພື່ອເລັ່ງລັດການປັບປຸງລະດັບຄຸນນະພາບຂອງຜະລິດຕະພັນອຸດສາຫະກຳໃຫ້ສູງຂຶ້ນ.ທ່ານກ່າວວ່າ:
"ສິນຄ້າພວກເຮົາສ່ວນຫຼາຍຜະລິດກາຍ98%ແມ່ນສົ່ງອອກໄປຕະຫຼາດສາກົນ,ຂ້າພະເຈົ້າມີຄວາມທະນົງໃຈວ່າຜະລິດຕະພັນສິນຄ້າທີ່ຜະລິດຈາກລາວໂດຍສະເພາະເຄື່ອງນຸ່ງຫົ່ມພວກເຮົາມີຄຸນນະພາບທຽບເທົ່າສາກົນຫຼືວ່າບາງໂຮງງານຍັງຜະລິດໄດ້ດີກວ່າ,ຄິດວ່າກາລະໂອກາດນີ້ໝາຍຄວາມວ່າພວກເຮົາຈະໄດ້ຮັບການປົກປ້ອງສິດທິເທົ່າທຽມກັບປະເທດອື່ນ,ແລະພວກເຮົາໃນນາມປະເທດທີ່ດ້ອຍພັດທະນາບໍ່ໄດ້ມີການຈຳກັດເລື່ອງຕະຫຼາດຢູ່ແລ້ວ,ບໍ່ມີໂຄຕາ,ບໍ່ມີການຈຳກັດໂຄຕາ,ບໍ່ມີຫຍັງ."
ທ່ານອ່ອນສີ ບຸດສີວັງສັກຍັງກ່າວຕື່ມອີກວ່າ,ໃນຂະນະທີ່ປະເຊີນກັບໂອກາດທີ່ດີ,ອຸດສາຫະກຳຕັດຫຍິບລາວກໍ່ຍັງມີຈຸດອ່ອນບາງຢ່າງທີ່ຈະຕ້ອງໄດ້ແກ້ໄຂ,ສະນັ້ນ,ຕ້ອງເລັ່ງລັດປັບປຸງອຸດສາຫະກຳໃຫ້ມີລະດັບສູງຂຶ້ນເພື່ອຕອບສະໜອງກັບຄວາມຮຽກຮ້ອງຕ້ອງການໃນສາກົນ.ທ່ານກ່າວວ່າ:
"ເຮົາຕ້ອງຄຳນຶງເຖິງວ່າຫຼັງຈາກປະເທດລາວເຮົາໄດ້ຫຼຸດພົ້ນອອກຈາກຄວາມເປັນດ້ອຍພັດທະນາຕາມທີ່ລັດຖະບານລາວໄດ້ກະໄວ້ໃນປີ2020,ພວກເຮົາຈະຕ້ອງແຂ່ງຂັນກັບປະເທດອື່ນໃນຖານະດຽວກັນ,ພວກເຮົາຈະບໍ່ໄດ້ຮັບສິດທິພິເສດຕໍ່ໄປ,ດັ່ງນັ້ນ,ແຕ່ນີ້ຕໍ່ໄປພວກເຮົາມີຄວາມຈຳເປັນທີ່ສຸດຕ້ອງພັດທະນາສີມືແຮງງານຂອງຄົນລາວເຮົາໃຫ້ກ້າວຂຶ້ນ,ພ້ອມກັນນັ້ນ,ພວກເຮົາກໍ່ຕ້ອງພັດທະນາອຸດສາຫະກຳຕັດຫຍິບລາວໃຫ້ທັນສະໄໝຂຶ້ນກວ່າເກົ່າ,ໝາຍຄວາມວ່າ,ແທນທີ່ເຮົາຈະໃຊ້ເຄື່ອງຈັກແບບເກົ່າ,ຊັກຊ້າ,ຄຸນນະພາບບໍ່ສູງ,ພວກເຮົາມີຄວາມຈຳເປັນທີ່ສຸດທີ່ຈະຕ້ອງໃຊ້ເຄື່ອງຈັກທີ່ມີອັດຕະໂນມັດຫຼາຍຂຶ້ນ,ມີຄວາມວ່ອງໄວຫຼາຍຂຶ້ນ,ຂ້າພະເຈົ້າເຫັນວ່າມາຮອດປະຈຸບັນນີ້,ປະເທດລາວກໍ່ເປັນປະເທດນ້ອຍ,ສິນຄ້າກໍ່ມີຈຳນວນໜ້ອຍ,ຄັນຊິເວົ້າແລ້ວ,ຖ້າວ່າເຮົາຢາກເຮັດການຄ້າກັບສາກົນ,ພວກເຮົາກໍ່ຕ້ອງມີສິນຄ້າຫຼາຍແລະກໍ່ຕ້ອງມີສິນຄ້າຫຼາກຫຼາຍຊະນິດ,ແລະໃຫ້ຊື່ໄດ້ປະຈຳຕໍ່ເນື່ອງໃນຄຸນນະພາບອັນສະໝ່ຳສະເໝີ,ອັນນີ້ແມ່ນເງື່ອນໄຂທີ່ພວກເຮົາຈະຕ້ອງໄດ້ເບິ່ງ."
"ສິນຄ້າພວກເຮົາສ່ວນຫຼາຍຜະລິດກາຍ98%ແມ່ນສົ່ງອອກໄປຕະຫຼາດສາກົນ,ຂ້າພະເຈົ້າມີຄວາມທະນົງໃຈວ່າຜະລິດຕະພັນສິນຄ້າທີ່ຜະລິດຈາກລາວໂດຍສະເພາະເຄື່ອງນຸ່ງຫົ່ມພວກເຮົາມີຄຸນນະພາບທຽບເທົ່າສາກົນຫຼືວ່າບາງໂຮງງານຍັງຜະລິດໄດ້ດີກວ່າ,ຄິດວ່າກາລະໂອກາດນີ້ໝາຍຄວາມວ່າພວກເຮົາຈະໄດ້ຮັບການປົກປ້ອງສິດທິເທົ່າທຽມກັບປະເທດອື່ນ,ແລະພວກເຮົາໃນນາມປະເທດທີ່ດ້ອຍພັດທະນາບໍ່ໄດ້ມີການຈຳກັດເລື່ອງຕະຫຼາດຢູ່ແລ້ວ,ບໍ່ມີໂຄຕາ,ບໍ່ມີການຈຳກັດໂຄຕາ,ບໍ່ມີຫຍັງ."
ທ່ານອ່ອນສີ ບຸດສີວັງສັກຍັງກ່າວຕື່ມອີກວ່າ,ໃນຂະນະທີ່ປະເຊີນກັບໂອກາດທີ່ດີ,ອຸດສາຫະກຳຕັດຫຍິບລາວກໍ່ຍັງມີຈຸດອ່ອນບາງຢ່າງທີ່ຈະຕ້ອງໄດ້ແກ້ໄຂ,ສະນັ້ນ,ຕ້ອງເລັ່ງລັດປັບປຸງອຸດສາຫະກຳໃຫ້ມີລະດັບສູງຂຶ້ນເພື່ອຕອບສະໜອງກັບຄວາມຮຽກຮ້ອງຕ້ອງການໃນສາກົນ.ທ່ານກ່າວວ່າ:
"ເຮົາຕ້ອງຄຳນຶງເຖິງວ່າຫຼັງຈາກປະເທດລາວເຮົາໄດ້ຫຼຸດພົ້ນອອກຈາກຄວາມເປັນດ້ອຍພັດທະນາຕາມທີ່ລັດຖະບານລາວໄດ້ກະໄວ້ໃນປີ2020,ພວກເຮົາຈະຕ້ອງແຂ່ງຂັນກັບປະເທດອື່ນໃນຖານະດຽວກັນ,ພວກເຮົາຈະບໍ່ໄດ້ຮັບສິດທິພິເສດຕໍ່ໄປ,ດັ່ງນັ້ນ,ແຕ່ນີ້ຕໍ່ໄປພວກເຮົາມີຄວາມຈຳເປັນທີ່ສຸດຕ້ອງພັດທະນາສີມືແຮງງານຂອງຄົນລາວເຮົາໃຫ້ກ້າວຂຶ້ນ,ພ້ອມກັນນັ້ນ,ພວກເຮົາກໍ່ຕ້ອງພັດທະນາອຸດສາຫະກຳຕັດຫຍິບລາວໃຫ້ທັນສະໄໝຂຶ້ນກວ່າເກົ່າ,ໝາຍຄວາມວ່າ,ແທນທີ່ເຮົາຈະໃຊ້ເຄື່ອງຈັກແບບເກົ່າ,ຊັກຊ້າ,ຄຸນນະພາບບໍ່ສູງ,ພວກເຮົາມີຄວາມຈຳເປັນທີ່ສຸດທີ່ຈະຕ້ອງໃຊ້ເຄື່ອງຈັກທີ່ມີອັດຕະໂນມັດຫຼາຍຂຶ້ນ,ມີຄວາມວ່ອງໄວຫຼາຍຂຶ້ນ,ຂ້າພະເຈົ້າເຫັນວ່າມາຮອດປະຈຸບັນນີ້,ປະເທດລາວກໍ່ເປັນປະເທດນ້ອຍ,ສິນຄ້າກໍ່ມີຈຳນວນໜ້ອຍ,ຄັນຊິເວົ້າແລ້ວ,ຖ້າວ່າເຮົາຢາກເຮັດການຄ້າກັບສາກົນ,ພວກເຮົາກໍ່ຕ້ອງມີສິນຄ້າຫຼາຍແລະກໍ່ຕ້ອງມີສິນຄ້າຫຼາກຫຼາຍຊະນິດ,ແລະໃຫ້ຊື່ໄດ້ປະຈຳຕໍ່ເນື່ອງໃນຄຸນນະພາບອັນສະໝ່ຳສະເໝີ,ອັນນີ້ແມ່ນເງື່ອນໄຂທີ່ພວກເຮົາຈະຕ້ອງໄດ້ເບິ່ງ."
